1 Corintios 14:3 - TÄ̧DO Ä̧CUÄ̧ I̧HUȨNȨ

³ Juhuorö'inä ya̧tȩ Dios iyähuä huȩnȩ jiähuomenä, korotörö ppä'ädö ji'äu. Ja̧'hua̧ta̧nö̧ adiu ttesetäcua'a̧nö̧ ji'äu. Ja̧'hua̧ta̧nö̧ tta̧'cua̧ tta̧ttȩcu̧ juiya pä'ö ji'äu.

Nuevo Testamento Uwotjüja

³ Ja̧'wa̧nü̧ ja̧'a̧nä̧, Dio i̧mi̧nä̧ jiäkuäwämä̧ ttü̧ja̧rü̧ äräbe'ü kkä̧nü̧, ro̧'ȩpü̧'i̧nä̧ ro̧'ȩpü̧ kkä̧nü̧, ttajuäkuäu'i̧nä̧ jȩpü̧ ikua'a.

1 Corintios 14:3 ပူးပေါင်းရင်းမြစ်များ

San Lucas 3:18

Ja̧'hua̧nö̧ huo̧juȩtö̧, koro rö̧ȩnä̧ tä̧bo̧cuä̧cu̧ Juan ji'ähuinödo adihuä juäi huȩnȩ ttö̧ja̧rö̧.

Hechos 13:15

Ya̧tȩ Dios i̧huȩnȩttö̧ hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocuinödo. Ucuocuäji o'ca'a judíos ttö̧ja̧ ttu̧huo̧jui̧'i̧node ruhuotö pättinä̧u̧do: —Chö̧jä̧hua̧tö̧, ttö̧ja̧rö̧ adiu ppädäcuähuä huȩnȩ cu̧ju̧nä̧rä̧tu̧cu̧ttu̧mä̧, ji'ähuätucui.

Hechos 14:22

Koro ötahuiyänä'inä, koro ötahuiyänä'inä Jesucristorö esetätörö huo̧juȩtö̧ ji'ähuinätödo, juhua'a yabonö adiu tteseta pä'ö. —Adiu esetö cu̧ja̧cuä̧tu̧cu̧'a̧nö̧ ja̧'a̧. Rö̧ȩnä̧ surojö 'cuäopäcua'a ujuturu, Dios ö̧jo̧mȩ dotächäcua'a ä'canä, —pä'inätödo.

Hechos 15:32

Ja̧'hua̧ ja̧'a̧ Judas'inä, Silas'inä Dios i̧huȩnȩ jiäcuähuä isotö ja̧'a̧ttö̧, ttö̧jä̧hua̧tö̧rö̧ ttami 'qui'ächi'ö ttö̧ja̧cua̧ pä'ö rö̧ȩnä̧ ppä'ädö ji'äu huo̧juȩti̧nä̧tö̧do.

Hechos 4:36

Ja̧'hua̧nö̧ ja̧'a̧ ya̧tȩ levita i̧sa̧ pi̧nö̧do, José pä'ö mi̧cua̧. Ja̧u̧ Chipre kä'co i̧sa̧sa̧ttö̧ uhuäpächinödo. Jesús hue'ähuotö i̧mi̧ päjure Bernabé ottinäcudo. Jahuätö tti̧huȩnȩnä̧ päa'a Bernabé, ujutu ti̧huȩnȩnä̧ päa'a ahuaruhuärö adiu ucuocu ppädäcuähuä i̧sa̧.

Hechos 9:31

Ja̧'hua̧nö̧ ja̧'a̧ Jesucristorö esetätömä Judea rȩjȩnä̧'i̧nä̧, Galilea rȩjȩnä̧'i̧nä̧, Samaria rȩjȩnä̧'i̧nä̧ o'ca juiyönä eseunu kä̧nö̧, juhua'a yabonö rö̧ä̧chö̧nä̧ esetinätödo. Diosrö ye'ecunänö ucuotönö amöcuädö kä̧nö̧, Espíritu Santo ppädomenä recuächinätödo.

Romanos 12:8

Korotörö ttesehuächi'önä jittähua pä'ö iyinöttömä, adiu jittäu'a̧nö̧ ja̧'a̧. Ya̧tȩ korotörö iyömä, repeäcuähuä juiyönä iyö'a̧nö̧ ja̧'a̧. Ya̧tȩ hue'ömä, o'ca juiyönä ttu̧ȩcuä̧nä̧ hueö'a̧nö̧ ja̧'a̧. Jui'ätörö ppä'ädömä, eseunu ppädö'a̧nö̧ ja̧'a̧.

Romanos 14:19

Ja̧'hua̧nö̧ ja̧'a̧ttö̧ eseunu tusu'a̧nö̧ ja̧'a̧ adiu kä̧cuä̧huä̧, tesetö rö̧ä̧cha̧ pä'ö juhua'a yabocutä korotö korotönörö.

