1 Corintios 16:11 - TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ ja̧'a̧ttö̧ ucututtu korotö suronä ttamöcuädö juiya pä'ätucuirö. Pärocua'attö ppä'ädätucuirö adiunä eseunu ichäcua'a̧nö̧ ttörö topö. Ttöcu korotö tö̧jä̧hua̧tö̧cu̧ ja̧u̧ru̧ tta̧'ä̧rä̧tö̧jä̧.

Nuevo Testamento Uwotjüja

¹¹ Ja̧'wa̧nü̧ ja̧'a̧ttü̧ ja̧'a̧tä̧mä̧ to'kuätukuärü, adiutä wȩnȩ juiyünä̧ ppä'ädätukuirü, ttürü topü icha'amä̧, pa̧nä̧ttü̧mä̧ chawaruwä chi̧jä̧wa̧tu̧ku̧ tta̧tä̧rä̧ku̧.

1 Corintios 16:11 ပူးပေါင်းရင်းမြစ်များ

San Lucas 10:16

“Ucuturu ä̧ju̧cu̧ esetätömä, ttörö'inä esetätö. Ja̧'hua̧ta̧nö̧ ucuturu kö'cocotömä, ttörö'inä kö'cocotö. Ja̧'hua̧ta̧nö̧ ttörö kö'cocotömä, ttörö hue'inörö'inä kö'cocotö, —pä'ö huo̧juȩti̧nö̧do Jesús.

Hechos 15:3

Ja̧'hua̧nö̧ ja̧'a̧ttö̧ iglesia ruhuämä Antioquía ötahuiyänä ka̧cuä̧tö̧mä̧ hue'inätödo Pablorö, Bernabérö, ttahuaruhuärö'inä. Fenicia rȩjȩnä̧'i̧nä̧, Samaria rȩjȩnä̧'i̧nä̧ 'cuä'opö 'chä̧nö̧, Jesucristorö esetätörö ji'ähuinätödo judíos huocotö täbocö ttesetinö jaropi'ö, Diosrö esetinätö pä'ö. O'ca toi'önä ttö̧jä̧hua̧tö̧, jittähua'a ä̧ju̧cu̧, juiyo esehuinätödo.

Hechos 15:33

Juhua'atä recuo ttö̧ja̧cuä̧ji̧ o'ca'a, ttö̧jä̧hua̧tö̧ Antioquía ötahuiyänä ka̧cuä̧tö̧mä̧ Jerusalén ötahuiyättö ichinätörö eseunu te'ähuinätödo ppa̧ttä̧cha̧ pä'ö jitörötä huettinä̧u̧ru̧.

1 Corintios 16:10

Timoteo cu̧ja̧cuä̧tu̧cuo̧mȩ i̧rȩbȩu̧ttu̧mä̧, adiunänö ö̧ja̧ pä'ö ppä'ädätucuirö. Ja̧u̧'i̧nä̧ ttö ta'anö aditö Tu̧ru̧hua̧ i̧huȩnȩ.

1 Corintios 16:6

Juhua'atä recuonänö chö̧jö̧'a̧nö̧ ja̧'a̧ ucutucu. Juhuorö'inä chö̧jö̧ttö̧mä, a̧'ȩ 'cuäoi'önä chö̧jä̧cua̧sä̧. Ja̧'hua̧nö̧ ja̧'a̧nä̧ ucutu ppäcuhuädätucu'a̧nö̧ ja̧'a̧ ttörö, kara'a chi̧'cho̧mȩnä̧.

2 Corintios 1:16

Äcuomenä Macedonia rȩjȩra̧'a̧ 'chä̧nö̧, ucuturu dodächa pä'inösä. Ja̧'hua̧ta̧nö̧ Macedonia rȩjȩttö̧ i̧u̧, pä'äji ta'anö ucuturu dodächa pä'ö amöcuädinösä. Ja̧'hua̧nö̧ do'ächö 'chä̧nö̧: “Jahuätömä ttörö ppättädäcua'a̧nö̧ Judea rȩjȩra̧'a̧ chi̧'cho̧mȩnä̧” pä'inösä.

1 Tesalonicenses 4:8

Ja̧'hua̧nö̧ ja̧'a̧ttö̧ pi̧yȩ huo̧juȩcuä̧ huȩnȩ esetocömä, pi̧jä̧ ttö̧ja̧rö̧ öjö'cö juiyönä jȩpo̧cö̧. Diosrötä, Espíritu Santorö iyinörötä, öjö'cö juiyönä jȩpö̧.

1 Timoteo 4:12

Ucumä mö̧ä̧ya̧jä̧. Adiu kä̧hui̧ korotö suronä ttucuocu juiyäcua'a̧nö̧. Diosrö esetätö ttä'ca jo̧mȩ adiu kä̧hui̧, adiu cu̧ja̧'a̧ totta pä'ö. Adiu ucuocu jȩpi̧ o'ca juiyönä. O'ca toi'önärö repe'i. Diosrö esetö cua̧'cua̧ pö̧nö̧ kä̧hui̧.

Tito 2:15

Pi̧yȩ huȩnȩ huo̧juȩti̧. Dios ujurunä o'ca toi'önärö ppä'ädi. Ja̧'hua̧ta̧nö̧ Dios ujurunä o'ca toi'önärö ucuocu tä̧bo̧ti̧. Ja̧'hua̧nö̧ cu̧huo̧juȩto̧mȩnä̧, korotömä ucuru suronä ucuocuocotö.

3 Juan 1:6

Ji̧nä̧ yo̧mȩtȩ ca̧ca̧tö̧, iglesia ruhuärö ji'ähuinätö jitörötä adiu jȩcu̧'i̧nö̧, eseunu repe'önänö ppäcuhuädinömä. Ja̧'hua̧nö̧ cue'ächätörö yabocu tti̧'cho̧mȩnä̧, ppäcuhuädö'a̧nö̧ ja̧'a̧ Diosrö pä̧huä̧ rö̧jo̧mȩnä̧.