1 Corintios 16:6 - TÄ̧DO Ä̧CUÄ̧ I̧HUȨNȨ

⁶ Juhua'atä recuonänö chö̧jö̧'a̧nö̧ ja̧'a̧ ucutucu. Juhuorö'inä chö̧jö̧ttö̧mä, a̧'ȩ 'cuäoi'önä chö̧jä̧cua̧sä̧. Ja̧'hua̧nö̧ ja̧'a̧nä̧ ucutu ppäcuhuädätucu'a̧nö̧ ja̧'a̧ ttörö, kara'a chi̧'cho̧mȩnä̧.

Nuevo Testamento Uwotjüja

⁶ Ukututäku'i̧nä̧ chü̧ji̧pä̧kua̧sä̧ 'kua̧ra̧'a̧, a̧'ȩmä̧ juȩnȩtä̧ 'kuädopa pä'ü; ja̧'wa̧nü̧ jü̧ttü̧mä̧ adiwäkua'a chi̧'cha̧'a̧ ppäkuädätukuattü pä'ü.

1 Corintios 16:6 ပူးပေါင်းရင်းမြစ်များ

Hechos 15:3

Ja̧'hua̧nö̧ ja̧'a̧ttö̧ iglesia ruhuämä Antioquía ötahuiyänä ka̧cuä̧tö̧mä̧ hue'inätödo Pablorö, Bernabérö, ttahuaruhuärö'inä. Fenicia rȩjȩnä̧'i̧nä̧, Samaria rȩjȩnä̧'i̧nä̧ 'cuä'opö 'chä̧nö̧, Jesucristorö esetätörö ji'ähuinätödo judíos huocotö täbocö ttesetinö jaropi'ö, Diosrö esetinätö pä'ö. O'ca toi'önä ttö̧jä̧hua̧tö̧, jittähua'a ä̧ju̧cu̧, juiyo esehuinätödo.

Hechos 17:15

Pablocu 'chi̧nä̧tö̧mä̧ Atenas ötahuiyära̧'a̧ Pablorö ku̧no̧po̧'ö̧ i̧huä̧jä̧'co̧tö̧ juhua'attö Berea ötahuiyära̧'a̧ pä'aji ta'anö ppa̧'ä̧chi̧nä̧tö̧do jittähua pä'ö Silasrö'inä, Timoteorö'inä Pablo ö̧ja̧'a̧cu̧ jurunä tti̧'cha̧ pä'ö.

Hechos 20:38

—Jitämä yabocumä tocu'ätucuococusä —pä̧u̧, juiyo tta̧'cua̧ ta̧'ȩcui̧nä̧tö̧. Ja̧'hua̧nö̧ ja̧'a̧ huoi'cara̧'a̧ ja̧u̧cu̧ 'chi̧nä̧tö̧.

Hechos 21:5

Ko̧ro̧mö̧ttö̧nö̧ todäre mo̧ro̧ o'ca'a rä'opinätöjä. O'ca toi'önä Jesucristorö esetätömä tti̧rȩcua̧mö̧cu̧, tti̧tti̧mö̧cu̧, ujutucu 'chi̧nä̧tö̧ ötahuiyä yabocu. Juhuorö jäyotottö tihue'quiyunä kä̧mä̧dö̧, Diosrö ucuocuinätöjä.

Hechos 27:12

Huoi'ca huämicuome adihuome pättome a̧'ȩ 'cuäopa'anä tta̧huä̧rä̧cuä̧huo̧mȩ adihuoca'a ji̧na̧'a̧. Ja̧'hua̧nö̧ ja̧'a̧ recuätö rättopa pä'inätö Fenice ötahuiyära̧'a̧ tti̧'cha̧ pä'ö, juhuorö a̧'ȩ 'cuäopa'anä tta̧ttä̧ra̧ pä'ö. Fenice ötahuiyä huoi'ca huämicuomemä Creta kä'co i̧sä̧sa̧nä̧ ji̧na̧'a̧. Ju̧huȩnȩtä̧ kä̧nö̧ kä̧hua̧ räopa'acunä uhuäunä ji̧na̧'a̧.

Hechos 28:11

Huämetucuä kä̧hua̧tö̧ o'ca'a, Malta kä'co i̧sä̧sa̧ttö̧ koro'ca huoi'ca ju̧huȩnȩtä̧ a̧'ȩ 'cuäopäjä'canä pä̧mä̧di̧nä̧tö̧jä̧. Jahuä'ca Alejandría ötahuiyättö ichinä'ca ttä̧do̧ ä̧cua̧ Castorcu, ttä̧do̧ ä̧cua̧ Póluxcu tta̧'u̧cuä̧ adicua'a päjure'canä ri̧na̧'a̧.

Romanos 15:24

Jitä dodächa pä'ösä España rȩjȩra̧'a̧ 'cuä'opö kä̧nö̧. Ucuturu eseunu tochö o'ca'a, ucutu ppäcuhuädätucu'a̧nö̧ ja̧'a̧ yo chi̧'chö̧mä̧.

1 Corintios 16:11

Ja̧'hua̧nö̧ ja̧'a̧ttö̧ ucututtu korotö suronä ttamöcuädö juiya pä'ätucuirö. Pärocua'attö ppä'ädätucuirö adiunä eseunu ichäcua'a̧nö̧ ttörö topö. Ttöcu korotö tö̧jä̧hua̧tö̧cu̧ ja̧u̧ru̧ tta̧'ä̧rä̧tö̧jä̧.

2 Corintios 1:16

Äcuomenä Macedonia rȩjȩra̧'a̧ 'chä̧nö̧, ucuturu dodächa pä'inösä. Ja̧'hua̧ta̧nö̧ Macedonia rȩjȩttö̧ i̧u̧, pä'äji ta'anö ucuturu dodächa pä'ö amöcuädinösä. Ja̧'hua̧nö̧ do'ächö 'chä̧nö̧: “Jahuätömä ttörö ppättädäcua'a̧nö̧ Judea rȩjȩra̧'a̧ chi̧'cho̧mȩnä̧” pä'inösä.

Tito 3:12

Artemas pä'ö mi̧cua̧rö̧'i̧nä̧, Tíquico pä'ö mi̧cua̧rö̧'i̧nä̧ ucu cu̧ja̧'a̧ huedomenä, ucutä Nicópolis ötahuiyära̧'a̧ cuichaja, ji̧nä̧ yo̧mȩtȩ päti'a. Ju̧huȩnȩ chö̧ja̧ pä'ösä ya'ute a̧'ȩ.