1 Corintios 7:34 - TÄ̧DO Ä̧CUÄ̧ I̧HUȨNȨ

³⁴ Ja̧'hua̧ta̧nö̧ ja̧'a̧nä̧ nä̧tö̧'i̧nä̧, yajute kirecuo to'aju, Tu̧ru̧hua̧rö̧ adiu amöcuädö jȩpä̧ju̧, Dios ä'ca jo̧mȩttö̧ adiu kö̧jä̧cua̧'a̧nö̧ ka̧'cua̧ru̧hua̧nä̧'i̧nä̧, jättäpäyajunä'inä. Ja̧'hua̧ta̧nö̧ kirecuoru ku̧nä̧rä̧ju̧, pi̧jä̧ jähuä amöcuädö jȩpä̧ju̧, kirecuo esehua pä'ö jahuäjuru.

Nuevo Testamento Uwotjüja

³⁴ Ja̧'wa̧nü̧ jü̧ta̧'a̧nü̧ ja̧'a̧, nä̧tü̧ ttirekuorü kka̧kuä̧tü̧'i̧nä̧, ttirekuorü ȩmo̧ko̧tü̧'i̧nä̧ jü̧nä̧. Kkirekuo to'aju mü̧ä̧yajumä̧, Tu̧ru̧wa̧ jäwätä kka̧'kua̧ ro'ekuäju, kka̧mü̧nä̧ kkidepä adiu tta̧'a̧rä̧kuä̧u̧nü̧'i̧nä̧ ja̧'wa̧ta̧nü̧ epíritu jäwänä̧'i̧nä̧, jü̧nä̧; ja̧'wa̧nü̧ ja̧'a̧nä̧, kkirekuorü kkä̧ju̧mä̧, pi̧jä̧ jäwätä kka̧'kua̧ ro'ekuäju, kkirekuo esewomȩnä̧ jȩja̧ pä'ütä.

1 Corintios 7:34 ပူးပေါင်းရင်းမြစ်များ

San Juan 10:13

Ja̧u̧ ubomä aditähuä micuätä a̧mö̧cuä̧ra̧'a̧ttö̧, tö'ipächö. O̧vȩja̧stö̧rö̧ yoröiso tta̧huä̧ra̧ pä'ö amöcuädocö.

Romanos 6:13

Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö.

1 Corintios 6:20

Dios rö̧ȩnä̧ mitö ȩmi̧nä̧u̧jä̧. Ja̧'hua̧nö̧ ja̧'a̧ttö̧ cuamönätucu jättäpäyotönä'inä, cua̧'cua̧ru̧hua̧tu̧cu̧nä̧'i̧nä̧ ji̧nä̧ ji̧yȩtȩnä̧ adiu esehuätucui Diosrö.

1 Corintios 7:33

Pärocua'acu ya̧tȩ irecuarö ku̧nä̧rö̧mä̧, pi̧jä̧ jähuä amöcuädö jȩpö̧, irecua kesehua pä'ö ja̧u̧ru̧.

1 Corintios 7:35

Ttömä pa̧'a̧nö̧ ji'äusä ucuturu, ttö̧ja̧ ucuturu ttucuotönä cu̧ja̧cuä̧tu̧cuä̧cua̧'a̧nö̧, o'ca juiyönä cuami iso'quitucunä jȩpö̧ Tu̧ru̧hua̧ hueömä. Hueähuä huȩnȩ päi'önä huȩyu̧tu̧ ji'ähuocösä ucuturu.

2 Corintios 11:28

Ja̧'hua̧ta̧nö̧ ja̧u̧ juäi o'ca juiyönä, koro'inä chami 'quidächi'omenä, mo̧ro̧ji̧nö̧ a̧'u̧cuä̧ 'cuäopönä a̧mö̧cuä̧rö̧sä̧ iglesias ruhuärö.

2 Corintios 8:16

Diosrö esehuätöjä jitämä. Dios Tito ami iso'quinä ucuocu hue'inödo Titorö, ucuturu rö̧ȩnä̧ amöcuäda pä'ö ttö chamöcuädö ta'anö.

Filipenses 1:20

Ttömä yoröiso dä'ä juiyönä chö̧ja̧ pä'ösä. Jitämä suronä 'cuädopa'anä, 'cuäopönä yecuäcuähuä juiyönä jidähua pä'ösä Cristo i̧huȩnȩ, jidähuinö ta'anö. Ja̧'hua̧ta̧nö̧ chö̧jö̧ttö̧'i̧nä̧, 'corupädi'öttö'inä, korotömä ttörö topö, Cristorö ttesehuäcuähua pä'ösä.

1 Tesalonicenses 5:23

Dios, tami iso'quinä eseunu kä̧cuä̧huä̧ iyömä, adiunätä jȩcu̧'ä̧tu̧cua̧ pä'ö ppädäcua'a̧nö̧ ucuturu. Ja̧'hua̧ta̧nö̧ Tu̧ru̧hua̧ Jesucristo ichome jubö päi'önä, surojö juiyönä tta̧huä̧rä̧cua̧'a̧nö̧ cua̧'cua̧rö̧'i̧nä̧, cua̧'cua̧ru̧hua̧rö̧'i̧nä̧, jättäpäyotörö'inä.

1 Timoteo 3:5

Ja̧u̧mä̧ i̧tti̧mö̧rö̧'i̧nä̧, ahuaruhuärö'inä tta̧huä̧rä̧cuä̧huä̧nä̧ ieruttumä, ¿tta̧'a̧nö̧ tta̧huä̧rä̧cua̧'a̧jä̧ttö̧ Diosrö esetätörö?

1 Timoteo 5:5

Ja̧'hua̧ta̧nö̧ yajute recua ki̧tti̧mö̧'i̧nä̧, kö̧nä̧mö̧'i̧nä̧ to'ajumä, Diosrötä adiu esetö tta̧'ä̧rä̧ju̧. Jahuäjumä mo̧ro̧'i̧nä̧, yodo'inä ucuocuäju Diosrö.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.