1 Corintios 4:15 - TÄ̧DO Ä̧CUÄ̧ I̧HUȨNȨ

¹⁵ Ja̧'hua̧ta̧nö̧ recuätö huo̧juȩtä̧tö̧ isotö, to̧mö̧rȩ jähuä mil jo̧mȩnä̧, ucuturu Cristo i̧huȩnȩ ttu̧huo̧juȩto̧mȩnä̧, cuä̧'o̧tö̧mä̧ recuätömä to'ätöjä. Ttötäsä cuä'omä Cristo Jesúsru cuesetätucuomenä. Ttö ttö̧ja̧ suronä jȩttö̧ jȩpö̧ icu huȩnȩ ji'ähuinösä ucuturu.

Nuevo Testamento Uwotjüja

¹⁵ Ja̧'wa̧nü̧ ja̧'a̧ttü̧ ukutumä̧, Crito-nä̧mä̧ diez mil-nü̧ jo̧mȩnä̧ wo̧juȩkuä̧ isotürü ku̧ju̧nä̧rä̧tu̧kua̧ja̧ pä'ü'i̧nä̧, kuä'otü̧mä̧ rekuätümä̧ to'ätüjä̧. Kuä'otuku jü̧nä̧ wa̧mä̧ ttütäsä, isopäi'ünä̧ Crito jäwä, jareü wȩnȩnä̧ chi̧tti̧mü̧ pä'i'inä̧tü̧jä̧.

1 Corintios 4:15 ပူးပေါင်းရင်းမြစ်များ

Romanos 15:20

Ttömä Cristo i̧mi̧ jerupätörö jidähua pä'inösä. Korotö jittähuinä̧u̧ru̧ jidähua pä'ocö pi̧nö̧sä̧, korotö ttaditähuä ja̧'a̧ttö̧.

1 Corintios 1:30

Ja̧'hua̧nö̧ ja̧'a̧nä̧ chutä Dios, Cristo Jesúscu ji̧nä̧ yo̧mȩtȩ cu̧ja̧cuä̧tu̧cua̧ pä'ö hue'inödo. Ja̧'hua̧ta̧nö̧ chutä Cristo iyinödo ujutu tu̧huo̧ju̧nä̧. Ja̧'hua̧ta̧nö̧ Cristorö teseta'attö, Dios jȩi̧nä̧u̧jä̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ta̧nö̧ ujuturu ȩmö̧ suronä jȩtö̧ jȩpö̧ icuinödo.

1 Corintios 15:1

Jitämä chö̧jä̧hua̧tö̧, ttö̧ja̧ suronä jȩttö̧ jȩpö̧ icu huȩnȩ jidähuinömä, pä'äji ta'anö cuamöcuädätucua pä'ösä. Ucutu esetinätöjä ja̧u̧ huȩnȩmä̧. Ja̧'hua̧ta̧nö̧ ja̧u̧ huȩnȩ esetö, cuami 'qui'ächi'ö ka̧cuä̧tö̧jä̧.

1 Corintios 3:10

Iso päi'önä Diosrö pä̧huä̧ rö̧jo̧mȩnä̧, hue'inödo ttörö äcuomenä icui'quiyu chu̧ju̧na̧ pä'ö. Ja̧u̧nu̧ o'ca'a, korotömä ppä'ädö aditätö. Ja̧'hua̧nö̧ ttaditomenä, iso päi'önä ttu̧ȩcuä̧nä̧ ttaditö'a̧nö̧ ja̧'a̧.

1 Corintios 3:6

Ttömä äcuomenä ku̧ni̧nö̧sä̧. Ja̧u̧nu̧ o'ca'a Apolos riripinödo. Ja̧'hua̧nö̧ jȩto̧mȩnä̧, Diostä ppöröhua pä'ö hue'inödo.

1 Corintios 3:8

Ujutumä, ku̧ni̧nö̧'i̧nä̧, riripinö'inä yorätehuätöjä. Ja̧'hua̧nö̧ ja̧'a̧ttö̧ Dios i̧yä̧cua̧ ka̧ra̧rö̧'i̧nä̧, ka̧ra̧rö̧'i̧nä̧ aditinö micuä.

1 Corintios 9:12

Korotö ucuturu jittähuomenä, jahuätö “ppäcuhuädätucuatö” pä'ätö. Ja̧'hua̧ ja̧'a̧ jahuätöttö'inä abonänö ppäcuhuädätucua pä'ö ujuturu ¿adihua'adi̧? Iso päi'önä ujutumä jä'epocotö pi̧nä̧tö̧jä̧ ucuturu. Pärocua'acu o'ca juiyönä tami 'qui'ächi'inätöjä, adiu cuä̧ju̧cuä̧tu̧cua̧ pä'ö Cristo i̧huȩnȩ.

1 Corintios 9:14

Ja̧'hua̧ta̧nö̧ Tu̧ru̧hua̧ hue'inödo ttö̧ja̧ suronä jȩttö̧ jȩpö̧ icu huȩnȩ ji'ähuätörö'inä, i̧huȩnȩ ji'äu ttaditomenä, ja̧u̧ aditö ttö̧ja̧cuä̧cua̧'a̧nö̧.

