1 Corintios 12:3 - TÄ̧DO Ä̧CUÄ̧ I̧HUȨNȨ

³ Ja̧'hua̧ ja̧'a̧ cu̧huo̧juä̧tu̧cua̧ pä'ösä. Ya̧tȩ päöttömä: “Jesúsmä su̧ro̧pa̧”, ja̧u̧mä̧ Espíritu Santo ujurunä ucuocuocö. Ja̧'hua̧ta̧nö̧ ya̧tȩ päöttömä: “Jesúsmä ttö Chu̧ru̧hua̧”, ja̧u̧mä̧ iso päi'önä Espíritu Santo ujurunä ucuocu.

Nuevo Testamento Uwotjüja

³ Ja̧'wa̧nü̧ ja̧'a̧ttü̧, ukuturu ku̧wo̧juä̧tu̧kua̧ pä'ü pä'üsä, ya̧tȩ'i̧nä̧ Dio i̧sa̧ Epíritu-nä̧mä̧, Jesú-ru su̧ro̧pa̧ päa pä'ümä̧ juiya'a; ja̧'wa̧ta̧nü̧ ya̧tȩ'i̧nä̧ toa'a, ¡Jesú-ru Chu̧ru̧wa̧! pä'ümä̧, Epíritu Sa̧tu̧ toünä̧mä̧.

1 Corintios 12:3 ပူးပေါင်းရင်းမြစ်များ

San Mateo 22:43

Ja̧'hua̧ ja̧'a̧ Jesús pä'inödo jahuätörö: —Ja̧u̧ttu̧mä̧, Davidmä Espíritu Santo huo̧juȩcuä̧nä̧ ¿tta̧'a̧nö̧ pä'ö päinättö Chu̧ru̧hua̧ pä'ö Cristorö? David pa̧'a̧nö̧ pä'inödo:

San Marcos 9:39

Ja̧'hua̧nö̧ ja̧'a̧ Jesús pä'inödo: —Jȩcu̧'ä̧' päcuhuätucuärö. Ya̧tȩ ttö chi̧mi̧nä̧ ttö̧ja̧ ttieru juäi jȩö̧ttö̧mä̧, koronömä suronä ucuocuocö ttörö.

San Juan 13:13

Ucutumä, Huo̧juȩcuä̧ I̧sa̧'i̧nä̧, Tu̧ru̧hua̧'i̧nä̧ pä'ätöjä ttörö. Ja̧'hua̧nö̧ päcuhuätucuomenä, ttötäsä. Adiu pä'ätöjä ja̧'hua̧nö̧mä̧.

San Juan 13:14

Ja̧'hua̧nö̧ ja̧'a̧ttö̧ ttömä, Huo̧juȩcuä̧ I̧sa̧'i̧nä̧, Cu̧ru̧hua̧'i̧nä̧ cha'anä, ucutu cu̧jä̧pi̧yä̧ chötöcöttömä, ucutu'inä ka̧ra̧rö̧'i̧nä̧, ka̧ra̧rö̧'i̧nä̧ chötöcäji ta'anö ttö̧jä̧pi̧yä̧ cutöcätucuäcua'a̧nö̧.

San Juan 15:26

“Ucuturu Ppädäcuähuä I̧sa̧, iso päi'önä Espíritu, Chä'ottö huȩdä̧cua̧mä̧ ichomenä, ttörö adiu u̧cuo̧cuä̧cua̧.

Hechos 8:37

Felipe ädätinödo: —Jesucristorö adiu cuesetöttömä, bautizando jȩchä̧cua̧jä̧. Ruhuaju kippeyä ru̧hua̧ pä'inödo: —Jesucristomä iso päi'önä Dios I̧tti̧ ja̧'a̧ pä'ö esetösä.

Romanos 10:9

Ucu cuättö “Jesúsmä Chu̧ru̧hua̧” päcuttumä, Dios Jesucristorö hua'arettö tto'ädinö cuami iso'quittö cuesetöttömä, Dios ucuru ȩmä̧cua̧.

1 Corintios 16:22

Ya̧tȩ Tu̧ru̧hua̧ Jesucristorö repe'ocömä, chutä Tu̧ru̧hua̧tä̧ ro̧ȩpä̧cua̧. Tu̧ru̧hua̧, ¡jurunä ichi!

1 Corintios 8:6

Ja̧'hua̧nö̧ pätta'anä, ujutumä huo̧juä̧tö̧jä̧ ya̧tȩä̧tä̧ Tä'o Diostä kö̧. Ja̧u̧ Tä'o o'ca juiyönä aditinödo. Ujutu'inä ja̧u̧ru̧ pä̧huä̧ rö̧jo̧mȩnä̧ ka̧cuä̧tö̧jä̧. Ja̧'hua̧ta̧nö̧ Tu̧ru̧hua̧mä̧ ya̧tȩä̧tä̧ kö̧. Ja̧u̧mä̧ Tu̧ru̧hua̧ Jesucristo. Ja̧u̧ru̧ pä̧huä̧ rö̧jo̧mȩnä̧, ujutu'inä ka̧cuä̧tö̧jä̧, pi̧jä̧nä̧ ka̧cu̧'i̧nä̧ o'ca juiyönä ka̧cua̧'a̧.

2 Corintios 11:4

Korotö ichö Jesús i̧huȩnȩ ji'äu, ujutu jitähuinöttö'inä i̧mi̧cu̧nä̧ jittähuomenä, adiu ä̧ju̧cuä̧tö̧jä̧. Ja̧'hua̧ta̧nö̧ ka̧ra̧ espírituru'inä, Espíritu Santottö cuȩmi̧nä̧tu̧cuä̧cu̧ttu̧'i̧nä̧ i̧mi̧cu̧nä̧ hua̧rö̧ eseunu ȩmä̧tö̧jä̧. Koro huȩnȩ, ttö̧ja̧ suronä jȩttö̧ jȩpö̧ icu pättö huȩnȩ'i̧nä̧, ujututtu cuä̧ju̧cui̧nä̧tu̧cu̧ttu̧'i̧nä̧ i̧mi̧cu̧nä̧ jö̧ esetätöjä.

2 Corintios 3:5

Ujutu tamönä tujurunä yoröiso koro juäi jȩä̧cuä̧huä̧nä̧ juiyupätöjä. O'ca juiyönä jȩtö̧mä̧, Dios ppäda'attö jȩpä̧tö̧jä̧.

Gálatas 3:13

Cristomä hueähuä huȩnȩ tä̧bo̧cuä̧ ja̧ji̧ jȩpö̧ icuinä̧u̧jä̧. Chutä Cristo ujuturu rettö pä'ö hueähuä huȩnȩ tä̧bo̧cuä̧ ja̧ji̧ päi'önä 'corupä'i'inö. Huȩyu̧cuä̧ Huȩnȩ päa'a: “O'ca toi'önä daunä pȩ'o̧pö̧ ttu̧ju̧nä̧u̧ 'corujuo'ächätömä suropätö.”

Apocalipsis 1:10

Ju̧huȩnȩ chö̧jo̧mȩnä̧, ya'ute ttö̧ja̧ 'cuättächi'ö mo̧ro̧, Espíritu Santo ujurunä ma̧i̧nä̧cu̧sä̧. Chabo ja̧'a̧nä̧ttö̧ ya̧tȩ i̧huȩnȩ pä̧i̧cu̧nä̧ ucuocua'a, trompeta ucuocua'a jä̧'i̧nö̧'a̧nö̧ ä̧ju̧cui̧nö̧sä̧.