1 Corintios 4:21 - TÄ̧DO Ä̧CUÄ̧ I̧HUȨNȨ

²¹ Jitä, ¿tta̧'a̧nö̧ cuamöcuädätucuättö ucutumä? Ucuturu topö chi̧'cho̧mȩnä̧, ¿chö̧tä̧bo̧ta̧ pä'ätöjä tä̧ji̧? Juhuorö'inä ¿adiu repe'önö eseunu chucuocua pä'ätöjä tä̧ji̧? ¿Tta̧'a̧nö̧ cuamöcuädätucuättö ucutumä?

Nuevo Testamento Uwotjüja

²¹ ¿Däje pä̧wä̧rü̧jä̧tu̧kuäku̧ttü̧: chichomȩnä̧mä̧, ro̧dȩpä̧tu̧kua̧ku̧ pä'ätüjä̧ ja̧'wa̧nü̧ jo̧ka̧'a̧ jü̧ttü̧mä̧ eseu repe'ünü̧ do'ächü chichätukuaku pä'ätüjä̧?

1 Corintios 4:21 ပူးပေါင်းရင်းမြစ်များ

1 Corintios 4:18

Korotömä ucututtu a'cuoyäunu amöcuädätö ja̧u̧mä̧ Pablomä ujuturu topö ichocö pä'ö.

1 Corintios 5:5

Ja̧'hua̧nö̧ ppäsähuipö, ja̧u̧ru̧ iyätucuirö Satanásrö, chutä jä̧ttä̧pä̧ya̧ toei'äcua'a̧nö̧, a̧'cua̧ru̧hua̧ ö̧ji̧pa̧'a̧nä̧, Tu̧ru̧hua̧ Jesús ichomenä.

2 Corintios 1:23

Ttömä Dios ä'ca jo̧mȩttö̧ ji'äusä jitämä. Ttö chamöcuädinömä ji̧nä̧ ichocö päjisä Corinto ötahuiyära̧'a̧ ucuturu ji'äu, cua̧'cua̧ tta̧'ȩcu̧ cu̧ja̧cuä̧tu̧cu̧ juiya pä'ö. Ja̧'hua̧nö̧ yapareu jidäuttumä, 'corupädi'ö'a̧nö̧ ja̧'a̧.

2 Corintios 10:6

Ja̧'hua̧ta̧nö̧ ucutu o'ca juiyönä pätö ta'anö jȩcu̧'ä̧tu̧cu̧ o'ca'a, korotö ja̧'hua̧nö̧ jȩpo̧co̧tö̧rö̧ tö̧tä̧bo̧tä̧cuo̧tö̧jä̧.

2 Corintios 10:8

Ja̧'hua̧ta̧nö̧ Cristo ujuturu hueinö huȩnȩ rö̧ȩnä̧ chucuocuttumä, yoröiso dä'äcuocösä. Tu̧ru̧hua̧ ja̧'hua̧nö̧ hue'inö ujuturu, ppätäda pä'ö ucuturu, juhua'a yabonö rö̧ä̧chö̧nä̧ cuesetätucua pä'ö be'epäjipö ticua pä'ömäcö̧.

2 Corintios 12:18

Titorö ucuocuinösä ucuturu do'ächö i̧'cha̧ pä'ö. Ja̧'hua̧ta̧nö̧ ja̧u̧cu̧ ka̧ra̧ tö̧jä̧hua̧rö̧ hue'inösä. Titomä, ¿ucuturu yapareu ji'ähuinö tä̧ji̧? Titocu, ttöcu yoräteunä ji̧nä̧ ji̧yȩtȩ espíritunä, ¿cue'ächocotöjä tä̧ji̧?

2 Corintios 13:10

Pi̧yȩ cuyäru huȩyu̧tu̧sä̧ ucuturu topö chi̧'chä̧cua̧'a̧ ä'canä, chi̧'cho̧mȩnä̧ pä̧i̧cu̧nä̧ ro̧dȩpö̧ juiya pä'ö, Tu̧ru̧hua̧ hueinö jȩpö̧. Chutä Tu̧ru̧hua̧, hue'inö ujurunä ttörö, ja̧'hua̧nö̧ ppädäda pä'ö ucuturu, juhua'a yabonö rö̧ä̧chö̧nä̧ cuesetätucuarö pä'ö. Ucuturu be'epäjipö chicua pä'ö hue'ocö pi̧nö̧do.

