1 Corintios 5:10 - TÄ̧DO Ä̧CUÄ̧ I̧HUȨNȨ

¹⁰ O'ca toi'önä pi̧jä̧nä̧ ka̧cuä̧tö̧cu̧ ka̧ra̧ irecuarö usucu'inä, korotö ttu̧ju̧nä̧rö̧ ta'anö ttu̧ju̧nä̧ra̧ pä'ätöcu'inä, nä̧u̧cuä̧rä̧tö̧cu̧'i̧nä̧, pi̧jä̧ ttu̧mö̧nä̧ adicuä esetätöcu'inä cuecuhuächätucuä' pä'ocösä. Ja̧'hua̧nö̧ jȩpä̧tö̧cu̧ cuecuhuächätucu juiya pä'ö, pi̧jä̧ttö̧'i̧nä̧ rä'opötä jahuätö toönä cue'ächajatöjä.

Nuevo Testamento Uwotjüja

¹⁰ Ja̧'wa̧nü̧ pädäjimä̧, o'katoi'ünä̧ pi̧jä̧nä̧ttü̧ ttirekua pokajuku jepä̧'chä̧tü̧ttü'i̧nä̧, ruwotü juotta pä'ätüttü'i̧nä̧, nä̧u̧kuä̧rä̧tü̧ttü̧'i̧nä̧, ttü̧ä̧nä̧wo̧tü̧rü̧ kku̧nä̧rä̧'chä̧tü̧ttü̧'i̧nä̧ jo̧mȩnü̧ räkuächätukua pä'ümä̧ pä'okü pinü̧sä̧; ja̧'wa̧nü̧ jü̧ttü̧mä̧ pi̧jä̧ttü̧ räkuopächätukua pä'ütä ja̧'a̧.

1 Corintios 5:10 ပူးပေါင်းရင်းမြစ်များ

San Lucas 18:11

Fariseo i̧sa̧ ä̧rä̧mi̧'ö̧ ucuocuinö pa̧'a̧nö̧: “Chä̧do̧ ä̧cua̧ Dios, eseunu pä'ösä korotö ttö'a̧nö̧mä̧ huocösä. Nä̧u̧cuä̧rä̧tö̧'a̧nö̧'i̧nä̧, suronä jȩpä̧tö̧'a̧nö̧'i̧nä̧, nä̧tö̧rö̧ suronä usätö'a̧nö̧'i̧nä̧ chujua ru̧hua̧ öäre pärätä ȩmä̧'i̧jö̧'a̧nö̧'i̧nä̧ huocösä.

San Juan 15:19

Ucutu pi̧jä̧ ttö̧ja̧ jȩttö̧'a̧nö̧ jȩcu̧'ä̧tu̧cu̧ttu̧mä̧, ucuturu repe'ajatö jitörötä ttamönä repettö'a̧nö̧. Ja̧'hua̧nö̧ ja̧'a̧nä̧ jahuätöttö o'ipinösä ucuturu. Ja̧'hua̧nö̧ ja̧'a̧ttö̧ ucutu pi̧jä̧ ttö̧ja̧ cu'ätucuoca'attö, ucuturu kö'cocotö.

San Juan 17:6

“Pi̧jä̧ttö̧ ttörö iyö huecuhuinä̧u̧ru̧, ucurutä ttu̧huo̧jua̧ pä'ö huo̧juȩtö̧ ji'ähuinösä. Jahuätömä ucutä cui̧tti̧mö̧ huotö pi̧nä̧tö̧. Ja̧'hua̧ ja̧'a̧ ttörö iyö huecuhuinä̧u̧. Jahuätö cui̧huȩnȩ päö ta'anö jȩpi̧nä̧tö̧.

San Juan 17:9

“Jahuätörö jä'epö ucuocusä ucuru. Pi̧jä̧ ttö̧ja̧rö̧ jä'epö ucuocuocösä. Ucutä cui̧tti̧mö̧rö̧tä̧, ttörö cuiyinä̧u̧ru̧tä̧, jä'epö ucuocusä.

San Juan 8:23

Ja̧'hua̧nö̧ pättomenä, Jesús päinä̧u̧do: —Ucutumä potä ttö̧ja̧jä̧. Ttömä ju'toju ru̧hua̧sä̧. Ucutumä pi̧jä̧ ttö̧ja̧jä̧. Ttömä pi̧jä̧ ttö̧ja̧ i̧sa̧mä̧cö̧sä̧.

1 Corintios 1:20

¿Tȩnȩjä̧ttö̧ pi̧jä̧ttö̧ huo̧juä̧huä̧ i̧sa̧mä̧? ¿Tȩnȩjä̧ttö̧ pi̧jä̧ttö̧ huo̧juȩcuä̧ i̧sa̧mä̧? ¿Tȩnȩjä̧ttö̧ pi̧jä̧ttö̧ ucuocuäcuähuä i̧sa̧mä̧? Pi̧jä̧ttö̧ huo̧juä̧huä̧ ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ jȩpi̧nö̧do Dios.

