1 Corintios 7:17 - TÄ̧DO Ä̧CUÄ̧ I̧HUȨNȨ

¹⁷ Dios ucuturu huomenä, cu̧ji̧nä̧tu̧cu̧ ta'anö, adiu ka̧cuä̧tu̧cui̧. Ja̧'hua̧ta̧nö̧ Tu̧ru̧hua̧ ucuturu iyinö ta'anö, ka̧cuä̧tu̧cui̧. Pa̧'a̧nö̧ hue'ösä o'ca toi'önä iglesia ruhuärö̧.

Nuevo Testamento Uwotjüja

¹⁷ Ja̧'wa̧nü̧ ja̧'a̧nä̧, yotukunä̧rü̧ Tu̧ru̧wa̧ jȩ'kuä̧tu̧ku̧'a̧nü̧ jü̧ iyinü̧'a̧kuä̧ ja̧'wa̧ta̧nü̧ Dio ukuturu woinü̧ ku̧ja̧kui̧nä̧tu̧ku̧ta̧'a̧nü̧, jȩpü̧ kka̧kuä̧tu̧kui̧: Pi̧yȩtä̧tä̧, we'üsä o'katoi'ünä̧ igresia wotürü.

1 Corintios 7:17 ပူးပေါင်းရင်းမြစ်များ

San Mateo 19:12

Yotöcunä ttirecuarö ȩmo̧co̧tö̧. Korotömä yoröiso ttȩma̧ pä'ocotö. Korotömä ttirecuarö ttȩmö̧ juiya pä'ö hue'ähuotö. Ja̧'hua̧ta̧nö̧ korotömä Diosrö amöcuädö ttirecuarö ȩmo̧co̧tö̧. Pi̧yȩ huȩnȩ ä̧ju̧cu̧mä̧ huäinä ä̧ju̧cu̧, —pä'inödo Jesús.

1 Corintios 10:32

Korotömä judíos ttö̧ja̧'i̧nä̧, judíos huocotö'inä, Diosrö esetätö'inä ttä'ca jo̧mȩttö̧ suronä jȩcu̧'ä̧tu̧cuä̧', jahuätö'inä suronä jȩcu̧'ä̧tu̧cua̧'a̧ topi'ö'cotö suronä jȩtta̧'a̧cu̧.

1 Corintios 11:16

Ya̧tȩ pi̧yȩ huȩnȩ jä'epö ä̧ju̧cua̧ päöttömä, pa̧'a̧nö̧tä̧ pä'ösä ttömä. Ujutu'inä, iglesias ruhuä'inä pädäji ta'anö jȩpä̧tö̧jä̧. Koromä jȩpo̧co̧tö̧jä̧.

1 Corintios 11:34

Ya̧tȩ ppäi rö̧jä̧cu̧mä̧, chutä ojusodenä u̧cuȩ ucuäcua'a̧nö̧, Dios ro̧ȩpö̧ juiya pä'ö ucuturu cuppäsähui'ätucuomenä. Koro juäi huȩnȩ ttötä chichomenä, chu̧cuo̧cuä̧cua̧sä̧.

1 Corintios 14:33

Iso päi'önä Diosmä ja̧'a̧tä̧ jȩä̧cuä̧huä̧mä̧ kö'cocö. Diosmä o'ca juiyönä eseunu jȩä̧cuä̧huä̧tä̧ kö̧'ca̧. O'ca toi'önä kara'attö'inä iglesia ruhuä ja̧'hua̧nö̧ adiunä jȩpä̧tö̧.

1 Corintios 16:1

Pärätä cu̧ca̧ca̧tä̧tu̧cuo̧mȩnä̧, Diosrö esetätörö cuiyätucua pä'ö, Galacia rȩjȩ ttö̧ja̧ iglesia ruhuärö jidähuinö ta'anö jȩpä̧tu̧cui̧.

