1 Corintios 15:50 - TÄ̧DO Ä̧CUÄ̧ I̧HUȨNȨ

⁵⁰ Adihuä chö̧jä̧hua̧tö̧, ucuturu ji'äusä, pi̧jä̧ttö̧, ttidepäcu'inä, ttucuojacu'inä yoröiso doächäcuähuoca'a Dios ö̧jo̧mȩ. Koro beipächä̧cuȩ'i̧nä̧, koro beipächocö jä̧cuȩ'i̧nä̧ huihuacuoca'a jä̧cua̧'a̧.

Nuevo Testamento Uwotjüja

⁵⁰ Chawaruwä chi̧jä̧wa̧tü̧, pi̧yȩ pä'üsä ukuturu: Ttidepä'i̧nä̧, ttukuoja jäwä'i̧nä̧, ru̧wa̧ Dio weükumä̧ wiwawächoka'a; surojuoächü jäwämä̧, beipächokükumä̧ weoka'a.

1 Corintios 15:50 ပူးပေါင်းရင်းမြစ်များ

San Mateo 16:17

Jesús pä'inödo Pedrorö: —Eseunu cu̧jä̧cua̧jä̧ Simón, Jonás i̧tti̧. Pi̧jä̧ ttö̧ja̧ i̧sa̧ ja̧'hua̧nö̧mä̧ huo̧juȩto̧cö̧ pi̧nö̧do ucuru. Chä'o mo̧ro̧jä̧nä̧ kö̧tä̧ u̧huo̧juȩti̧nä̧cu̧jä̧.

San Mateo 25:34

Ja̧u̧nu̧ o'ca'a Ru̧hua̧ u̧huo̧jua̧'a̧nä̧ pȩjä̧tö̧rö̧ pä̧cua̧: “Ichätucui ttöcu. Chä'o Dios ucuturu ppädinä̧u̧jä̧. Do'ächätucui Dios ö̧jo̧mȩcu̧. Pi̧jä̧ aditinö o'ca'a, jo̧mȩ päi'önä cä'ädö aditö ucuturu iya pä'ö.

Romanos 2:7

Korotö, adihuä juäi jȩpä̧tö̧rö̧, eseäcuähuä usätörö, ucuotäcuähuä usätörö, tta̧'cua̧rö̧ yoröiso beipächocö usätörö, jahuätörö Dios i̧yä̧cua̧ kä̧cuä̧huä̧ i'co.

1 Corintios 1:12

Ja̧'hua̧nö̧ pädomenä, ucututtu yotöcunä koromenä ji'ähuätöjä pä'ösä. Korotö pä'ätö: “Ttötäsä Pablo i̧sa̧mä̧.” Korotö pä'ätö: “Ttötäsä Apolos i̧sa̧mä̧.” Korotö pä'ätö: “Ttötäsä Pedro i̧sa̧mä̧.” Korotö pä'ätö: “Ttötäsä Cristo i̧sa̧mä̧.”

1 Corintios 15:42

Ja̧'hua̧nö̧ jä̧cua̧'a̧ 'corupä'i'ö'cotö ttottächomenä. 'Corupä'i'äjirö, hua'ö icuru 'turätö. Juhuorö'inä ttottächomenä, yoröiso 'corupä'i'ocötä tto̧ä̧chä̧cua̧.

1 Corintios 15:44

Ja̧'hua̧ta̧nö̧ pi̧jä̧ jähuämä 'turu tticua'anä, mo̧ro̧jä̧ jähuänä tto̧ä̧chä̧cua̧. Pi̧jä̧ jähuä jättäpäyotö ka̧'a̧do. Ja̧'hua̧ta̧nö̧ mo̧ro̧jä̧ jähuä jättäpäyotö'inä ka̧'a̧do.

1 Corintios 6:10

Ja̧'hua̧ta̧nö̧ nä̧u̧cuä̧rä̧tö̧'i̧nä̧, korotö ttu̧ju̧nä̧rö̧ ta'anö, ttu̧ju̧nä̧ra̧ pä'ätö'inä, tä̧'ä̧mä̧tö̧'i̧nä̧, amönä yapareu ucuocuätö'inä yoröiso toäcua'a Dios ö̧jo̧mȩttö̧.

1 Corintios 6:13

Iso päi'önä pä'ätö: “Adihua'a o'ca juiyönä cuäcuähuämä cuä̧nö̧ tö'cäbiyunä suhuädi'önä. Ja̧'hua̧ta̧nö̧ tö'cäbiyu adihua'a cuäcuähuä tucuomenä ȩca̧ pä'ö. Juhuorö'inä Diosrö pä̧huä̧ rö̧jo̧mȩnä̧, tö'cäbiyu'inä, cuäcuähuä'inä be'epö i̧cuä̧cua̧. Ja̧'hua̧ta̧nö̧ ja̧'a̧nä̧ ujutu jättäpäyotö nä̧tö̧rö̧ usu jȩtä̧'cho̧mȩnä̧mä̧ surojö. Ujutu jättäpäyotö aditinödo Tu̧ru̧hua̧, chutä öäre päi'önä. Ja̧'hua̧ta̧nö̧ Tu̧ru̧hua̧ kö̧ ujutu jättäpäyotönä suhuädi'önä.