1 Corintios 9:16

Ttömä a'cuoyäunu ji'ähuocösä ttö̧ja̧ suronä jȩttö̧ jȩpö̧ icu huȩnȩ. Iso päi'önä ja̧u̧ huȩnȩ chesetina'attö, jidäu'a̧nö̧ ja̧'a̧. Ja̧'hua̧nö̧ jidäu juiyöttömä, suronä 'cuäopäcua'a ttörö.

1 Corintios 9:18

Ja̧'hua̧nö̧ ja̧'a̧ttö̧ ¿däjettö jidähuinö micuämä? Iso päi'önä ttö̧ja̧ suronä jȩttö̧ jȩpö̧ icu huȩnȩ jidähuomenä, korotörö koro juäi jädepoca'anä, ja̧u̧tä̧ ttö jidähuinö micuä. Ja̧'hua̧nö̧ jȩpö̧, ttömä ȩmo̧cö̧sä̧ koro juäi korotöttö micuä juiyönä Dios i̧huȩnȩ ji'äusä pä'ö kä̧nö̧.

1 Corintios 9:23

Ttömä ja̧'hua̧nö̧ jȩpö̧sä̧ Dios i̧huȩnȩ, ttö̧ja̧ suronä jȩttö̧ jȩpö̧ icu huȩnȩ esetö, ttö'inä chȩmä̧cua̧'a̧nö̧ adihuä juäi, ja̧u̧ huȩnȩ päö'a̧nö̧.

2 Corintios 4:5

Ujutu Cristo i̧huȩnȩ jitähuomenä, tamönämä ji'ähuocotöjä. Jesucristo Tu̧ru̧hua̧ päi'önä ö̧jö̧ huȩnȩ ji'ähuätöjä. Ja̧'hua̧ta̧nö̧ Jesús ujuturu repea'attö: “Ujutumä ucutu cumöhuäyotöjä” pä'ätöjä.

Gálatas 3:24

Hueähuä huȩnȩmä̧ ppo̧'ä̧tö̧rö̧ huo̧juȩtö̧ tta̧'ä̧rä̧ju̧ jä̧'i̧nö̧'a̧nö̧tä̧ huo̧juȩtö̧ tta̧huä̧ri̧na̧'a̧ ujuturu, Cristo ichome jubö päi'önä. Ja̧u̧ru̧ tesetomenä, Diosmä ujuturu jȩpö̧ ja̧u̧cu̧ ji̧nä̧ ji̧yȩtȩ huotö ta pä'ö.

Gálatas 3:25

Ja̧'hua̧nö̧ ja̧'a̧ttö̧ täcö Jesucristorö esetäcuähuä huȩnȩ ichina'attö, jitämä hueähuä huȩnȩmä̧ jȩpö̧ ko̧co̧tö̧jä̧.

Gálatas 4:19

Chi̧tti̧mö̧, pä'äji ta'anö ubara ttu'usä ucuturu amöcuädö, yajute isaju ku̧mo̧du̧ma̧ ni̧yä̧cua̧ ubara ttujua'a jä̧'i̧nö̧'a̧nö̧. Ja̧'hua̧ta̧nö̧ ucutu Cristorö adiu cuesetätucuome jubö päi'önä ubara ttu̧dä̧cua̧sä̧.

2 Timoteo 4:3

Koronö mo̧ro̧ päi'omenä, yoröiso ä̧ju̧cuo̧co̧tö̧ ttäcuotö adihuä huo̧juȩcuä̧ huȩnȩ. Jitötä ttamönä ttamöcuädö jȩpö̧, ottäcuotö huo̧juȩcuä̧ isotörö jitörötä pä̧huä̧ rö̧jö̧ä̧tä̧ ttu̧huo̧juȩta̧tö̧ pä'ö.

Tito 1:4

Pi̧yȩ huȩnȩ huȩyu̧tu̧ hue'ösä ucuru, Tito, Cristonä chi̧tti̧, ucu'inä, ttö'inä ji̧nä̧ ya̧tȩrö̧ teseta'attö. Tä'o Dios'inä, Tu̧ru̧hua̧ Jesucristo'inä rö̧ȩnä̧ ppättädäcua'a̧nö̧ ucuru. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuru.

Filemón 1:19

Ttö Pablo, ttötä chu̧mö̧nä̧ huȩyu̧tu̧sä̧ pi̧yȩmä̧. Ttömä o'ca juiyönä chi̧mi̧tä̧cua̧sä̧. Juhuorö'inä ucutä cua̧'cua̧rö̧ ttörö mippotöjä pä'ö jidäu'a̧nö̧ ja̧'a̧nä̧, ji'ähuocösä.

Santiago 1:18

Chutä iso päi'önä huȩnȩttö̧, ujuturu iyinö kä̧cuä̧huä̧ i'co, ä'canä ttö̧ja̧, ucuo ttö̧ja̧ päti'a pä'ö Dios aditinä̧u̧ttu̧. Churutä pä̧huä̧ rö̧jo̧mȩnä̧ pä'inödo.

1 Pedro 1:23

Ucutu jareönä uhuäpächinätöjä. Ja̧'hua̧nö̧ jareönä cuhuäpächätucuomenä, pi̧jä̧ ttö̧ja̧, 'corupä'i'ätöttömä uhuäpächocotö pi̧nä̧tö̧jä̧. Dios i̧huȩnȩttö̧, yoröiso beipocöttö, uhuäpächinätöjä.