2 Corintios 13:2

Korotörö täbocö suronä jȩpi̧nä̧tö̧rö̧'i̧nä̧, korotörö o'ca toi'önärö'inä, ucuturu todärenä topö 'chä̧nö̧, cuä'catucu jo̧mȩttö̧ jidähuinö huȩnȩ, jitä'inä otottö kä̧nö̧ pä'äji ta'anö ji'äusä. Pä'äji ta'anö ucuturu topö chi̧'chö̧ttö̧mä̧, o'ca toi'önärö ttö̧ji̧pö̧ juiyönä, yecuäcuähuä juiyönä ro̧dȩpä̧cua̧sä̧.

2 Corintios 2:1

Ja̧'hua̧nö̧ ja̧'a̧ttö̧ ttö chamönä pä'inösä: “Pä'äji ta'anö tta̧'cua̧ tta̧ttȩcu̧ juiyäcua'a̧nö̧, ji'äu 'cho̧cö̧sä̧ jitämä.”

2 Corintios 2:3

Ja̧'hua̧nö̧ ja̧'a̧ttö̧ chi̧huȩyu̧ti̧nö̧ ta'anö, huȩyu̧ti̧nö̧sä̧ ucuturu. Cha̧'cua̧ tta̧dȩcua̧ pä'ö jidähua pä'ocö pi̧nö̧sä̧. Ucuturu amöcuädö cheseu'a̧nö̧ ja̧'a̧ pä'inösä. Ja̧'hua̧ta̧nö̧ huo̧jua̧sä̧, ttö chesehuomenä, ucutu'inä o'ca toi'önä cuesehuäcuotöjäcö̧ pä'inösä.

2 Corintios 3:10

Iso päi'önä täbocö pi̧jä̧ hueähuä huȩnȩ, rö̧ȩnä̧ tesehuinö huȩnȩ, yoröiso adihuoca'a ja̧'a̧, jitämä adihuä huȩnȩ, ttö̧ja̧ suronä jȩttö̧ jȩpö̧ icuähuä huȩnȩ, amöcuädö.

Gálatas 6:1

Chö̧jä̧hua̧tö̧, ya̧tȩ surojönä ma̧'ä̧chi̧nö̧rö̧ tocu'ätucuttumä, ucutu adiu rö̧ȩnä̧ esetätömä pä'äji ta'anö Dioscu ppa̧huä̧cha̧ ppä'ädätucuirö. Ja̧'hua̧nö̧ ja̧'a̧nä̧ ucutu cuami iso'quitucunä adiu amöcuädö ppä'ädätucuirö. Ja̧'hua̧ta̧nö̧ ucutu o'ca toi'önä ttu̧ȩcuä̧nä̧ tta̧'ä̧rä̧cuä̧huä̧tu̧cui̧, ucuturu'inä surojö 'cuäopö juiyäcua'a̧nö̧.

1 Tesalonicenses 2:7

Yajute isaju ki̧tti̧mö̧rö̧ tta̧jä̧ra̧'a̧ jä̧'i̧nö̧'a̧nö̧, ttu̧ȩcuä̧nä̧ ka̧cui̧nä̧tö̧jä̧ ucuturu.

Santiago 3:17

Diosttö huo̧juä̧huä̧ ku̧nä̧rä̧tö̧mä̧, suronä jȩä̧cuä̧huä̧ juiyönä ka̧cuä̧tö̧. Ja̧'hua̧ta̧nö̧ ttami diyaunä ka̧cuä̧tö̧. Ucuotönö tta̧'ä̧rä̧tö̧ korotörö. Ttahuaruhuä pättö huȩnȩ ä̧ju̧cu̧ esetätö. Re rö̧jö̧nä̧ topö ppä'ädätö ttahuaruhuärö. Ja̧'hua̧nö̧ jȩpä̧tö̧mä̧ iso päi'önä jueö huȩnȩ ucuocuätö.