1 Corintios 3:8 - TÄ̧DO Ä̧CUÄ̧ I̧HUȨNȨ

⁸ Ujutumä, ku̧ni̧nö̧'i̧nä̧, riripinö'inä yorätehuätöjä. Ja̧'hua̧nö̧ ja̧'a̧ttö̧ Dios i̧yä̧cua̧ ka̧ra̧rö̧'i̧nä̧, ka̧ra̧rö̧'i̧nä̧ aditinö micuä.

Nuevo Testamento Uwotjüja

⁸ Ja̧'wa̧nü̧ ja̧'a̧ttü̧ jiäkuäwä i̧sa̧'i̧nä̧, tta̧'kua̧ ttu̧wȩnä̧rü̧nä̧ wo̧juȩtü̧'i̧nä̧ ji̧nä̧ ji̧yȩtȩtä̧ wotü, jua'akumä̧ yotukunä̧ ttaditäwä jü̧'a̧kuä̧ mikuä ttȩmä̧kua̧'a̧nä̧.

1 Corintios 3:8 ပူးပေါင်းရင်းမြစ်များ

San Mateo 16:27

Ubo I̧tti̧mä̧ Jä'o esehua'attö, i̧chä̧cua̧ ángelescu o'ca toi'önä jȩtti̧nö̧ ji'äu. Adiu jȩpi̧nä̧tö̧rö̧'i̧nä̧ adiu pä̧cua̧. Suronä jȩpi̧nä̧tö̧rö̧'i̧nä̧ suronä pä̧cua̧.

San Lucas 19:19

Ja̧'hua̧ta̧nö̧ ja̧u̧ru̧'i̧nä̧ pä'inödo: “Ji̧mö̧tȩ jähuä ötahuiyä ru̧hua̧ päi'önä huȩdä̧cua̧jä̧.”

Romanos 2:6

Dios i̧mi̧tä̧cua̧ o'ca toi'önärö jitötä jȩtti̧nö̧ micuä.

1 Corintios 15:58

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

1 Corintios 3:14

Ja̧'hua̧nö̧ ja̧'a̧ttö̧ iso päi'önä ya̧tȩ aditähuä ocuränä cuoi'oca'a jö̧ttö̧mä̧, ja̧u̧mä̧ aditinö micuä ȩmä̧cua̧.

1 Corintios 3:7

Ja̧'hua̧nö̧ ja̧'a̧ttö̧ iso päi'önä, ku̧ni̧nö̧'i̧nä̧, riripinö'inä, adiunämä micuähuoca'a. Ya̧tȩtä̧ Diostä, ppöröhua pä'ö hue'inötä, adiunämä micuähua'a.

1 Corintios 3:9

Ujutumä ji̧nä̧ yo̧mȩtȩ aditätöjä Dios hueähuä. Ja̧'hua̧ta̧nö̧ rȩjȩ ttadita'a jä̧'i̧nö̧'a̧nö̧, ucuturu aditö Dios. Ja̧'hua̧ta̧nö̧ isode ttadita'a jä̧'i̧nö̧'a̧nö̧, ucuturu aditö Dios.

1 Corintios 4:15

Ja̧'hua̧ta̧nö̧ recuätö huo̧juȩtä̧tö̧ isotö, to̧mö̧rȩ jähuä mil jo̧mȩnä̧, ucuturu Cristo i̧huȩnȩ ttu̧huo̧juȩto̧mȩnä̧, cuä̧'o̧tö̧mä̧ recuätömä to'ätöjä. Ttötäsä cuä'omä Cristo Jesúsru cuesetätucuomenä. Ttö ttö̧ja̧ suronä jȩttö̧ jȩpö̧ icu huȩnȩ ji'ähuinösä ucuturu.

1 Corintios 9:7

Ya̧tȩ su̧ro̧da̧u̧ rohuäu i̧'cho̧mȩnä̧, ¿chutä öäre pärätänä mitö tä̧ji̧? ¿Dijä̧ttö̧ cuäcuähuä ku̧nu̧mä̧, chutä'inä ucuoca'a kä̧nö̧? ¿Dijä̧ttö̧ o̧vȩja̧stö̧rö̧ tta̧'ä̧rö̧mä̧, chutä'inä ttatate isoya ahuoca'a kä̧nö̧?

Gálatas 6:4

O'ca toi'önä ka̧cuä̧mö̧ tottäcuäu'a̧nö̧ ja̧'a̧ jitötä ttamönä jȩttö̧. Ja̧'hua̧nö̧ jo̧mȩnä̧ adiu jȩpö̧sä̧ päöttömä, chutä amönätä ucuotäcuäu korotörö ucuotäcuähuä juiyönä.

Gálatas 6:5

O'ca toi'önä surojö 'cuäopomenä, jitötä ttamönätä ttami 'quittächi'ö'a̧nö̧ ja̧'a̧.

Hebreos 6:10

Diosmä amönä pä'ocö. Yoröiso unichi'ocö ucutu cuaditinätucu. Cuahuaruhuärö, Diosrö esetätörö, repe'ö ppäcuhuädinätucu'inä unichi'ocö. Jitä'inä ja̧u̧tä̧ juäi jȩpä̧tö̧jä̧.

1 Pedro 5:4

Ja̧'hua̧nö̧ jȩpö̧ kä̧nö̧, adihuä Tta̧huä̧rä̧cuä̧huä̧ I̧sa̧ ichomenä, adiu jȩcu̧'ä̧tu̧cua̧'a̧ttö̧ adihuä juäi ojiyä hua'ö icu jö̧'a̧nö̧mä̧ jo'ö icuocödo cuȩmä̧tu̧cuä̧cuȩmä̧.

2 Juan 1:8

Ttu̧ȩcuä̧nä̧ ka̧cuä̧tu̧cui̧, cuaditinö micuä toei'ö juiya pä'ö, cuaditähuä ji̧nö̧ o'ca juiyönä cuȩmä̧tu̧cuä̧cua̧'a̧nö̧.

Apocalipsis 2:23

Ki̧tti̧mö̧rö̧'i̧nä̧ cuä'ö chi̧cuä̧cua̧sä̧. Ja̧'hua̧nö̧ jȩcho̧mȩnä̧, o'ca toi'önä iglesias ruhuämä, iso päi'önä o'ca juiyönä ttamöcuädönä'inä, ttami iso'quinä'inä topö huo̧jua̧sä̧ pä'ö ttu̧huo̧juä̧cuo̧tö̧. Ucutu'inä jȩcu̧'ä̧tu̧cu̧ topö chi̧yä̧cua̧sä̧ ka̧ra̧rö̧'i̧nä̧, ka̧ra̧rö̧'i̧nä̧.

Apocalipsis 22:12

—Iso päi'önä jurunänö ichösä. O'ca toi'önä jȩtti̧nö̧ topö, adihuä juäi chiyä̧cuȩmä̧, chi̧'cä̧chä̧cua̧sä̧.