1 Corintios 10:27

Ja̧'hua̧ta̧nö̧ ya̧tȩ Diosrö esetocömä ucuturu päöttömä, chojusodera̧'a̧ cucuätucua ichätucui pä'ö, ucutu'inä cuä̧nö̧ cui̧'chä̧tu̧cuo̧mȩnä̧, o'ca juiyönä iyömä cuätucui, ucututä cuamöcuädätucumä jäcuhue'ätucuoca'a.

1 Corintios 5:11

Ja̧'hua̧nö̧ chi̧huȩyu̧to̧mȩnä̧, ya̧tȩ Cristonä tö̧jä̧hua̧ pättäcuru ja̧'hua̧nö̧ cue'ächöcu, cuecuhuächätucu juiyäcua'a̧nö̧ pä'inösä. Iso päi'önä ya̧tȩ tö̧jä̧hua̧tö̧ ja̧'hua̧nö̧ jȩpö̧mä̧, ka̧ra̧ irecuarö usu, korotö ttu̧ju̧nä̧rö̧ ta'anö u̧ju̧nä̧ra̧ pä'ö'inä, pi̧jä̧ ttu̧mö̧nä̧ adicuä esetö'inä, yapareu ji'äu'inä, tä̧'ä̧mö̧'i̧nä̧, nä̧u̧cu̧'i̧nä̧, ja̧u̧cu̧mä̧ cu̧cuȩ'i̧nä̧ cucuätucuä'.

1 Corintios 5:9

Koro cuyärunä pä'äji chi̧huȩyu̧ti̧nö̧ ucuturu, huȩyu̧ti̧nö̧sä̧ ka̧ra̧ irecuarö usu jȩpö̧cu̧ cuecuhuächätucu juiyäcua'a̧nö̧.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

Efesios 2:2

Ja̧'hua̧nö̧ jȩpö̧ cuecuhuächätucuomenä, pi̧jä̧ ttö̧ja̧ jȩttö̧ jȩpi̧nä̧tö̧jä̧. Espíritu pi̧jä̧ isoppanä hue'örö pä̧huä̧ rö̧jo̧mȩnä̧ jȩpi̧nä̧tö̧jä̧. Ja̧u̧ espíritu Diosrö esetocotörö hue'ö, suronä jȩtta̧ pä'ö.

Filipenses 2:15

Iso päi'önä, ja̧'hua̧nö̧ jȩcu̧'ä̧tu̧cuo̧mȩnä̧, korotömä topö suräjuä huȩnȩ ucuocuocotö ucuturu. Ja̧'hua̧nö̧ ja̧'a̧ pi̧jä̧ttö̧ suronä jarode'ö ka̧cuä̧tö̧ ttö̧'quȩtȩnä̧ adihuä isotö Dios i̧tti̧mö̧ pä'ö adiu cu̧ja̧cuä̧cuo̧tö̧jä̧. Ja̧'hua̧ta̧nö̧ si̧ri̧'cö̧ mo̧ro̧jä̧ra̧'a̧ttö̧ tȩa̧u̧nä̧ ttö̧rö̧'a̧nö̧, tȩa̧u̧nä̧ cuecuhuächätucuaja ucutu'inä adihuä kä̧cuä̧huä̧ i'co huȩnȩ ji'äu kä̧nö̧. Ja̧'hua̧nö̧ jȩcu̧'ä̧tu̧cu̧ttu̧mä̧, iso päi'önä Tu̧ru̧hua̧ Cristo ichomenä, chȩsȩhuä̧cua̧sä̧ ucuturu topö. Ja̧u̧nu̧ mo̧ro̧ chaditähuä toe'oca'a jö̧ttö̧mä̧, chu̧huo̧juä̧cua̧sä̧ iso päi'önä adiu aditinösä pä'ö.

1 Juan 4:5

Jahuätö pi̧jä̧ ttö̧ja̧ ja̧'a̧ttö̧, pi̧jä̧ jähuätä ucuocuätö. Pi̧jä̧ ttö̧ja̧ ä̧ju̧cuä̧tö̧ jahuätö ttucuocu.

1 Juan 4:7

Chö̧jä̧hua̧tö̧, repeähuä Diosttö icha'attö, repetö'a̧nö̧ ja̧'a̧ tö̧jä̧hua̧tö̧ o'ca toi'önärö. Repe'ätömä Dios i̧tti̧mö̧. Diosrö huo̧juä̧tö̧.

1 Juan 5:19

Ujutu huo̧juä̧tö̧jä̧ Dios i̧tti̧mö̧jä̧. Korotö pi̧jä̧ jähuänä ka̧cuä̧tö̧rö̧ hue'ö ähuettämä.

Apocalipsis 12:9

Ja̧u̧ ojuo da'ä jä̧'i̧nö̧'a̧nö̧ hua̧rö̧, i̧sa̧rö̧, chutä täbocö ä̧ca̧ pi̧nö̧rö̧, ähuettä'inä, Satanás'inä pättäcuru, o'ca toi'önärö yapareu ji'äuru, ya'opö tticuinäcu. Chutäcu umöhuäyotöcu pi̧jä̧ rȩjȩra̧'a̧ do'opö tticuinäcu.