1 Corintios 16:14 - TÄ̧DO Ä̧CUÄ̧ I̧HUȨNȨ

¹⁴ O'ca juiyönä jȩcu̧'ä̧tu̧cumä̧, repe'önö jȩpä̧tu̧cui̧.

Nuevo Testamento Uwotjüja

¹⁴ O'kajuiyünä̧ jȩ'kuä̧tu̧ku̧mä̧, eseutätä jȩpä̧tu̧kui̧.

1 Corintios 16:14 ပူးပေါင်းရင်းမြစ်များ

San Juan 15:17

Ja̧'hua̧ ja̧'a̧ttö̧ pi̧yȩtä̧ hue'ösä ucuturu: korotö korotönörö repe'ätucui, —pä'ö huo̧juȩti̧nö̧do Jesús.

Romanos 14:15

Ucu koro juäi cucuomenä, ya̧tȩ cucua'a topö a̧'cua̧ tta̧huȩpö̧ttö̧mä̧, cu̧jä̧hua̧rö̧ repeönö jȩpo̧cö̧jä̧. Ja̧'hua̧ta̧nö̧ koro juäi cucua'attö, ya̧tȩ cua̧hua̧ru̧hua̧ Cristo repe'ö 'corupäi'inäcuru surojuoächa'acu jȩcu̧'ä̧'.

1 Corintios 12:31

Ja̧u̧ttu̧mä̧ usätucui ucutumä Dios adihuä juäi iyätucuacu pä'ö. Jitämä koro juäi ja̧u̧ttu̧'i̧nä̧ abonänö adihuä juäi ji'äusä ucuturu.

1 Corintios 14:1

Cuahuaruhuärö repecuhuätucuäcua'a̧nö̧ jä'epätucui. Ja̧'hua̧ta̧nö̧ Diosrö jä'epätucui churutä pä̧huä̧ rö̧jo̧mȩnä̧ iyätucuacu pä'ö Espíritu Santo jähuä. Chutä iyähuä huȩnȩ jicuhuähuätucua pä'ö jä'epätucui.

1 Corintios 16:15

Jitä chö̧jä̧hua̧tö̧, ucutu huo̧juä̧tö̧jä̧, Estéfanas ahuaruhuäcu äcuomenä esetinätödo Tu̧ru̧hua̧rö̧ Acaya rȩjȩttö̧. Jahuätö korotö esetinätörö, tö̧jä̧hua̧tö̧rö̧, rö̧ȩnä̧ ppä'ädätö.

1 Corintios 8:1

Jitämä ji'äusä koro huȩnȩ, cuäcuähuä ttucuäcua'a ä'canä, ttu̧mö̧nä̧ adicuä juäi ttä'ca ttucuocu huȩnȩ. Ja̧u̧ juäi huȩnȩ amöcuädö, o'ca toi'önä pä'ätöjä ttö ja̧u̧ juäi rö̧ȩnä̧ huo̧jua̧sä̧ pä'ö. Ja̧'hua̧nö̧ pätomenä, iso päi'önä adiu ppädoca'a ujuturu. Ji̧yȩä̧cuȩtä̧ tahuaruhuärö repeähuätä adiu ppäda'a ujuturu.

Gálatas 5:22

Ja̧'hua̧nö̧ ja̧'a̧nä̧ Espíritu Santo ujuturu iyömä repeäcuähuä, eseäcuähuä, tami iso'quinä eseäcuähuä, ta̧'cua̧ pö̧nö̧ jö̧, korotörö adiu ppädäcuähuä, ucuotäcuähuä, o'ca juiyönä yaparehuäcuähuä juiyönä jȩä̧cuä̧huä̧.

1 Tesalonicenses 3:12

Ja̧'hua̧ta̧nö̧ Tu̧ru̧hua̧ ucuturu ppäda pä'ö, juhua'a yabonö esetö, ucuturu repetö ta'anö, ka̧ra̧rö̧'i̧nä̧, ka̧ra̧rö̧'i̧nä̧, o'ca toi'önärö repecuhuätucua pä'ätöjä.

1 Tesalonicenses 3:6

Ja̧'hua̧nö̧ ja̧'a̧nä̧ Timoteo täcö ppa̧'ä̧chi̧nö̧ ucutu cu̧ja̧cuä̧tu̧cua̧'a̧ttö̧mä̧, ujutu tö̧ja̧cua̧'a̧cu̧. Ucutu adiu repecuhuätucu'inä, cuesetätucu'inä adiu ji'ähuinö ujuturu. Ucutu ujuturu repe'ö a̧mö̧cuä̧rä̧tö̧ pä'ö ji'ähuinö. Ja̧'hua̧ta̧nö̧ ujutu'inä ucuturu tota pätö ta'anö, ucutu'inä ujuturu tocu'a päcuhuätucumä ji'ähuinö.

2 Tesalonicenses 1:3

Tö̧jä̧hua̧tö̧, 'cuäopönä Diosrö eseunu ucuocuätöjä ucuturu amöcuädö. Ucutu juhua'a yabonö Diosrö cuesetätucu'inä, cuahuaruhuärö juhua'a yabonö repecuhuätucu'inä amöcuädö, teseu'a̧nö̧ ja̧'a̧.

1 Timoteo 1:5

Iso päi'önä pi̧yȩ huȩnȩ cu̧huo̧juȩtö̧'a̧nö̧ ja̧'a̧ Timoteo, tami iso'qui surojö juiyönä kä̧nö̧, adiu amöcuädö kä̧nö̧, Diosrö adiu esetö kä̧nö̧, tahuaruhuärö repetäcuä'a̧nö̧.

Hebreos 13:4

O'ca toi'önä cuirecuarö ku̧nä̧rä̧tö̧mä̧, korotö ucuturu ttucuotäcua'a̧nö̧. Karajuru suronä jȩcu̧'ä̧'chä̧tu̧cuä̧'. Ja̧'hua̧nö̧ irecuarö ku̧nä̧rö̧, nä̧tö̧rö̧ suronä jȩpä̧'chö̧rö̧'i̧nä̧, irecua to̧'a̧ nä̧tö̧rö̧ suronä jȩpä̧'chö̧rö̧'i̧nä̧ ö̧tä̧bo̧tä̧cua̧ Dios.

1 Pedro 4:8

Korottö'inä abonänö eseunu repe'ätucui cu̧jä̧hua̧tö̧rö̧. Iso päi'önä adiu eseunu cu̧ja̧cuä̧tu̧cuo̧mȩnä̧, cu̧jä̧hua̧tö̧ suronä jȩttö̧ unichi'ätöjä.

2 Pedro 1:7

Ja̧'hua̧ta̧nö̧ Diosrö ucuocu kä̧nö̧, cu̧jä̧hua̧tö̧rö̧ eseunu cuamöcuädätucuaja. Ja̧'hua̧ta̧nö̧ eseunu amöcuädö kä̧nö̧, cuahuaruhuärö repecuhuätucuaja.