1 Corintios 5:9 - TÄ̧DO Ä̧CUÄ̧ I̧HUȨNȨ

⁹ Koro cuyärunä pä'äji chi̧huȩyu̧ti̧nö̧ ucuturu, huȩyu̧ti̧nö̧sä̧ ka̧ra̧ irecuarö usu jȩpö̧cu̧ cuecuhuächätucu juiyäcua'a̧nö̧.

Nuevo Testamento Uwotjüja

⁹ Ä'kanä̧ chi̧wȩyu̧ti̧nä̧'tänä̧mä̧, pä'inü̧sä̧, tti̧rȩkua̧mü̧ pokotürü jȩpä̧'chä̧tü̧ku̧ ppä̧ttä̧chä̧rü̧ juiya pä'ü.

1 Corintios 5:9 ပူးပေါင်းရင်းမြစ်များ

1 Corintios 5:10

O'ca toi'önä pi̧jä̧nä̧ ka̧cuä̧tö̧cu̧ ka̧ra̧ irecuarö usucu'inä, korotö ttu̧ju̧nä̧rö̧ ta'anö ttu̧ju̧nä̧ra̧ pä'ätöcu'inä, nä̧u̧cuä̧rä̧tö̧cu̧'i̧nä̧, pi̧jä̧ ttu̧mö̧nä̧ adicuä esetätöcu'inä cuecuhuächätucuä' pä'ocösä. Ja̧'hua̧nö̧ jȩpä̧tö̧cu̧ cuecuhuächätucu juiya pä'ö, pi̧jä̧ttö̧'i̧nä̧ rä'opötä jahuätö toönä cue'ächajatöjä.

1 Corintios 5:2

Ja̧'hua̧nö̧ ja̧'a̧nä̧ ji̧nä̧ isocu a'cuoyäunu amöcuädätöjä ucutumä. Isocö̧. Cua̧'cua̧ tta̧'ȩcu̧ cuamöcuädätucu'a̧nö̧ ja̧'a̧to. Ja̧u̧ru̧mä̧, ja̧u̧ surojö jȩpö̧rö̧mä̧, ucututtu 'quȩ'ȩpö̧ cuicuätucu'a̧nö̧ ja̧'a̧.

1 Corintios 5:7

Ja̧'hua̧nö̧ ja̧'a̧ttö̧ ja̧u̧ ppö̧ä̧mö̧ juäi'a̧nö̧ surojö, pä'äji jähuä, ucututtu do'opö icuätucui, koro pan jareö pascua fiestanä ttucu jä̧'i̧nö̧'a̧nö̧, cu̧ja̧cuä̧tu̧cua̧ pä'ö. Cristomä sacrificionä jȩpö̧ 'corupä'i'inö ujuturu. Chutä ujutu Cordero päi'önä kö̧.

2 Corintios 6:14

Korotö Diosrö esetocotöcu cuahuaruhuä päi'önä, aditö cu̧jä̧tu̧cuä̧'. Ja̧'hua̧nö̧ jahuätöcu yoröiso yoräteunä jȩä̧cuä̧huo̧cö̧. Iso päi'önä, adiu jȩä̧cuä̧huä̧cu̧, suronä jȩä̧cuä̧huä̧cu̧ ¿yorätehua'a tä̧ji̧? Ja̧'hua̧ta̧nö̧ adiu tȩa̧u̧mä̧, ¿yo̧ö̧cu̧ huihuacu tä̧ji̧?

2 Corintios 6:17

Ja̧'hua̧nö̧ ja̧'a̧ttö̧ Tu̧ru̧hua̧ pä'ö: Jahuätöttö rä'opächö, i̧mi̧cu̧nä̧ 'quȩ'i̧pä̧chä̧tu̧cui̧. Surojömä mȩcu̧huä̧tu̧cuä̧'. Ja̧'hua̧nö̧ jȩcu̧'ä̧tu̧cuo̧mȩnä̧, ucuturu chȩmä̧cua̧sä̧.

Efesios 5:11

Yo̧ö̧cu̧ cue'ächätö micuähuocö juäi jȩttö̧mä̧, jȩcu̧'ä̧tu̧cuä̧'. Pärocua'acu ji'ähuätucuitö tȩa̧u̧nä̧ esetö cuettächäcua'a̧nö̧.

2 Tesalonicenses 3:14

Pi̧yȩ cuyärunä ti̧huȩyu̧tä̧ji̧ ta'anö jȩpo̧cö̧mä̧ ¿Di ja̧ pä'ö? cu̧huo̧juä̧tu̧cua̧ja̧. Ja̧u̧ ödäpecua pä'ö ja̧u̧cu̧ cuecuhuächätucuä'.

2 Tesalonicenses 3:6

Tö̧jä̧hua̧tö̧, Tu̧ru̧hua̧ Jesucristo i̧mi̧nä̧ hue'ätöjä ucuturu. Ya̧tȩ adita pä'ocörö'inä, ucuturu tu̧huo̧juȩti̧nö̧ jȩpo̧cö̧rö̧'i̧nä̧ 'quȩ'i̧pä̧chä̧tu̧cui̧.