1 Corintios 4:17

Ja̧'hua̧nö̧ ja̧'a̧ttö̧ Chu̧ru̧hua̧nä̧ chi̧tti̧ rȩni̧'a̧rö̧, adiu jȩpö̧rö̧, Timoteorö hue'ösä ucuturu. Ja̧u̧tä̧ jiä̧huä̧cua̧ ucuturu Cristorö esetö chö̧jö̧ huȩnȩ'i̧nä̧, o'ca juiyönä pa̧ja̧cu̧nä̧ iglesias ruhuärö jidäu huȩnȩ'i̧nä̧.

1 Corintios 7:18

Diosmä ya̧tȩ circuncidado hua̧rö̧ huoöttömä, ja̧u̧mä̧ huäinä circuncidado ö̧jä̧cua̧. Ja̧'hua̧ta̧nö̧ Diosmä ya̧tȩ circuncidado huocörö'inä huoöttömä, ja̧u̧mä̧ huäinä circuncidado huocö'inä ö̧jä̧cua̧.

1 Corintios 7:24

Ja̧'hua̧ ja̧'a̧ttö̧ chö̧jä̧hua̧tö̧, Dios ucuturu huoäcua'a ä'canä cu̧ji̧nä̧tu̧cu̧ ta'anö, ka̧cuä̧tu̧cui̧ jitä'inä, churutä pä̧huä̧ rö̧jö̧tä̧ jȩpö̧.

1 Corintios 7:7

O'ca toi'önä ttö chö̧jö̧'a̧nö̧ ttö̧jö̧ttö̧mä̧, adihua'a ttörö. Ja̧'hua̧nö̧ ja̧'a̧nä̧ Dios ka̧ra̧rö̧'i̧nä̧, ka̧ra̧rö̧'i̧nä̧ i̧mi̧cu̧nä̧ ttö̧ja̧ pä'ö hue'inödo, churutä pä̧huä̧ rö̧jo̧mȩnä̧.

2 Corintios 11:28

Ja̧'hua̧ta̧nö̧ ja̧u̧ juäi o'ca juiyönä, koro'inä chami 'quidächi'omenä, mo̧ro̧ji̧nö̧ a̧'u̧cuä̧ 'cuäopönä a̧mö̧cuä̧rö̧sä̧ iglesias ruhuärö.

2 Corintios 8:18

Ja̧'hua̧ta̧nö̧ Titocu hue'ätöjä ka̧ra̧ tö̧jä̧hua̧rö̧, adiu ttucuocuäcuru iglesias ruhuämä. Ja̧u̧'i̧nä̧ ttö̧ja̧ suronä jȩttö̧ jȩpö̧ icu huȩnȩ ji'äu adiu aditinödo.

Gálatas 1:22

Chö̧jä̧hua̧tö̧ Cristorö esetinätö, Judea rȩjȩ ttö̧ja̧ yoröiso ttieruhuinäcusä.

1 Tesalonicenses 2:14

Tö̧jä̧hua̧tö̧, ucutu cuahuaruhuä ucuturu suronä jȩpö̧ ubara ttucuhuätucuomenä, Judea rȩjȩnä̧ Cristo Jesúsru esetätö iglesia ruhuärö 'cuäopinö ta'anö, 'cuäopina'a ucuturu. Jahuätö'inä ttamönä ttahuaruhuä judíos ttö̧ja̧ suronä jȩtta̧'a̧ttö̧, ubara ttu'inätö.

2 Tesalonicenses 1:4

Ja̧'hua̧nö̧ jȩcu̧'ä̧tu̧cua̧'a̧ totomenä, korome iglesia ruhuärö eseunu ji'ähuätöjä ucuturu. Ucuturu suronä jȩpö̧ ubara ttucuhuätucuomenä, cuami 'qui'ächi'ö cu̧ja̧cuä̧tu̧cu̧'i̧nä̧, Diosrö cuesetätucu'inä ji'ähuätöjä.