1 Corintios 8:13 - TÄ̧DO Ä̧CUÄ̧ I̧HUȨNȨ

¹³ Ja̧'hua̧ ja̧'a̧ttö̧ ttömä koro juäi chucuomenä, ya̧tȩ chö̧jä̧hua̧mä̧ ttörö topö suronä amöcuädöttömä, ja̧u̧nu̧ o'ca'a ttömä yoröiso cuocösä idepämä, korotö ttörö topö suronä ttamöcuädö juiyäcua'a̧nö̧.

Nuevo Testamento Uwotjüja

¹³ Ja̧'wa̧nü̧ ja̧'a̧ttü̧, chu̧kuȩ jäwänä̧ chi̧jä̧wa̧rü̧ surojünä̧ ma̧ä̧chü̧nä̧ jȩchü̧ttü̧mä̧, idepämä̧ yorisotä chuku juiyü'anü̧ ja̧'a̧.

1 Corintios 8:13 ပူးပေါင်းရင်းမြစ်များ

San Mateo 17:27

Ja̧'hua̧nö̧ ja̧'a̧nä̧, korotö suronä ttucuocu juiya pä'ö, duborara̧'a̧ po̧i̧rö̧ 'chocuhua täi. Äcuomenä 'chocuhuäcuru 'cho'ö icui. Ja̧u̧ po̧i̧ i̧sa̧ änä pärätä̧bi̧ cu̧'o̧cui̧'ä̧cua̧jä̧. Ja̧u̧ pärätä ȩmi̧pö̧, ruhuotörö cuimita täi, ttö chimippotö'inä, ucu cuimippotö'inä, —pä'inödo Jesús.

Hechos 15:20

—Ji̧yȩä̧cuȩtä̧ ti̧huȩnȩ huȩyu̧tu̧ huetö'a̧nö̧ ja̧'a̧ jahuätörö korotö ttä̧do̧ ä̧cua̧ a̧'u̧cuä̧ ä'ca jo̧mȩ iyähuämä ttȩmö̧ juiyö'a̧nö̧ ja̧'a̧. Ja̧'hua̧ta̧nö̧ ya̧tȩ chutä irecua pocojucu suronä jȩä̧'chö̧ juiyö'a̧nö̧ ja̧'a̧. Ja̧'hua̧ta̧nö̧ nu̧'ä̧hua̧rö̧'i̧nä̧, a̧'ä̧u̧ru̧'i̧nä̧ ttucu juiyö'a̧nö̧ ja̧'a̧. Isotö ttucuoja'inä ttucu juiyö'a̧nö̧ ja̧'a̧.

Romanos 14:13

Ja̧'hua̧nö̧ ja̧'a̧ttö̧ täcö juhua'a yabo korotörö jarode'ö tucuocu juiyö'a̧nö̧ ja̧'a̧. Amöcuädätucui. Yoröiso suronä jȩcu̧'ä̧tu̧cuä̧' Cristonä cu̧jä̧hua̧tö̧ ucu jȩcu̧'u̧ topö suronä jȩtta̧'a̧cu̧. Ja̧'hua̧ta̧nö̧ suronä jȩcu̧'ä̧tu̧cuä̧' cu̧jä̧hua̧tö̧ surojönä ma̧ttä̧ma̧'a̧cu̧.

Romanos 14:21

Ja̧'hua̧nö̧ ja̧'a̧ttö̧ idepä cucua'a'inä, vino cuahua'a'inä, koro jȩcu̧'a̧'a̧'i̧nä̧ cu̧jä̧hua̧ tomenä, suronä jȩpö̧, ijuiyuttumä, ja̧'hua̧nö̧ jȩcu̧'u̧ juiyö'a̧nö̧ ja̧'a̧, suronä jȩpö̧ ma̧ä̧cha̧'a̧cu̧.

1 Corintios 10:32

Korotömä judíos ttö̧ja̧'i̧nä̧, judíos huocotö'inä, Diosrö esetätö'inä ttä'ca jo̧mȩttö̧ suronä jȩcu̧'ä̧tu̧cuä̧', jahuätö'inä suronä jȩcu̧'ä̧tu̧cua̧'a̧ topi'ö'cotö suronä jȩtta̧'a̧cu̧.

1 Corintios 10:33

Ttömä 'cuäopönä jȩcha̧ pä'ösä o'ca toi'önä ttesehuäcua'anö̧. Ttötä chamönämä amöcuädäcuähuocösä. Korotörö amöcuädösä, jahuätö'inä ttesetäcuä'a̧nö̧.

1 Corintios 13:5

Ja̧'hua̧ta̧nö̧ ahuaruhuärö repe'ömä, suronämä ucuocuocö. Ja̧'hua̧ta̧nö̧ ahuaruhuärö repe'ömä: “Ttötä chöäremä iyocösä korotörö” pä'ocö. O'ca päi'önä ra̧huä̧ri̧po̧cö̧. Korotömä suronä jȩtto̧mȩnä̧, jurunä unichi'ö jȩttä̧ji̧mä̧, recuo ö̧ra̧huä̧ro̧ca̧'a̧.

1 Corintios 6:12

Iso päi'önä pättö huȩnȩ päa'a: “Ttömä o'ca juiyönä chamöcuädömä jȩchö̧'a̧nö̧ ja̧'a̧.” Juhuorö'inä o'ca juiyönä jȩchö̧ttö̧mä̧ adihuoca'a. Ja̧'hua̧ta̧nö̧ o'ca juiyönä chamöcuädömä jȩcha̧'a̧nä̧, chutä ttö chamöcuädömä, ttörö huea pä'ö jȩpo̧cö̧sä̧.

1 Corintios 9:12

Korotö ucuturu jittähuomenä, jahuätö “ppäcuhuädätucuatö” pä'ätö. Ja̧'hua̧ ja̧'a̧ jahuätöttö'inä abonänö ppäcuhuädätucua pä'ö ujuturu ¿adihua'adi̧? Iso päi'önä ujutumä jä'epocotö pi̧nä̧tö̧jä̧ ucuturu. Pärocua'acu o'ca juiyönä tami 'qui'ächi'inätöjä, adiu cuä̧ju̧cuä̧tu̧cua̧ pä'ö Cristo i̧huȩnȩ.

2 Corintios 11:29

Ka̧ra̧mä̧ ijuiyuhuomenä, ttö'inä chijuiyuhuächi'ö'a̧nö̧ jä̧cu̧sä̧. Ja̧'hua̧ta̧nö̧ ka̧ra̧ suronä jȩo̧mȩnä̧, ttömä dä'äcu chö̧ra̧huä̧rö̧'a̧nö̧ jä̧cu̧sä̧.

2 Corintios 6:3

Korotömä ujutu taditomenä, suronä ttucuocua pä'ö, yoröiso koro koronö jȩpo̧co̧tö̧jä̧.