Romanos 15:2

Ujutu ya̧cu̧nä̧ tahuaruhuärö pä̧huä̧ rö̧jö̧tä̧ jȩtö̧'a̧nö̧ ja̧'a̧, jahuätörö adiu jö̧nä̧ ttesetö rö̧ä̧cha̧ pä'ö.

1 Corintios 10:23

Iso päi'önä pättö huȩnȩ päa'a: “Ya̧tȩ chutä amöcuädö jȩö̧'a̧nö̧ ja̧'a̧.” Juhuorö'inä o'ca juiyönä jȩö̧ttö̧mä̧ adihuoca'a. Ya̧tȩ o'ca juiyönä chutä amöcuädö jȩö̧'a̧nö̧ ja̧'a̧to. Ja̧'hua̧nö̧ jȩo̧mȩnä̧, o'ca juiyönä ppädoca'ato.

1 Corintios 14:12

Ja̧'hua̧nö̧ ja̧'a̧ttö̧ ucutumä Espíritu Santo iyähuä rö̧ȩnä̧ cuȩmä̧tu̧cua̧ pä'ätömä, adiutä jä'epätucui Diosrö o'ca toi'önä Diosrö esetätörö ttujuruhuäcua'a̧nö̧ ppäcuhuädätucua pä'ö.

1 Corintios 14:17

Iso päi'önä ucutä ja̧'hua̧nö̧ cucuocuomenä, adiunä ucuocujä a̧'cua̧ra̧'a̧. Juhuorö'inä cua̧hua̧ru̧hua̧ rö̧ä̧chö̧nä̧ eseta pä'ö ppä'ädocöjä.

1 Corintios 14:26

Jitämä chö̧jä̧hua̧tö̧, pa̧'a̧nö̧ jȩä̧cuä̧huä̧nä̧ adihua'a pä'ösä. Ucutumä cuppäsähui'ätucuomenä, korotömä ra̧huä̧huä̧ ra̧'ä̧tö̧, korotömä huo̧juȩcuä̧ huo̧juȩtä̧tö̧, korotömä Dios iyähuä huȩnȩ ji'ähuätö, korotömä ttö̧ja̧ ttieru huȩnȩ ucuocuätö, korotömä ttö̧ja̧ ttieru huȩnȩ ttucuocuäji ji'ähuätö. Ja̧'hua̧nö̧ jȩcu̧'ä̧tu̧cuo̧mȩnä̧, adihua'a iso päi'önä Diosrö esetätö juhua'a yabonö tteseta pä'ö jȩcu̧'ä̧tu̧cu̧ttu̧mä̧.

1 Corintios 14:31

Ja̧'hua̧nö̧ jȩpö̧ ucutumä o'ca toi'önä Dios iyähuä huȩnȩ ku̧nä̧rä̧tö̧mä̧ cucuocuätucuäcua'a̧nö̧ ka̧ra̧ cädomenä, ka̧ra̧'i̧nä̧ ucuocu. Ja̧'hua̧nö̧mä̧ o'ca toi'önä huo̧jui̧pö̧ cujuruhuäcuotöjä̧.

1 Corintios 8:1

Jitämä ji'äusä koro huȩnȩ, cuäcuähuä ttucuäcua'a ä'canä, ttu̧mö̧nä̧ adicuä juäi ttä'ca ttucuocu huȩnȩ. Ja̧u̧ juäi huȩnȩ amöcuädö, o'ca toi'önä pä'ätöjä ttö ja̧u̧ juäi rö̧ȩnä̧ huo̧jua̧sä̧ pä'ö. Ja̧'hua̧nö̧ pätomenä, iso päi'önä adiu ppädoca'a ujuturu. Ji̧yȩä̧cuȩtä̧ tahuaruhuärö repeähuätä adiu ppäda'a ujuturu.

2 Corintios 1:4

Ujutumä ubara ttutomenä, Dios ujuturu ppä'ädö, ujutu'inä, korotö ubara ttuttomenä, ppätäda pä'ö Diosmä ujuturu ppädinö ta'anö.

2 Corintios 2:7

Jitämä ro̧cu̧huȩpi̧nä̧tu̧cu̧ o'ca'a, jȩi̧nö̧mä̧ unichi'ätucui. Ja̧u̧ru̧ ppä'ädätucui, rö̧ȩnä̧ a̧'cua̧ tta̧'ȩcu̧ kä̧nö̧, juhua'a yabonö a̧'cua̧ tta̧'ȩcu̧ juiyäcua'a̧nö̧.

