1 Corintios 15:10 - TÄ̧DO Ä̧CUÄ̧ I̧HUȨNȨ

¹⁰ Juhuorö'inä Dios ttörö ppäda'attö, o'ca juiyönä jȩchö̧mä̧ jȩpö̧sä̧. Ja̧'hua̧ta̧nö̧ Diosrö pä̧huä̧ rö̧jo̧mȩnä̧ jȩpö̧sä̧. Ja̧'hua̧nö̧ ja̧'a̧nä̧ korotö Jesús hue'ähuotöttö'inä abonänö rö̧ȩnä̧ aditinösä. Juhuorö'inä ttötä chamönä jȩcho̧ca̧'a̧nä̧, Dios ppädomenätä jȩpi̧nö̧sä̧.

Nuevo Testamento Uwotjüja

¹⁰ Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

1 Corintios 15:10 ပူးပေါင်းရင်းမြစ်များ

San Mateo 10:20

Ja̧u̧nu̧mä̧ ucutu cuamönätucumä ucuocuocotöjä. Espíritu Santotä ucutu cui̧huȩnȩtu̧cu̧nä̧ u̧cuo̧cuä̧cua̧.

San Mateo 25:16

Chumä cinco mil bolívares jo̧mȩnä̧ ȩmi̧nö̧mä̧, koro juäi ȩmö̧'i̧nä̧, iyö'inä jitä ya'ute cinco mil bolívares jo̧mȩnä̧ ȩmi̧nö̧do.

Romanos 11:1

Jitä jä'epösä: ¿Dios jaropi'inö tä̧ji̧ umöhuäyotö Israel ttö̧ja̧rö̧? ¡Yoröiso ja̧'hua̧nö̧ jaropi'ocö pi̧nö̧! Ttötäsä Israel ttö̧ja̧ i̧sa̧mä̧. Abraham isotö i̧sa̧sä̧. Benjamín isotö i̧sa̧sä̧.

Romanos 12:3

Dios ttörö ppädina'attö, o'ca toi'önä ucuturu ji'äusä, ttömä korotöttö'inä abonänö huo̧jua̧sä̧ pä'ö cuamöcuädätucuä'. Ucututä cuamönätucu adiu cua̧'cua̧ ku̧nu̧ amöcuädätucui esetäcuähuä Dios iyinömä.

1 Corintios 15:11

Ja̧'hua̧nö̧ ja̧'a̧nä̧ “¿dijä̧ttö̧ rö̧ȩnä̧ aditäjimä, jitötäcö̧, ttötäcö̧?” pä'ocotöjä. Ji̧yȩä̧cuȩtä̧ ujutu ji'ähuinätöjä. Ja̧'hua̧ta̧nö̧ ja̧u̧tä̧ jitähuinömä esetinätöjä ucutumä.

1 Corintios 15:2

Ja̧'hua̧ta̧nö̧ ja̧u̧ huȩnȩ adiu cuesetätucuttumä, ja̧'a̧tä̧ amöcuädäcuähuä juiyönä jȩcu̧'ä̧tu̧cuo̧ca̧'a̧nä̧, ucutu suronä jȩcu̧'i̧nä̧tu̧cu̧mä̧ jȩpö̧ icuinä̧u̧jä̧ Dios.

1 Corintios 3:10

Iso päi'önä Diosrö pä̧huä̧ rö̧jo̧mȩnä̧, hue'inödo ttörö äcuomenä icui'quiyu chu̧ju̧na̧ pä'ö. Ja̧u̧nu̧ o'ca'a, korotömä ppä'ädö aditätö. Ja̧'hua̧nö̧ ttaditomenä, iso päi'önä ttu̧ȩcuä̧nä̧ ttaditö'a̧nö̧ ja̧'a̧.

