1 Corintios 9:14 - TÄ̧DO Ä̧CUÄ̧ I̧HUȨNȨ

¹⁴ Ja̧'hua̧ta̧nö̧ Tu̧ru̧hua̧ hue'inödo ttö̧ja̧ suronä jȩttö̧ jȩpö̧ icu huȩnȩ ji'ähuätörö'inä, i̧huȩnȩ ji'äu ttaditomenä, ja̧u̧ aditö ttö̧ja̧cuä̧cua̧'a̧nö̧.

Nuevo Testamento Uwotjüja

¹⁴ Ja̧'wa̧nü̧ jü̧ta̧'a̧nü̧, Tu̧ru̧wa̧'i̧nä̧ we'inü̧, Dio i̧wȩnȩ ji'äwätürümä̧, jua̧u̧ jittäuttü kuä̧nü̧ ttü̧ja̧kua̧ pä'ü.

1 Corintios 9:14 ပူးပေါင်းရင်းမြစ်များ

San Mateo 10:10

Cusacuyu'inä cuȩpä̧tu̧cuä̧'. Cua̧mö̧ca̧ i̧sä̧ta̧mä̧ ji̧ta̧cu̧nä̧tä̧ ȩpä̧tu̧cui. Cu̧jä̧pö̧ isäya'inä, cuitta'ca'inä cuȩpä̧tu̧cuä̧'. Iso päi'önä ya̧tȩ adicuä i̧sa̧rö̧ u̧cuȩ ttiyö'a̧nö̧ ja̧'a̧.

San Lucas 10:7

Jahuätötäcu ji̧nä̧ yodetenä ka̧cuä̧tu̧cui̧. Ja̧'hua̧ta̧nö̧ cuätucui, au'inä ahuätucui jahuätö ttiyötä. Adicuä i̧sa̧ aditähuä micuä ȩmö̧. Korode korodenömä cuä'ä'chätucuä'.

San Lucas 10:8

Ötahuiyära̧'a̧ cui̧'chi̧'ä̧tu̧cuo̧mȩnä̧, ucuturu eseunu ttamöcuädöttömä, cuätucui jahuätö ttiyömä.

Hechos 18:3

Aquilacu, Priscilacu isotö tti̧jȩti̧yu̧ttu̧ 'tö̧'ö̧ aditinätödo odehuiyä. Pablo'inä ja̧u̧ juäi aditina'attö, jahuätöcu aditö ki̧nö̧do.

1 Corintios 4:15

Ja̧'hua̧ta̧nö̧ recuätö huo̧juȩtä̧tö̧ isotö, to̧mö̧rȩ jähuä mil jo̧mȩnä̧, ucuturu Cristo i̧huȩnȩ ttu̧huo̧juȩto̧mȩnä̧, cuä̧'o̧tö̧mä̧ recuätömä to'ätöjä. Ttötäsä cuä'omä Cristo Jesúsru cuesetätucuomenä. Ttö ttö̧ja̧ suronä jȩttö̧ jȩpö̧ icu huȩnȩ ji'ähuinösä ucuturu.

1 Corintios 9:11

Ja̧'hua̧nö̧ ja̧'a̧ttö̧ iso päi'önä ujutumä ucuturu adihuä huȩnȩ ji'äu tu̧ju̧ni̧na̧'a̧ttö̧, ujuturu ppäcuhuädätucua pä'ö koro juäi iyö ¿suroja'a tä̧ji̧ ucuturu?

1 Corintios 9:12

Korotö ucuturu jittähuomenä, jahuätö “ppäcuhuädätucuatö” pä'ätö. Ja̧'hua̧ ja̧'a̧ jahuätöttö'inä abonänö ppäcuhuädätucua pä'ö ujuturu ¿adihua'adi̧? Iso päi'önä ujutumä jä'epocotö pi̧nä̧tö̧jä̧ ucuturu. Pärocua'acu o'ca juiyönä tami 'qui'ächi'inätöjä, adiu cuä̧ju̧cuä̧tu̧cua̧ pä'ö Cristo i̧huȩnȩ.

1 Corintios 9:16

Ttömä a'cuoyäunu ji'ähuocösä ttö̧ja̧ suronä jȩttö̧ jȩpö̧ icu huȩnȩ. Iso päi'önä ja̧u̧ huȩnȩ chesetina'attö, jidäu'a̧nö̧ ja̧'a̧. Ja̧'hua̧nö̧ jidäu juiyöttömä, suronä 'cuäopäcua'a ttörö.

1 Corintios 9:4

¿O'ca juiyönä cuäcuähuä'inä, ahuähuä'inä ttörö ttiyö juiyö'a̧nö̧ tä̧ji̧?

2 Corintios 2:12

Troas ötahuiyära̧'a̧ 'chä̧hui̧'ö̧, Cristo i̧huȩnȩ jidähua pä'ö, rö̧ȩnä̧ Tu̧ru̧hua̧ i̧huȩnȩ adicuä ji̧na̧'a̧do. Recuätö ttä̧ju̧cua̧ pä'inätödo.

Gálatas 6:6

Ya̧tȩ adihuä juäi huȩnȩ ä̧ju̧cu̧mä̧, churutä huo̧juȩtö̧rö̧ ppä'ädö iyö'a̧nö̧ ja̧'a̧ koro juäi u̧ju̧nä̧rö̧ juäittö.

1 Tesalonicenses 1:5

Ujutumä pi̧yȩ adihuä huȩnȩ, ttö̧ja̧ suronä jȩttö̧ jȩpö̧ icu huȩnȩ, ucuturu jitähuomenä, ujututä ti̧huȩnȩnä̧mä̧ ji'ähuocotö pi̧nä̧tö̧jä̧. Pi̧yȩ huȩnȩ, iso päi'önä huȩnȩ, tu̧huo̧jua̧'a̧ttö̧, Espíritu Santo ujurunä ji'ähuinätöjä. Ucuturu ppä'ädö tö̧ja̧cui̧nö̧mä̧ topinätöjä.