1 Corintios 7:9 - TÄ̧DO Ä̧CUÄ̧ I̧HUȨNȨ

⁹ Ja̧'hua̧ta̧nö̧ ttirecuo toönä kä̧nö̧, u̧mä̧tö̧rö̧'i̧nä̧, nä̧tö̧rö̧'i̧nä̧ ttusuttumä, yoröiso suroja'a. Ja̧'hua̧nö̧ ja̧'a̧ttö̧ ja̧'hua̧nö̧ jȩttö̧ juiya pä'ö, ttirecuorö ttȩmö̧'a̧nö̧ ja̧'a̧.

Nuevo Testamento Uwotjüja

⁹ Ja̧'wa̧nü̧ ja̧'a̧nä̧, kua̧mi̧ 'kikuächi'ü juiyünä̧ jü̧ttü̧mä̧, ü'käwi'ü kka̧kuä̧tu̧kui̧ jakuänä̧mä̧ usurä kuȩmä̧wä̧tu̧kuä̧, ja̧'wa̧nü̧tä̧ adiwa'a.

1 Corintios 7:9 ပူးပေါင်းရင်းမြစ်များ

Hechos 19:36

Ja̧'hua̧nö̧ pi̧yȩmä̧ ttä̧ppö̧tä̧rö̧ juiyö'a̧nö̧ ja̧'a̧. Ja̧'hua̧nö̧ ja̧'a̧ttö̧ 'coruchi'ätucui. Suronä jȩcu̧'ä̧tu̧cu̧ juiyö'a̧nö̧ ja̧'a̧.

1 Corintios 7:2

Juhuorö'inä recuätö nä̧tö̧rö̧ suronä usu jȩtta̧'a̧ttö̧, o'ca toi'önä u̧mä̧tö̧'i̧nä̧ jitötä ttirecuarö ttu̧ju̧nä̧rä̧cua̧'a̧nö̧. Ja̧'hua̧ta̧nö̧ nä̧tö̧'i̧nä̧ jitötä ttirecuorö ttu̧ju̧nä̧rä̧cua̧'a̧nö̧.

1 Corintios 7:28

Ja̧'hua̧ta̧nö̧ ja̧'a̧nä̧ cuirecuarö cuȩmö̧ttö̧mä̧, suronämä jȩpo̧cö̧jä̧. Isaju'inä kirecuorö kȩmö̧ttö̧mä̧, jahuäju'inä suronämä jȩpo̧co̧ju̧. Ja̧'hua̧nö̧ ja̧'a̧nä̧ ttirecuarö ȩmä̧tö̧rö̧, jitämä pi̧jä̧nä̧ kä̧nö̧ pi̧jä̧ttö̧ rö̧ȩnä̧ surojö 'cuäopäcua'a. Ja̧'hua̧nö̧ surojö 'cuättopö juiya pä'ö ji'äusä pi̧yȩmä̧.

1 Corintios 7:36

Ya̧tȩ ittiju böa juojomenä, kirecuorö kȩma̧ päjöttömä, kä'o'inä kirecuorö kȩma̧ päöttömä, huäinä kȩma̧ja̧ kirecuorö. Ja̧u̧mä̧ surojömäcö̧.

1 Corintios 7:39

Ja̧'hua̧ta̧nö̧ yajute kirecuorö ku̧nä̧rä̧ju̧mä̧, ja̧u̧ru̧tä̧, kirecuorötä, kö̧jä̧cua̧'a̧nö̧ hua'ö icuome jubö päi'önä. Ja̧'hua̧nö̧ ja̧'a̧nä̧ kirecuo hua'ö icuomenätä, ka̧ra̧rö̧ Diosrö esetörö kö̧ja̧ päjöttömä kö̧jä̧cua̧'a̧nö̧.

1 Tesalonicenses 4:4

Suronä jȩä̧cuä̧huä̧ juiyönä, ucuotönö amöcuädö, cuirecuarö ȩmä̧huä̧ huo̧jui̧pä̧tu̧cui̧.

1 Timoteo 5:11

Ja̧'hua̧nö̧ ja̧'a̧nä̧ rȩcua̧mö̧ möäyotörö ppäcuhuädätucuä'. Jahuätö jitöätä ttamöcuädö jȩtto̧mȩnä̧, Cristorö jaropi'ö, ttirecuorö ttȩma̧ pättäcuotö.

1 Timoteo 5:14

Ja̧'hua̧nö̧ ja̧'a̧ttö̧ ttö pä'ösä rȩcua̧mö̧ möäyotörö, ttirecuorö ttȩmä̧cua̧'a̧nö̧. Tti̧tti̧mö̧rö̧ ttu̧ju̧nä̧rä̧cua̧'a̧nö̧. Ttojusodenä'inä adiu tta̧ttä̧rä̧cua̧'a̧nö̧. Ja̧'hua̧nö̧ adiu jȩtto̧mȩnä̧, ttaboiyotömä suronä ucuocuocotö jahuätörö.