1 Corintios 4:12 - TÄ̧DO Ä̧CUÄ̧ I̧HUȨNȨ

¹² Ja̧'hua̧ta̧nö̧ tu̧mö̧nä̧ aditö'inä 'cuä'ächi'ätöjä. Ttö̧ja̧ suronä huopätö ujuturu. Ja̧'hua̧nö̧ ja̧'a̧nä̧ adiunätä ädätätöjä. Suronä jȩpä̧tö̧ ujuturu. Ja̧'hua̧nö̧ ja̧'a̧nä̧ tami 'qui'ächi'ö ka̧cuä̧tö̧jä̧.

Nuevo Testamento Uwotjüja

¹² Tu̧mü̧nä̧ aditü usurä ȩmä̧wä̧tü̧jä̧; Ujuturu suronä̧ ja̧tü̧do pätta'anä̧, pärokua'akumä̧, adiu ja̧tü̧do pä'ütä pä'ätüjä̧; suronä̧ jȩtta̧tü̧ pä'ü ttusa'anä̧, ta̧mi̧ 'ki'ächi'ü kka̧kuä̧tü̧jä̧.

1 Corintios 4:12 ပူးပေါင်းရင်းမြစ်များ

San Mateo 5:11

“Ja̧'hua̧ta̧nö̧ ucutu'inä ttörö cuesetätucua'attö, korotömä ucuturu suronä jȩtto̧mȩnä̧'i̧nä̧, suronä ttucuocuomenä'inä, yapareu ttucuocuomenä'inä, eseunu cu̧ja̧cuä̧cuo̧tö̧jä̧.

San Mateo 5:44

Jitämä ttö pä'ösä ucuturu, cuaboiyotörö repe'ätucui. Ucuturu suronä jȩpä̧tö̧rö̧, adiunätä ppä'ädätucui. Ucuturu repe'ocotörö, adiu jȩpä̧tu̧cui̧. Ucuturu suronä jȩpö̧ ucuocuätörö, Diosrö jä'epö ucuocuätucui jahuätörö.

San Lucas 23:34

Jesúsru daunä pȩ'o̧pö̧ ttu̧ju̧no̧mȩnä̧, Jesús pä'inödo: —Chä'o, pitö jerupö jȩtta̧'a̧ unichi'i. Su̧ro̧da̧u̧mä̧ Jesús ö̧'ca̧tä̧huä̧ta̧ ttȩma̧ pä'ö, dittö jueö päaja pä'ö pä'ä'chäcuähuinätödo.

San Lucas 6:28

Ucuturu suronä jȩpä̧tö̧rö̧, adiunätä ppä'ädätucui. Ucuturu suronä jȩpö̧ ucuocuätörö, Diosrö jä'epö ucuocuätucui jahuätörö.

San Juan 15:20

Ucuturu pa̧'a̧nö̧ jidähuinömä amöcuädätucui: “Ya̧tȩ adicuä i̧sa̧mä̧ u̧ru̧hua̧ttö̧'i̧nä̧ abonänö juruhuocödo.” Ttörö suronä jȩtti̧nö̧ ta'anö, ucuturu'inä suronä jȩttä̧cuo̧tö̧. Ja̧'hua̧ta̧nö̧ korotö ttö chu̧huo̧juȩti̧nö̧ ttesetinö ta'anö, ucutu cu̧huo̧juȩtä̧tu̧cu̧'i̧nä̧ ttesetäcuotö.

Hechos 18:3

Aquilacu, Priscilacu isotö tti̧jȩti̧yu̧ttu̧ 'tö̧'ö̧ aditinätödo odehuiyä. Pablo'inä ja̧u̧ juäi aditina'attö, jahuätöcu aditö ki̧nö̧do.

Hechos 20:34

Ucutu huo̧juä̧tö̧jä̧ ttötä chamönä chu̧mö̧nä̧ aditinösä, ttörö'inä, ttöcu cue'ächätörö'inä recuä rö̧jö̧mä̧ chȩma̧ pä'ö.

Hechos 7:60

Ja̧'hua̧ ja̧'a̧ ihue'quiyunä kä̧mä̧dö̧, pä̧i̧cu̧nä̧ huopinödo: —Chu̧ru̧hua̧, unichi'i pitö suronä jȩttö̧mä̧. Ja̧'hua̧nö̧ huopö, 'corupä'i'inödo Estebanmä.

Romanos 12:14

Diosrö ucuocuätucui ucuturu suronä jȩpä̧tö̧rö̧. Jahuätörö ji'äu, jä'epätucui Diosrö adiu ppädatö pä'ö, suronämäcö̧.

Romanos 12:20

Ja̧'hua̧ta̧nö̧ Huȩyu̧cuä̧ Huȩnȩ päa'a: “Ucu cua̧bo̧i̧ya̧rö̧ ppäi rö̧jö̧ttö̧mä̧, ucua iyirö. Ajiya ahua a̧di̧ rö̧jö̧ttö̧mä̧, ahua iyirö. Ucu ja̧'hua̧nö̧ jȩcu̧'o̧mȩnä̧mä̧, dä'ä ttu̧huä̧cua̧.”

