1 Corintios 11:29 - TÄ̧DO Ä̧CUÄ̧ I̧HUȨNȨ

²⁹ Ya̧tȩ pi̧yȩmä̧ ja̧'a̧tä̧ cuä̧nö̧ auttumä, Tu̧ru̧hua̧ jä̧ttä̧pä̧ya̧ huȩnȩ amöcuädoca'anä, chutä amönä ro̧'ȩpä̧cuä̧u̧ jȩpö̧.

Nuevo Testamento Uwotjüja

²⁹ Isopäi'ünä̧ uku juiyü'anü̧ ja̧'a̧nä̧, au juiyü'anü̧ ja̧'a̧nä̧, Tu̧ru̧wa̧ idepä jättäji amükuädoka'a ukuttümä̧, a̧mü̧nä̧ ä̧tȩkuä̧tä̧ ku ja̧'wa̧ta̧nü̧ a̧mü̧nä̧ ä̧tȩkuä̧tä̧ awuö.

1 Corintios 11:29 ပူးပေါင်းရင်းမြစ်များ

San Lucas 7:34

Ja̧u̧nu̧ o'ca'a ttö, Ubo I̧tti̧ chichomenä, chu̧cuȩ'i̧nä̧ cusä. Au'inä ausä. Ja̧'hua̧nö̧ ja̧'a̧ ucutu pä'ätöjä ttörö: “Ja̧u̧mä̧ rö̧ȩnä̧ cu. Ja̧'hua̧ta̧nö̧ rö̧ȩnä̧ au. Ja̧'hua̧ta̧nö̧ ja̧u̧mä̧ suronä jȩpä̧tö̧'i̧nä̧, ru̧hua̧ öäre pärätä ȩmä̧'i̧jä̧tö̧'i̧nä̧ tta̧hua̧ru̧hua̧do”, pä'ätöjä ttörö.

Romanos 13:2

Ja̧'hua̧nö̧ ja̧'a̧ttö̧ ruhuotörö jarode'ätömä, Dios hueinö'inä jarode'ätö. Ja̧'hua̧nö̧ jȩpä̧tö̧rö̧mä̧, Dios ro̧ȩpä̧cuo̧tö̧.

1 Corintios 11:24

Ja̧'hua̧nö̧ 'chu̧'ä̧rö̧ Diosrö ucuocuäji'ca̧, 'tȩ'chä̧rö̧ iyinödo i̧ri̧si̧. Pa̧'a̧nö̧ pä'inödo: “Cuätucui. Pi̧yȩmä̧ ttötä jä̧ttä̧pä̧ya̧sä̧ ucuturu ppä'ädö iyö icuä̧cuȩ. Ttörö amöcuädö jȩpä̧tu̧cui̧.”

1 Corintios 11:27

Ya̧tȩ i̧mi̧cu̧nä̧ jȩpä̧'chö̧ Tu̧ru̧hua̧rö̧ amöcuädoca'anä pi̧yȩ i̧ri̧si̧'i̧nä̧ cuä̧nö̧, i̧so̧'ta̧'i̧nä̧ auttumä, ja̧u̧mä̧ yoröiso suronätä jȩpö̧ Tu̧ru̧hua̧ jä̧ttä̧pä̧ya̧nä̧'i̧nä̧, Tu̧ru̧hua̧ ucuojanä'inä.

1 Corintios 11:28

Ja̧'hua̧nö̧ ja̧'a̧ttö̧ o'ca toi'önä ttamönä ka̧cuä̧mö̧ ttamöcuädö'a̧nö̧ ja̧'a̧ pi̧yȩ i̧ri̧si̧'i̧nä̧ cuä̧nö̧, i̧so̧'ta̧'i̧nä̧ ttahuäcua'a ä'canä.

1 Corintios 11:30

Iso päi'önä ja̧'hua̧nö̧ amöcuädäcuähuä juiyönä jȩtto̧mȩnä̧, ucututtu recuätö ka̧cuä̧tö̧ na̧'ä̧chä̧tö̧'i̧nä̧, juiyupätö'inä. Ja̧'hua̧ta̧nö̧ yotöte ja̧'hua̧nö̧ jȩpö̧ hua'ö icuinätödo.

Hebreos 5:14

Ja̧'hua̧nö̧ ja̧'a̧nä̧ adihuä juäi cuäcuähuämä, tä̧mö̧tä̧ ttucudo. Jahuätömä ja̧u̧ cuäcuähuä ttucuina'attö, adiunä'inä, surojö'inä huo̧juä̧tö̧do.

Santiago 3:1

Chö̧jä̧hua̧tö̧, ucututtu a̧'u̧cu̧nä̧tä̧ ttu̧huo̧juȩtö̧'a̧nö̧ ja̧'a̧. Ucutu huo̧juä̧tö̧jä̧ ujutu huo̧juȩcuä̧ ttö̧ja̧rö̧mä̧ huo̧jui̧pä̧tö̧ttö̧'i̧nä̧ abonänö pä̧cua̧ Dios.

Santiago 5:12

Chö̧jä̧hua̧tö̧, mo̧ro̧jä̧ i̧mi̧nä̧ pä'ömä päcuhuätucuä'. Pi̧jä̧ i̧mi̧nä̧, koro juäi i̧mi̧nä̧ pä'ömä päcuhuätucuä', Diosttö tä̧bo̧cuä̧ 'cuäcuhuopätucu juiya pä'ö. “A̧” pä'ätömä, jueönätä “A̧” pä'ätucui. “Ja̧'hua̧nö̧cö̧” pä'ätömä, jueönätä “Ja̧'hua̧nö̧cö̧” pä'ätucui.