Efesios 4:29

Suronämä cucuocuätucuä' cuänä. Adiunätä ucuocuätucui, korotö ä̧ju̧cu̧ ttesetäcua'a̧nö̧. Ja̧'hua̧ta̧nö̧ korotörö ppäcuhuädätucua pä'ö adiunätä ucuocuätucui.

Efesios 6:22

Ja̧'hua̧nö̧ ja̧'a̧ttö̧ ja̧u̧ru̧ hue'ösä ucuturu jiähua pä'ö, ujuturu cuä̧ju̧cuä̧tu̧cua̧ pä'ö. Ja̧'hua̧ta̧nö̧ ucuturu jiähuomenä, cuesehuätucua pä'ö ppädäcuotöjä.

Colosenses 4:8

Ja̧'hua̧nö̧ ja̧'a̧ttö̧ ja̧u̧ru̧ hue'ösä ucuturu jiähua pä'ö ujuturu. Ja̧'hua̧ta̧nö̧ ucuturu'inä ppädäcua'a̧nö̧.

1 Tesalonicenses 2:11

Ucutu huo̧juä̧tö̧jä̧, ya̧tȩ i̧tti̧mö̧rö̧ ppä'ädö u̧huo̧juȩta̧'a̧ jä̧'i̧nö̧'a̧nö̧, ppä'ädö huo̧juȩti̧nä̧tö̧jä̧ ucuturu o'ca toi'önärö.

1 Tesalonicenses 2:3

Ujutu tieru huȩnȩmä̧ ji'ähuocotöjä. Ja̧'hua̧ta̧nö̧ suronä amöcuädö ji'ähuocotöjä. Ucuturu yapareu ucuocu ji'ähuocotöjä.

1 Tesalonicenses 3:2

Ujutu ju̧huȩnȩtä̧ ki̧'i̧pö̧, ucuturu toa pä'ö hue'inätöjä tö̧jä̧hua̧ Timoteorö, Dios huȩ'ä̧hua̧rö̧, ujutucu adihuä huȩnȩ, Cristo i̧huȩnȩ, ji'äu aditörö. Ja̧u̧tä̧ ucuturu ucuocu ppä̧dä̧cua̧, juhua'a yabonö Diosrö cuesetätucua pä'ö.

1 Tesalonicenses 4:1

Tö̧jä̧hua̧tö̧, jitä Tu̧ru̧hua̧ Jesús i̧mi̧nä̧ pi̧yȩ huȩnȩ ji'äu hue'ätöjä ucuturu. Diosrö pä̧huä̧ rö̧jö̧ huȩnȩ, ucuturu tu̧huo̧juȩti̧nö̧mä̧, juhua'a yabonö esetö cu̧ja̧cuä̧tu̧cua̧ pä'ätöjä.

1 Tesalonicenses 4:18

Ja̧'hua̧nö̧ ja̧'a̧ttö̧ korotö korotönö ppä'ädö ji'ähuätucui pi̧yȩ huȩnȩ.

2 Tesalonicenses 3:12

Ja̧'hua̧nö̧ aditocotörö Tu̧ru̧hua̧ Jesucristo i̧mi̧nä̧ ro̧'ȩpö̧ hue'ätöjä jitötä tta̧'cua̧ adiunä ttaditähuä aditö ttö̧ja̧cu̧ micuä ttȩma̧ pä'ö.

1 Timoteo 1:4

Huo̧juȩti̧tö̧ täbo huȩnȩ, ttä̧do̧tö̧ mi̧nä̧ ttö̧ja̧cui̧nö̧ huȩnȩ, beipächocö huȩnȩ, ttucuocu juiyäcua'a̧nö̧. Ja̧u̧ huȩnȩ ucuocu yoröiso micuähuocö. Ja̧u̧ huȩnȩ ucuocu Diosrö pä̧huä̧ rö̧jö̧mä̧ ucuocuäcuähuocö. Diosrö esetötä churutä pä̧huä̧ rö̧jo̧mȩnä̧tä̧ ucuocuäcuähuä.

1 Timoteo 4:13

Ttö chichome jubö päi'önä Dios i̧huȩnȩ ttä̧ju̧cu̧nä̧ ucuocui. Ja̧'hua̧ta̧nö̧ tö̧jä̧hua̧tö̧rö̧ ji'äu huo̧juȩti̧.

1 Timoteo 6:2

Ja̧'hua̧ta̧nö̧ korotö ttu̧ru̧hua̧mä̧ Diosrö esetöcu ttaditomenä, ja̧u̧mä̧ tö̧jä̧hua̧ ja̧'a̧ttö̧, adiu tucuotococu pättö juiyö'a̧nö̧ ja̧'a̧. Pärocua'acu, ji̧nä̧ isocu adiu ttaditö'a̧nö̧ ja̧'a̧ ja̧u̧cu̧. Ja̧'hua̧nö̧ adiu ttaditomenä, adiu ppä'ädätö ttu̧ru̧hua̧ Diosrö esetörö, Dios repeäcuru. Ja̧'hua̧nö̧ hue'ö huo̧juȩti̧.