1 Corintios 6:9

¿Ucutumä jerupätöjä tä̧ji̧? Suronä jȩpä̧tö̧mä̧ yoröiso toäcua'a Dios ö̧jo̧mȩttö̧. Yapareu cuesetätucuä'. Korotö korotö tti̧rȩcua̧mö̧rö̧ usätö'inä, ttu̧mö̧nä̧ adicuänä esetätö'inä, nä̧tö̧rö̧ jȩpä̧'chä̧tö̧'i̧nä̧, u̧mä̧tö̧ korotö u̧mä̧tö̧rö̧, nä̧tö̧rö̧ jȩttö̧'a̧nö̧ jȩpä̧'chä̧tö̧'i̧nä̧ yoröiso toäcua'a Dios ö̧jo̧mȩttö̧.

1 Corintios 7:29

Chö̧jä̧hua̧tö̧, pa̧'a̧nö̧ ji'äusä: Recuome ka̧cuo̧co̧tö̧jä̧ pi̧jä̧nä̧mä̧. Ja̧'hua̧nö̧ ja̧'a̧ttö̧ jitä mo̧ro̧ kä̧mä̧dö̧, ttirecuorö ku̧nä̧rä̧tö̧mä̧, ttirecua toa'a jä̧'i̧nö̧'a̧nö̧, ttö̧ja̧cuä̧tu̧cuä̧cua̧'a̧nö̧.

2 Corintios 5:1

Ujutu huo̧juä̧tö̧jä̧ pi̧yȩmä̧. Iso päi'önä tidepä, recuo ko̧cö̧mä̧, be'epö tticuttumä, Dios mo̧ro̧jä̧ra̧'a̧ttö̧ korode tojusode aditinödo, yoröiso beipocode, ttö̧ja̧ ttu̧mö̧nä̧'i̧nä̧ adicuocode.

2 Corintios 9:6

Pi̧yȩ'i̧nä̧ cunichi'ätucuä': Ya̧tȩ ji̧'qui̧cha̧nö̧tä̧ ku̧nu̧mä̧, ji̧'qui̧cha̧nö̧tä̧ ȩmä̧cua̧. Ja̧'hua̧ta̧nö̧ ya̧tȩ rö̧ȩnä̧ ku̧nu̧mä̧, rö̧ȩnä̧ ȩmä̧cua̧.

Gálatas 3:17

Ttö pädömä pi̧yȩjä̧: Dios o'ca juiyönä Abraham mi̧nä̧rö̧ ucuocuinömä jȩpi̧nö̧. Dios Abraham mi̧nä̧rö̧ ucuocuina'attömä, cuatro cientos treinta a̧'ȩ ji̧nö̧ o'ca'a, iyinödo Moisés hueähuä huȩnȩ. Ja̧u̧ Moisés hueähuä huȩnȩ yoröiso jȩpö̧ icuähuocö Dios iya päinö huȩnȩmä̧.

Gálatas 5:16

Pi̧yȩjä̧ päda pädömä: Espíritu Santorö pä̧huä̧ rö̧jo̧mȩnä̧ ka̧cuä̧tu̧cui̧. Ja̧'hua̧nö̧ cu̧ja̧cuä̧tu̧cuo̧mȩnä̧mä̧, täcö ja̧u̧nu̧mä̧ cuamöcuädätucu pä̧huä̧ rö̧jo̧mȩnä̧mä̧ ka̧cuo̧co̧tö̧jä̧.

Efesios 4:17

Pi̧yȩtä̧ hue'ösä ucuturu Tu̧ru̧hua̧ i̧mi̧nä̧. Korotö jitötä ttamönä amöcuädö, Diosrö jerupö jȩpä̧tö̧ ttö̧jö̧'a̧nö̧mä̧, cu̧ja̧cuä̧tu̧cuä̧' ucutu.

Colosenses 2:4

Pi̧yȩ ji'äusä ucuturu, koronö korotö adihuä huȩnȩ a̧'cua̧rö̧nä̧ jittähuomenä, cuesetätucu juiyäcua'a̧nö̧.

2 Timoteo 4:18

Ja̧'hua̧ta̧nö̧ ttörö suronä jȩtto̧mȩnä̧, Tu̧ru̧hua̧ ppä̧dä̧cua̧ ttörö. Ttörö tta̧huä̧rä̧cua̧ mo̧ro̧jä̧ra̧'a̧ chi̧'cho̧mȩ jubö päi'önä. ¡'Cuäopönä Tu̧ru̧hua̧rö̧ ttesehuäcua'a̧nö̧! Amén.