1 Corintios 16:15 - TÄ̧DO Ä̧CUÄ̧ I̧HUȨNȨ

¹⁵ Jitä chö̧jä̧hua̧tö̧, ucutu huo̧juä̧tö̧jä̧, Estéfanas ahuaruhuäcu äcuomenä esetinätödo Tu̧ru̧hua̧rö̧ Acaya rȩjȩttö̧. Jahuätö korotö esetinätörö, tö̧jä̧hua̧tö̧rö̧, rö̧ȩnä̧ ppä'ädätö.

Nuevo Testamento Uwotjüja

¹⁵ Chawaruwä chi̧jä̧wa̧tü̧, ukutumä̧ wo̧juä̧tü̧jä̧ Estéfana i̧tti̧mü̧ku̧ ä̧kuo̧mȩnä̧ Acaya rȩjȩttü̧ Dio-rü esetinä̧tü̧ pä'ümä̧ ja̧'wa̧ta̧nü̧ juätütä ja̧'a̧ Dio-rü esetinä̧tü̧rü̧ ppä'ädätümä̧.

1 Corintios 16:15 ပူးပေါင်းရင်းမြစ်များ

Hechos 18:12

Pablo juhua'a ö̧jo̧mȩnä̧, Galiónmä Acaya rȩjȩttö̧ ru̧hua̧ ö̧jo̧mȩnä̧, judíos ttö̧ja̧ Pablorö suronä jȩtta̧ pä'ö ca̧ca̧cui̧pö̧ 'chu'ädö ttȩpi̧nä̧cu̧do ru̧hua̧ ä'ca jo̧mȩttö̧.

Romanos 12:13

Ppä'ädätucui Jesucristorö esetätörö recuä rö̧jä̧u̧ru̧. Ucuturu do'ächätörö, adiu ppä'ädätucui.

Romanos 15:25

Ja̧'hua̧nö̧ ja̧'a̧nä̧ jitämä Jerusalén ötahuiyära̧'a̧ ofrenda ȩpö̧ 'chö̧sä̧ tö̧jä̧hua̧tö̧rö̧, juhua'a ka̧cuä̧tö̧rö̧.

Romanos 15:31

Diosrö jä'epätucui adiu ppädattö Judea rȩjȩttö̧ Diosrö esetocotö suronä jȩttö̧ juiyattö. Ja̧'hua̧ta̧nö̧ jä'epö ucuocuätucui ppädäcuähuä chȩpö̧ adiu ttȩmä̧cua̧'a̧nö̧ chö̧jä̧hua̧tö̧ Jerusalén ötahuiyättö.

Romanos 16:2

Jahuäjuru adiu jȩpä̧tu̧cui̧ Tu̧ru̧hua̧ i̧mi̧nä̧ Jesucristorö esetätö jȩttö̧'a̧nö̧. Ja̧'hua̧ta̧nö̧ ppä'ädätucui koro juäi yajuru recua rö̧jö̧mä̧. Jahuäju recuätörö'inä, ttörö'inä ppä'ädinäju.

Romanos 16:5

Te'ähuätucui ji̧nä̧ yo̧mȩtȩ Diosrö ttucuocua pä'ö ca̧ca̧cui̧pä̧tö̧rö̧ Priscilacu, Aquilacu ttojusodenä. Ja̧'hua̧ta̧nö̧ te'ähuätucui adihuä cha̧hua̧ru̧hua̧ Epenetorö, äcuomenä Cristorö esetinörö Acaya rȩjȩttö̧.

1 Corintios 1:16

Iso päi'önä ttö bautizando jȩpi̧nö̧sä̧ Estéfanas ahuaruhuärö. Chamöcuädomenä, korotörömä bautizando jȩpo̧cö̧ pi̧nö̧sä̧.

1 Corintios 16:1

Pärätä cu̧ca̧ca̧tä̧tu̧cuo̧mȩnä̧, Diosrö esetätörö cuiyätucua pä'ö, Galacia rȩjȩ ttö̧ja̧ iglesia ruhuärö jidähuinö ta'anö jȩpä̧tu̧cui̧.

1 Corintios 16:17

Ttömä eseusä Estéfanasrö'inä, Fortunatorö'inä, Acaicorö'inä ttörö topö ttichäja'attö. Ucutu toa'attö, ttörö ppä'ädinätö jahuätömä.

2 Corintios 8:4

Jahuätö korotö tö̧jä̧hua̧tö̧rö̧ ppättäda pä'inätödo. Ja̧'hua̧nö̧ ja̧'a̧ttö̧ ujuturu jä'epinätödo ja̧'hua̧nö̧ ttiya pä'ö.

2 Corintios 9:1

Tö̧jä̧hua̧tö̧rö̧, Cristorö esetätörö, ttiyö huȩnȩ chi̧huȩyu̧tu̧ juiyö'a̧nö̧ ja̧'a̧ ucuturu.

1 Timoteo 5:10

Jahuäjuru o'ca toi'önä adiu ttucuocu'a̧nö̧ ja̧'a̧ adiunä kö̧ji̧na̧'a̧ttö̧. Ki̧tti̧mö̧rö̧'i̧nä̧ adiu tta̧'ä̧ri̧nä̧ju̧ru̧, kahuaruhuä kojusodenä rȩbȩhuä̧tö̧rö̧ adiu ppä'ädinäjuru, Diosrö esetätörö ttö̧jä̧pö̧ töquinäjuru, ubara ttu'ätörö adiu ppä'ädinäjuru, o'ca juiyönä adiu jȩpi̧nä̧ju̧ru̧ ppäcuhuädätucu'a̧nö̧ ja̧'a̧.

Filemón 1:7

Ucu korotörö repecuhua'a ä̧ju̧cu̧, rö̧ȩnä̧ eseunu amöcuädösä. Ucu, chö̧jä̧hua̧, Jesucristorö esetätörö ttami iso'quinä eseunu ttamöcuäda pä'ö ppä'ädinöjä.

Hebreos 6:10

Diosmä amönä pä'ocö. Yoröiso unichi'ocö ucutu cuaditinätucu. Cuahuaruhuärö, Diosrö esetätörö, repe'ö ppäcuhuädinätucu'inä unichi'ocö. Jitä'inä ja̧u̧tä̧ juäi jȩpä̧tö̧jä̧.

1 Pedro 4:10

Dios ucuturu iyö ppädinö ta'anö, korotörö ppä'ädö ka̧cuä̧tu̧cui̧. Koro juäi tta̧huä̧rä̧cuä̧huä̧ i̧sa̧ tta̧huä̧rö̧'a̧nö̧, tta̧'ä̧rä̧tu̧cui̧ Dios adihuä juäi iyömä.

Apocalipsis 14:4

Pitömä yoröiso suronä jȩpo̧co̧tö̧ pi̧nä̧tö̧ nä̧tö̧rö̧. Adiunätä ka̧cui̧nä̧tö̧. Chutä Cordero i̧'cho̧mȩnä̧tä̧ 'chä̧tö̧. Jahuätö pi̧jä̧ ttö̧ja̧ttö̧, Dios ȩmä̧huo̧tö̧ Diosrö'inä, Corderorö'inä äcuomenä sacrificio jȩpä̧cuä̧huotö jä̧'i̧nö̧'a̧nö̧ hui̧nä̧tö̧.