1 Corintios 3:6

Ttömä äcuomenä ku̧ni̧nö̧sä̧. Ja̧u̧nu̧ o'ca'a Apolos riripinödo. Ja̧'hua̧nö̧ jȩto̧mȩnä̧, Diostä ppöröhua pä'ö hue'inödo.

1 Corintios 4:7

¿Dijä̧ttö̧ ucuru aditinömä, korotöttö'inä abonänö adihuä i̧sa̧ päi'önä cu̧ja̧ pä'ö? O'ca juiyönä cu̧ju̧nä̧rö̧ ¿Dios iyocö pi̧nö̧ tä̧ji̧ ucuru? Ucutumä cu̧ju̧nä̧rä̧tu̧cu̧ cuamönätucunä ȩmi̧nä̧tö̧jä̧ pä'ö jȩpä̧tö̧jä̧. Ja̧'hua̧nö̧ ja̧'a̧ttö̧ iso päi'önä Dios iyinöttömä ¿tta̧'a̧nö̧ pä'ö jȩcu̧'ä̧tu̧cuä̧ ja̧'hua̧nö̧ ucutumä?

2 Corintios 12:11

Ja̧'hua̧nö̧ ttötä chucuocuäcuähuomenä, suripächö ttucuocu'a̧nö̧, ucuocuäjisä. Juhuorö'inä ucututä hue'inätöjä ja̧'hua̧nö̧ chucuocuäcuähua pä'ö koro koronö jȩcu̧'i̧yä̧tu̧cuä̧cu̧. Ucututä ttörö adiunä cucuocuätucu'a̧nö̧ ja̧'a̧. Ttö yoröiso adihuä i̧sa̧ choca'anä, jitötä yapareu ji'äu kä̧nö̧, “Dios i̧huȩnȩ adiu ji'ähuätö” päcuhuätucuä̧u̧ ta'anö, yorätehuätöjä.

2 Corintios 3:5

Ujutu tamönä tujurunä yoröiso koro juäi jȩä̧cuä̧huä̧nä̧ juiyupätöjä. O'ca juiyönä jȩtö̧mä̧, Dios ppäda'attö jȩpä̧tö̧jä̧.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

Gálatas 2:8

Ja̧u̧tä̧ Dios Pedrorö hue'inö Jesús huȩ'ä̧hua̧ i̧sa̧ ö̧ja̧ pä'ö judíos ttö̧ja̧ ttö̧'quȩtȩ, ttörö'inä hue'inö Jesús huȩ'ä̧hua̧ i̧sa̧ chö̧ja̧ pä'ö judíos huocotö ttö̧'quȩtȩ.

Filipenses 2:13

Chutä Diostä ucuturu iyö adiu amöcuädäcuähuä. Ja̧'hua̧ta̧nö̧ ja̧u̧tä̧ ucuturu ppä'ädö churutä pä̧huä̧ rö̧jo̧mȩnä̧, adiu amöcuädäcuähuä jȩcu̧'ä̧tu̧cua̧ pä'ö.

Filipenses 4:13

Iso päi'önä Cristo ttörö ppäda'attö, o'ca juiyönä ttörö 'cuäopä̧cuȩ chu̧juru̧huä̧cua̧sä̧.

1 Tesalonicenses 5:12

Tö̧jä̧hua̧tö̧, ucuturu pä'ätöjä. Ucutucu aditätörö, ucuturu huo̧juȩtä̧tö̧rö̧, ucuturu Tu̧ru̧hua̧ i̧huȩnȩ ji'ähuätörö ucuotätucui.

1 Timoteo 4:10

Ja̧'hua̧nö̧ ja̧'a̧ttö̧ pi̧yȩ amöcuädö, aditätöjä Dios i̧huȩnȩ. Ja̧'hua̧ta̧nö̧ ubara ttu'ätöjä. Ujutumä Dios kö̧rö̧, o'ca toi'önä ja̧u̧ru̧ esetätö Tu̧ru̧hua̧rö̧, esetö tta̧'ä̧rä̧tö̧jä̧.