Romanos 8:35

¿Dijä̧ttö̧ Cristo repeöttö 'quȩ'ȩpö̧ i̧cuä̧cua̧mä̧ ujuturu? ¿Ubara ttuhuähuä tä̧ji̧? ¿Suronä 'cuäopa'a tä̧ji̧? ¿Ujuturu suronä ucuocuäcuähuä tä̧ji̧? ¿Ppäi ttuhuähuä tä̧ji̧? ¿Tö̧'ca̧tä̧huä̧ti̧yu̧ juiyö tä̧ji̧? ¿Ra̧huȩpi̧jö̧ tä̧ji̧? ¿'Corupäi'äcuähuä tä̧ji̧?

1 Corintios 9:6

¿Ttöcutä, Bernabécutä Dios i̧huȩnȩ ji'äu kä̧nö̧, tamönä taditö'a̧nö̧ ja̧'a̧ pä'ö amöcuädätöjä tä̧ji̧ ucutumä?

2 Corintios 11:8

Korotö iglesias ruhuä ttörö ppä'ädö ttiyinömä ȩmi̧nö̧sä̧, ucuturu ppä'ädö kä̧nö̧.

Efesios 4:28

Nä̧u̧cuä̧ri̧nö̧mä̧, jitämä cu̧nä̧u̧cuä̧rä̧'. Ucutä cu̧mö̧nä̧tä̧ adiu aditi, korotö jui'ätörö cuiyäcua'a̧nö̧.

1 Tesalonicenses 2:9

Tö̧jä̧hua̧tö̧, ucutu huo̧juä̧tö̧jä̧ ujutu taditinömä. Mo̧ro̧'i̧nä̧, yodo'inä aditinätöjä tö̧jö̧ micuä timita pä'ö, ucuturu mippoönä jätepö juiya pä'ö Dios i̧huȩnȩ ji'äu kä̧nö̧.

2 Tesalonicenses 3:8

Yoröiso mippoönä cuocotö pi̧nä̧tö̧jä̧ ucutu cu̧cuȩtu̧cu̧ttu̧mä̧. Mo̧ro̧'i̧nä̧, yodo'inä aditinätöjä tö̧ja̧cu̧ micuä päi'önä ucututtu mippoönä jätepö juiya pä'ö.

1 Timoteo 4:10

Ja̧'hua̧nö̧ ja̧'a̧ttö̧ pi̧yȩ amöcuädö, aditätöjä Dios i̧huȩnȩ. Ja̧'hua̧ta̧nö̧ ubara ttu'ätöjä. Ujutumä Dios kö̧rö̧, o'ca toi'önä ja̧u̧ru̧ esetätö Tu̧ru̧hua̧rö̧, esetö tta̧'ä̧rä̧tö̧jä̧.

1 Pedro 2:23

Ja̧u̧ru̧ ra̧huä̧rö̧ huottomenä, ädätö huopocö pi̧nö̧. Ubara ttuhua'anä'inä, ra̧huä̧ri̧po̧cö̧ pi̧nö̧. Jä'o Diosrö, o'ca toi'önärö yoräteunä pä̧cua̧rö̧, amöcuädö ucuocuinö.

1 Pedro 3:14

Adiu cu̧ja̧cuä̧tu̧cuo̧mȩnä̧'i̧nä̧, ubara ttucuhuätucuttumä, eseunu cu̧ja̧cuä̧cuo̧tö̧jä̧. Ttö̧ja̧rö̧mä̧ yecuhuecuätucuä'.

1 Pedro 3:9

Ucuturu suronä jȩtto̧mȩnä̧, ppa̧'ä̧dö̧ jȩcu̧'ä̧tu̧cuä̧'. Ja̧'hua̧ta̧nö̧ ucuturu ra̧huä̧rä̧'chö̧ huottomenä, ppa̧'ä̧dö̧ huocu'ätucuä'. Pärocua'acu ttö̧ra̧huä̧ro̧mȩnä̧, adiunätä jȩpä̧tu̧cui̧tö̧. Dios ucuturu ppäda pä'ö huoinä̧u̧jä̧.

1 Pedro 4:19

Iso päi'önä Diosrö pä̧huä̧ rö̧jo̧mȩnä̧ ubara ttu'ätömä, juhua'a yabonö adihuä juäi jȩpö̧ ttö̧ja̧cuä̧cua̧'a̧nö̧. Ja̧'hua̧ta̧nö̧ tta̧'cua̧ru̧hua̧rö̧ Diosrö, jitörötä aditinörö, ttiyäcua'a̧nö̧. Chutä o'ca juiyönä päömä, jȩpö̧do.

Judas 1:9

Ja̧'hua̧nö̧ ja̧'a̧ Moisés 'corupäi'äji o'ca'a, ähuettä ja̧u̧ru̧ suronä jȩa̧ päa'attö, ángeles ttu̧ru̧hua̧ Miguel ähuettäcu amöcuädö pä'ähuinätödo. Ja̧'hua̧nö̧ ucuocuomenä, Miguel suräjuä huȩnȩ ucuocuocö pi̧nö̧ ähuettärö. “Dios ucuru ro̧ȩpä̧cua̧”, jö̧nä̧tä̧ pä'inödo.