1 Corintios 9:12 - TÄ̧DO Ä̧CUÄ̧ I̧HUȨNȨ

¹² Korotö ucuturu jittähuomenä, jahuätö “ppäcuhuädätucuatö” pä'ätö. Ja̧'hua̧ ja̧'a̧ jahuätöttö'inä abonänö ppäcuhuädätucua pä'ö ujuturu ¿adihua'adi̧? Iso päi'önä ujutumä jä'epocotö pi̧nä̧tö̧jä̧ ucuturu. Pärocua'acu o'ca juiyönä tami 'qui'ächi'inätöjä, adiu cuä̧ju̧cuä̧tu̧cua̧ pä'ö Cristo i̧huȩnȩ.

Nuevo Testamento Uwotjüja

¹² Kkorotü'i̧nä̧, ukututtü pi̧yȩ pädü ttȩmä̧'i̧ja̧'a̧mä̧, juȩnȩ yabonä̧ ujutumä̧ tȩma̧ pä'ü ja̧'a̧. Ja̧'wa̧nü̧ ja̧'a̧nä̧'i̧nä̧, ujutumä̧ pi̧yȩttü̧mä̧ tȩmo̧ka̧'a̧ usurä ȩmä̧wä̧'i̧jä̧tü̧jä̧, Crito i̧wȩnȩ jareü jitäu ttoepü juiyäkua'anü̧ pä'ü.

1 Corintios 9:12 ပူးပေါင်းရင်းမြစ်များ

San Lucas 11:52

“Hueähuä huȩnȩ huo̧juȩtä̧tö̧, suronä 'cuäopäcua'a ucuturu. Huo̧juä̧huä̧ ttu̧huo̧jui̧'o̧mȩ bahuecuahui ȩmi̧pi̧nä̧tö̧jä̧. Ja̧'hua̧nö̧ ja̧'a̧nä̧ ucutu'inä do'ächocotöjä. Dottächa pä'ätörö'inä, dottächö juiyönä pä'ätöjä, —pä'inödo Jesús.

Hechos 18:3

Aquilacu, Priscilacu isotö tti̧jȩti̧yu̧ttu̧ 'tö̧'ö̧ aditinätödo odehuiyä. Pablo'inä ja̧u̧ juäi aditina'attö, jahuätöcu aditö ki̧nö̧do.

Romanos 15:22

Ja̧'hua̧nö̧ ja̧'a̧ttö̧ 'cuäopönä ucuturu do'ächö chicha päda'anä, chichö juiyönä ji̧na̧'a̧.

1 Corintios 13:7

Ja̧'hua̧ta̧nö̧ o'ca juiyönä adiu a̧'cua̧ pö̧nö̧ kö̧. Diosrötä tta̧'ä̧rö̧ amöcuädö. Ami 'qui'ächi'ö'inä kö̧.

1 Corintios 6:7

Juhuorö'inä ucutumä cu̧jä̧hua̧tö̧cu̧ curohuähuätucuomenä, ja̧u̧mä̧ yoröiso suroja'a. Ja̧'hua̧nö̧ jȩpö̧ kä̧nö̧, ¿dä̧bö̧ cuami 'qui'ächi'ö cu̧ja̧cuä̧tu̧cuo̧ca̧'a̧jä̧ttö̧ 'corujuäinätä? Ttö̧nä̧u̧cua̧'a̧nä̧, ¿dä̧bö̧ ja̧'a̧tä̧ to̧cu̧huä̧rä̧tu̧cuo̧ca̧'a̧jä̧ttö̧?

1 Corintios 9:14

Ja̧'hua̧ta̧nö̧ Tu̧ru̧hua̧ hue'inödo ttö̧ja̧ suronä jȩttö̧ jȩpö̧ icu huȩnȩ ji'ähuätörö'inä, i̧huȩnȩ ji'äu ttaditomenä, ja̧u̧ aditö ttö̧ja̧cuä̧cua̧'a̧nö̧.

1 Corintios 9:15

Ttömä pa̧'a̧nö̧ jȩpo̧cö̧ pi̧nö̧sä̧. Jitä'inä huȩyu̧to̧cö̧sä̧ cuiyätucuattö pä'ö. Korotömä Dios i̧huȩnȩ jidähuinö micuä päi'önä, ttörö ttiya pättöttömä, chȩmo̧ca̧'a̧nä̧ 'corupädi'ö'a̧nö̧ jä̧cu̧sä̧.

1 Corintios 9:16

Ttömä a'cuoyäunu ji'ähuocösä ttö̧ja̧ suronä jȩttö̧ jȩpö̧ icu huȩnȩ. Iso päi'önä ja̧u̧ huȩnȩ chesetina'attö, jidäu'a̧nö̧ ja̧'a̧. Ja̧'hua̧nö̧ jidäu juiyöttömä, suronä 'cuäopäcua'a ttörö.

1 Corintios 9:18

Ja̧'hua̧nö̧ ja̧'a̧ttö̧ ¿däjettö jidähuinö micuämä? Iso päi'önä ttö̧ja̧ suronä jȩttö̧ jȩpö̧ icu huȩnȩ jidähuomenä, korotörö koro juäi jädepoca'anä, ja̧u̧tä̧ ttö jidähuinö micuä. Ja̧'hua̧nö̧ jȩpö̧, ttömä ȩmo̧cö̧sä̧ koro juäi korotöttö micuä juiyönä Dios i̧huȩnȩ ji'äusä pä'ö kä̧nö̧.

1 Corintios 9:2

Korotömä ttörö pä'ätö a̧'cua̧ra̧'a̧, ja̧u̧mä̧ Jesús hue'ähuocö pä'ö. Korotömä ja̧'hua̧nö̧ pättomenä, ucutu ttörö iso päi'önä huo̧juä̧tö̧jä̧. Ucutumä Curu̧hua̧tu̧cu̧ru̧ cuesetätucuomenä, huo̧juä̧tö̧jä̧ ja̧u̧mä̧ iso päi'önä Jesús huȩ'ä̧hua̧ pä'ö.

2 Corintios 11:12

Pä'äji jȩchi̧nö̧ ta'anö, jȩchä̧cua̧sä̧ jitä'inä. Ja̧'hua̧nö̧ jȩcho̧mȩnä̧, korotömä “Ujutumä Pablocu yoräteunä aditätöjä” pä'ätömä, adiu esehuocotö ttäcuotö.

2 Corintios 11:20

Ucuturu huettomenä, eseunu cuami 'qui'ächi'ätöjä. Ja̧'hua̧ta̧nö̧ cuhuäretucu ttö̧nä̧u̧cuo̧mȩnä̧'i̧nä̧, ttumöhuäyotö päi'önä huȩttä̧ro̧mȩnä̧'i̧nä̧ eseunu cuami 'qui'ächi'ätöjä. Ja̧'hua̧ta̧nö̧ ucuturu repeähuä juiyönä ttucuocuomenä'inä, cu'ätucunä cuäcuätomenä'inä eseunu cuami 'qui'ächi'ätöjä.

2 Corintios 2:12

Troas ötahuiyära̧'a̧ 'chä̧hui̧'ö̧, Cristo i̧huȩnȩ jidähua pä'ö, rö̧ȩnä̧ Tu̧ru̧hua̧ i̧huȩnȩ adicuä ji̧na̧'a̧do. Recuätö ttä̧ju̧cua̧ pä'inätödo.

2 Corintios 6:3

Korotömä ujutu taditomenä, suronä ttucuocua pä'ö, yoröiso koro koronö jȩpo̧co̧tö̧jä̧.