1 Corintios 14:17 - TÄ̧DO Ä̧CUÄ̧ I̧HUȨNȨ

¹⁷ Iso päi'önä ucutä ja̧'hua̧nö̧ cucuocuomenä, adiunä ucuocujä a̧'cua̧ra̧'a̧. Juhuorö'inä cua̧hua̧ru̧hua̧ rö̧ä̧chö̧nä̧ eseta pä'ö ppä'ädocöjä.

Nuevo Testamento Uwotjüja

¹⁷ ¡Isopäi'ünä̧tä̧! Dio-rü kukuokumä̧ adiwa'anä̧, kka̧ra̧rü̧mä̧ ppädü juiyünä̧ ja̧'a̧.

1 Corintios 14:17 ပူးပေါင်းရင်းမြစ်များ

Romanos 14:19

Ja̧'hua̧nö̧ ja̧'a̧ttö̧ eseunu tusu'a̧nö̧ ja̧'a̧ adiu kä̧cuä̧huä̧, tesetö rö̧ä̧cha̧ pä'ö juhua'a yabocutä korotö korotönörö.

1 Corintios 14:18

Ttömä Diosrö eseusä. Ucututtu'inä abonänö rö̧ȩnä̧ ucuocusä ttömä ttieru huȩnȩ.

1 Corintios 14:4

Ya̧tȩ ttieru huȩnȩ ucuocumä, chutä amönätä ppä'ädö. Juhuorö'inä ka̧ra̧'i̧nä̧ Dios iyähuä huȩnȩ ji'äumä, ja̧u̧mä̧ o'ca toi'önä Diosrö esetätörö ppä'ädö.

1 Corintios 14:5

Ja̧'hua̧nö̧ ja̧'a̧ttö̧ ucututtu o'ca toi'önä ttieru huȩnȩ cucuocuätucuttumä, adihua'a ttörö. Ja̧'hua̧ta̧nö̧ ja̧'a̧nä̧ Dios iyähuä huȩnȩ jicuhuähuätucua pä'ösä. Iso päi'önä Dios iyähuä huȩnȩ jiäcuähuänä, koro ttieru huȩnȩ ucuocuäcuähuättö'inä abonänö adihua'a. Juhuorö'inä ya̧tȩ ö̧jö̧ttö̧mä̧ ttieru huȩnȩ ttucuocu o'ca'a, jiähua pä'ö o'ca toi'önärö Espíritu Santonä ttujuruhuäcua'a̧nö̧, ja̧u̧nu̧mä̧ adihua'a ja̧'hua̧nö̧ jȩä̧cuä̧huä̧'i̧nä̧.

1 Corintios 14:6

Ja̧'hua̧nö̧ ja̧'a̧ttö̧ chö̧jä̧hua̧tö̧, ucuturu topö ichö, koro cuieruhuätucu huȩnȩ chucuocuttumä, ¿adiu ppä'ädösä tä̧ji̧ ucuturu? Isocö̧. Koro huȩnȩ, Diosrö adiu cuesetätucu huȩnȩ jidäuttutä, ja̧u̧ adihua'a ucuturu. Ja̧'hua̧ta̧nö̧ koro huo̧juȩcuä̧nä̧, Dios iyähuä huȩnȩ, ja̧u̧ru̧tä̧, Diosrötä, adiu cu̧huo̧juä̧tu̧cua̧rö̧ pä'ö jidähuomenä, adiu ppä'ädösä ucuturu.