2 Timoteo 4:2

'Cuäopönä ji'ähui pi̧yȩ huȩnȩ. Ttä̧ju̧cuo̧mȩnä̧'i̧nä̧, ttä̧ju̧cuo̧co̧mȩnä̧'i̧nä̧ ji'ähui. Korotörö tä̧bo̧tö̧ ji'ähui. Cuami 'qui'ächi'ö kä̧nö̧, adiu huo̧juȩti̧.

Tito 1:9

Churutä Dios i̧huȩnȩ, ttu̧huo̧juȩti̧nö̧ huȩnȩ, adiu esetö ö̧jä̧cua̧'a̧nö̧. Ja̧'hua̧ta̧nö̧ ja̧u̧ huȩnȩ huo̧juȩtö̧ korotörö. Ja̧'hua̧ta̧nö̧ suronä ucuocuätörö, ja̧u̧ huȩnȩ ucuocu jiähuäcua'a̧nö̧.

Tito 2:15

Pi̧yȩ huȩnȩ huo̧juȩti̧. Dios ujurunä o'ca toi'önärö ppä'ädi. Ja̧'hua̧ta̧nö̧ Dios ujurunä o'ca toi'önärö ucuocu tä̧bo̧ti̧. Ja̧'hua̧nö̧ cu̧huo̧juȩto̧mȩnä̧, korotömä ucuru suronä ucuocuocotö.

Tito 2:6

Ja̧'hua̧ta̧nö̧ u̧mä̧tö̧rö̧ möäyotörö huo̧juȩti̧ adiu tta̧'cua̧ pö̧nö̧ ttö̧jä̧cua̧'a̧nö̧.

Tito 2:9

Ja̧'hua̧ta̧nö̧ korotöcu aditätörö ji'ähui ttu̧ru̧hua̧ hueö o'ca juiyönä adiu jȩtta̧ pä'ö. Ädätäcuähuä juiyönä ttu̧ru̧hua̧ esehuatö pä'ö jȩttä̧cua̧'a̧nö̧.

Hebreos 10:25

Korotö cultora̧'a̧, Diosrö ttucuocuomecu 'cho̧co̧tö̧ jȩttö̧'a̧nö̧mä̧, jȩtö̧ juiyö'a̧nö̧ ja̧'a̧ ujutumä. Ujutumä, korotö korotönörö juhua'a yabonö adiu ppätädö'a̧nö̧ ja̧'a̧. Iso päi'önä Tu̧ru̧hua̧ ichä̧cuȩ mo̧ro̧ ötö'cöhuächa'a topö, ja̧'hua̧nö̧ jȩtö̧'a̧nö̧ ja̧'a̧.

Hebreos 13:22

Chö̧jä̧hua̧tö̧, pi̧yȩ ppädäcuähuä huȩnȩ topö, cuami 'quicuhuächi'ätucua pä'ösä. Pi̧yȩ ji̧'qui̧cha̧nö̧tä̧ huȩyu̧tä̧ji̧sä̧.

Hebreos 3:13

Pärocua'acu mo̧ro̧ji̧nö̧ a̧'u̧cuä̧ eseäcuäu ka̧cuä̧tu̧cui̧ korotörö ppä'ädö, jitä mo̧ro̧ ji̧nä̧ cu̧ja̧cuä̧tu̧cuä̧i̧tä̧, ucututtu ya̧tȩ suronä 'cuäopomenä, cuesetö juiya pä'ö. Ja̧'hua̧ta̧nö̧ cuami iso'quitucunä cuami 'quicuhuächi'ätucu juiya pä'ö ka̧cuä̧tu̧cui̧.

1 Pedro 5:12

Silvano, Cristonä chö̧jä̧hua̧ ppädomenä, pi̧yȩ cuyäru ji̧'qui̧cha̧nö̧tä̧ huȩyu̧tu̧ hue'ösä ucuturu, ji'äu ppädädätucuacu pä'ö. Ja̧'hua̧ta̧nö̧ ucuturu repea'attö, o'ca juiyönä adihuä juäi iyinödo Dios ucuturu cu̧huo̧juä̧tu̧cua̧ pä'ö huȩyu̧tu̧sä̧. Pi̧yȩ esetönö ka̧cuä̧tu̧cui̧.

Judas 1:20

Ja̧'hua̧nö̧ ja̧'a̧nä̧ ucutu, chö̧jä̧hua̧tö̧, adihuä Dios i̧huȩnȩ rö̧ä̧chö̧nä̧ adiu esetö ka̧cuä̧tu̧cui̧. Espíritu Santo ujurunä ucuocuätucui Diosrö.