1 Corintios 7:22 - TÄ̧DO Ä̧CUÄ̧ I̧HUȨNȨ

²² Iso päi'önä Dios huomenä, ya̧tȩ ka̧ra̧ u̧mö̧huä̧ya̧ i̧sa̧ pi̧nö̧mä̧, ja̧u̧mä̧ Tu̧ru̧hua̧ ä'ca jo̧mȩttö̧ ka̧ra̧ u̧mö̧huä̧ya̧ i̧sa̧ jö̧'a̧nö̧ ko̧cö̧. Ja̧'hua̧ta̧nö̧ Dios huomenä, ya̧tȩ ka̧ra̧ u̧mö̧huä̧ya̧ i̧sa̧ pocö pi̧nö̧mä̧, ja̧u̧mä̧ Tu̧ru̧hua̧ u̧mö̧huä̧ya̧ i̧sa̧ päi'önä kö̧.

Nuevo Testamento Uwotjüja

²² Isopäi'ünä̧, esclavo jü̧nä̧ ttu̧mü̧wä̧ya̧ wa̧rü̧ Tu̧ru̧wa̧ woinä̧ku̧ jü̧ttü̧mä̧, Tu̧ru̧wa̧tä̧ rä'epü ikuinä̧ku̧ ja̧'a̧; ja̧'wa̧nü̧ jü̧ta̧'a̧nü̧, u̧ru̧wa̧ to̧'a̧ esclavo pättäku wokürü woinä̧ku̧ jü̧ttü̧mä̧, jitämä̧ Crito-tä ja̧'a̧ esclavo jü̧nä̧ u̧ru̧wa̧mä̧.

1 Corintios 7:22 ပူးပေါင်းရင်းမြစ်များ

Romanos 1:1

Ttö Pablo, Dios huoina'attö, Jesucristo huȩ'ä̧hua̧sä̧. Ttörö pätetö hue'inö Dios, adihuä i̧huȩnȩ jidähua pä'ö.

1 Corintios 7:21

Dios ucuru huomenä, ¿ka̧ra̧ u̧mö̧huä̧ya̧ i̧sa̧ päi'önä micuä juiyönä aditinöjä tä̧ji̧? Juhua'acumä huäinä ja̧'a̧. Koronö päi'omenä, ja̧u̧ru̧ räcuhuopächa pä'ö jö̧ttö̧mä̧, huäinä ja̧u̧ru̧ jaropi'ö räcuhuopächaja.

1 Corintios 9:19

Ttömä ka̧ra̧ huȩ'ä̧hua̧mä̧cö̧sä̧. Juhuorö'inä o'ca toi'önä Cristorö tteseta pä'ö, huȩ'ä̧hua̧ i̧sa̧ jö̧'a̧nö̧ kö̧sä̧.

1 Corintios 9:21

Ja̧'hua̧ta̧nö̧ korotö Moisés hueähuä huȩnȩ jȩpo̧co̧tö̧cu̧ cuedächomenä, jahuätö cuettächö'a̧nö̧ cue'ächösä Diosrö ttesetäcua'a̧nö̧. Juhuorö'inä ttötä Dios hueähuä huȩnȩ jȩpö̧sä̧, Cristo ttörö huea'attö.

Gálatas 1:10

Ja̧'hua̧nö̧ pädomenämä, ¿ttö̧ja̧ ttöjö'cattö pä'ö päda'a tä̧ji̧? Tta̧'a̧huä̧jä̧. Diostä öjö'cattö pä'ö pä'ösä. ¿Ttö̧ja̧ ttörö pä̧huä̧ rö̧jö̧ tottattö pä'ö jȩcha̧'a̧ tä̧ji̧? Ttö ji̧nä̧ ttö̧ja̧ ttöjö'cattö pä'ö jȩcha̧ pädöttömä, Cristomä u̧mö̧huä̧ya̧ pocö pajisä.

Gálatas 5:1

Cristomä ujuturu surojöttö ejädö icuinö adiunätä cuetächa pä'ö. Ucuturu ejädö icuinö o'ca'a, cuami 'qui'ächi'ö cue'ächätucui, pä'äji ta'anö hueähuä huȩnȩ umöhuäyotö päi'äcuähuä juiyönä.

Gálatas 5:13

Chö̧jä̧hua̧tö̧, Dios ucutumä ttumöhuäyotö päi'önä cu̧ja̧cuä̧tu̧cu̧ juiya pä'ö huoinä̧u̧jä̧. Ja̧'hua̧nö̧ ja̧'a̧nä̧ adiunä kä̧nö̧, ucuturutä cuamönätucutä pä̧huä̧ rö̧jö̧mä̧ jȩcu̧'ä̧tu̧cu̧ juiyö'a̧nö̧ ja̧'a̧. Cuahuaruhuärö repe'ö kä̧nö̧, ka̧ra̧ ka̧ra̧nö̧ ppä'ädätucui.

Colosenses 4:12

Epafras'inä, ucutu i̧sa̧, te'äu ucuturu. Ja̧u̧'i̧nä̧ Cristocu aditö. Ja̧u̧mä̧ 'cuäopönä ucuocu Diosrö ucuturu, cuami 'qui'ächi'ö kä̧nö̧, o'ca juiyönä Diosrö pä̧huä̧ rö̧jö̧ jȩpö̧ cu̧ja̧cuä̧tu̧cua̧ pä'ö.

Filemón 1:16

Ja̧'hua̧nö̧ ja̧'a̧nä̧ adicuä i̧sa̧ ö̧ji̧nö̧'a̧nö̧mä̧, ko̧cö̧ jä̧cua̧. Jitämä adicuä i̧sa̧ttö̧'i̧nä̧ abonänö adiu ö̧jä̧cua̧, Cristonä adiunä tö̧jä̧hua̧ ja̧'a̧ttö̧. Ttö juiyo repe'ösä ja̧u̧ru̧. Ucu'inä ja̧u̧mä̧ ttö̧ja̧ i̧sa̧ ja̧'a̧ttö̧, ja̧u̧ru̧ repe'öjä. Ja̧'hua̧nö̧ ja̧'a̧nä̧ jitämä Cristonä tö̧jä̧hua̧ ja̧'a̧ttö̧, ttö ja̧u̧ru̧ repedöttö'inä abonänö repe'öjä ja̧u̧ru̧.

1 Pedro 2:16

Surojöttö ejädö icuähua̧ ö̧jö̧'a̧nö̧, eseunu ka̧cuä̧tu̧cui̧. Ja̧'hua̧nö̧ eseunu cu̧ja̧cuä̧tu̧cua̧'a̧ttö̧, suronämä jȩcu̧'ä̧tu̧cuä̧'. Dios umöhuäyotö ttö̧jö̧'a̧nö̧, ka̧cuä̧tu̧cui̧.

2 Pedro 1:1

Ttö, Simón Pedro, Jesucristo i̧huȩnȩ chadita pä'ö huȩ'ä̧hua̧sä̧. Pi̧yȩ cuyäru huȩyu̧tu̧sä̧ ucuturu, ujutu ta'anö adiu esetätörö. Tä'o Dioscu, Tu̧ru̧hua̧ Jesucristocu eseunu iyätö yoräteunä teseta pä'ö.

Judas 1:1

Ttömä Judassä. Jesucristo hueö jȩpö̧sä̧, Jacobo ö̧jä̧hua̧sä̧. Chi̧huȩnȩ hue'ösä ucuturu, Dios huoinä̧u̧ru̧, Tä'o Dios repeä̧u̧ru̧, Jesucristo tta̧huä̧rä̧u̧ru̧.