1 Corintios 16:10 - TÄ̧DO Ä̧CUÄ̧ I̧HUȨNȨ

¹⁰ Timoteo cu̧ja̧cuä̧tu̧cuo̧mȩ i̧rȩbȩu̧ttu̧mä̧, adiunänö ö̧ja̧ pä'ö ppä'ädätucuirö. Ja̧u̧'i̧nä̧ ttö ta'anö aditö Tu̧ru̧hua̧ i̧huȩnȩ.

Nuevo Testamento Uwotjüja

¹⁰ Timoteo jua'a i̧rȩbȩwi̧'ü̧ttü̧mä̧ adiu esewomȩnä̧ jȩpä̧tu̧kui̧rü̧, jua̧u̧'i̧nä̧ ttüta'a̧nü̧ Tu̧ru̧wa̧ aditäwä aditü.

1 Corintios 16:10 ပူးပေါင်းရင်းမြစ်များ

Hechos 16:1

Pablocu, Silascu Derbe ötahuiyära̧'a̧ 'chä̧hui̧'i̧nä̧tö̧do. Juhuorö kä̧nö̧ Listra ötahuiyära̧'a̧ 'chä̧hui̧'i̧nä̧tö̧do. Ju̧huȩnȩ ki̧nö̧do ya̧tȩ Jesucristorö esetinö, Timoteo pä'ö mi̧cua̧. Judíos ttö̧ja̧ isaju, Jesucristorö esetäju, ki̧tti̧ pi̧nö̧do. Jä'omä griegos ttö̧ja̧ i̧sa̧ pi̧nö̧do.

Hechos 19:22

Ja̧'hua̧nö̧ ja̧'a̧ umöhuäyotö churutä ppä'ädä'ijätö ta̧ju̧ru̧ Timoteorö'inä, Erastorö'inä Macedonia rȩjȩra̧'a̧ hue'inödo. Chutä Asia rȩjȩnä̧ a̧'u̧cua̧'a̧ recuo ki̧nö̧do.

Romanos 16:21

Ttöcu ppä'ädömä Timoteo, ucuturu te'äu. Ja̧'hua̧ta̧nö̧ ttötä chahuaruhuä isotö Lucio'inä, Jasón'inä, Sosípater'inä ucuturu te'ähuätö.

1 Corintios 15:58

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

1 Corintios 16:11

Ja̧'hua̧nö̧ ja̧'a̧ttö̧ ucututtu korotö suronä ttamöcuädö juiya pä'ätucuirö. Pärocua'attö ppä'ädätucuirö adiunä eseunu ichäcua'a̧nö̧ ttörö topö. Ttöcu korotö tö̧jä̧hua̧tö̧cu̧ ja̧u̧ru̧ tta̧'ä̧rä̧tö̧jä̧.

1 Corintios 4:17

Ja̧'hua̧nö̧ ja̧'a̧ttö̧ Chu̧ru̧hua̧nä̧ chi̧tti̧ rȩni̧'a̧rö̧, adiu jȩpö̧rö̧, Timoteorö hue'ösä ucuturu. Ja̧u̧tä̧ jiä̧huä̧cua̧ ucuturu Cristorö esetö chö̧jö̧ huȩnȩ'i̧nä̧, o'ca juiyönä pa̧ja̧cu̧nä̧ iglesias ruhuärö jidäu huȩnȩ'i̧nä̧.

2 Corintios 1:1

Ttö Pablo, Diosrö pä̧huä̧ rö̧jo̧mȩnä̧, Jesucristo huȩ'ä̧hua̧sä̧. Ji̧nä̧ yo̧mȩtȩnä̧ chö̧jä̧hua̧ Timoteocu, huȩyu̧tu̧sä̧ pojä cuyäru isojänä chö̧jä̧hua̧tö̧rö̧, Dios i̧huȩnȩ esetätörö, Corinto ötahuiyänä ka̧cuä̧tö̧rö̧. Ja̧'hua̧ta̧nö̧ huȩyu̧tu̧sä̧ o'ca toi'önä Dios i̧tti̧mö̧rö̧ Acaya rȩjȩnä̧ ka̧cuä̧tö̧rö̧.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

1 Tesalonicenses 3:2

Ujutu ju̧huȩnȩtä̧ ki̧'i̧pö̧, ucuturu toa pä'ö hue'inätöjä tö̧jä̧hua̧ Timoteorö, Dios huȩ'ä̧hua̧rö̧, ujutucu adihuä huȩnȩ, Cristo i̧huȩnȩ, ji'äu aditörö. Ja̧u̧tä̧ ucuturu ucuocu ppä̧dä̧cua̧, juhua'a yabonö Diosrö cuesetätucua pä'ö.

1 Tesalonicenses 4:12

Ja̧'hua̧nö̧ jȩpö̧ cu̧ja̧cuä̧tu̧cuo̧mȩnä̧, Diosrö esetocotö ttucuotäcuotö ucuturu. Ja̧'hua̧ta̧nö̧ ucuturutä recuä rö̧jö̧mä̧, mippoönä jä'epocotöjä korotörö.