1 Corintios 10:4 - TÄ̧DO Ä̧CUÄ̧ I̧HUȨNȨ

⁴ Ja̧'hua̧ta̧nö̧ o'ca toi'önä ttahua pä'ö'inä, Dios iyömä ji̧nä̧ yo̧mȩtȩ ahuinätödo. Jahuätö inähuättö, Dios iyinähuättö räoi'oya ahuinätödo. Ja̧u̧ inähuämä Cristo pi̧nö̧do. Ja̧u̧mä̧ jahuätöcu 'chi̧nö̧do.

Nuevo Testamento Uwotjüja

⁴ Ja̧'wa̧ta̧nü̧ ttawa pä'ü'i̧nä̧ ji̧nä̧ yoyate, epíritu isoyattü awinä̧tü̧. Jua'amä̧ i̧nä̧wä epíritu isäwättü, jitürütä tta̧wä̧rinä̧wättü ttawina̧'a̧ttü̧, juäwä i̧nä̧wä ji̧nä̧wämä̧ Crito-tä ji̧na̧'a̧.

1 Corintios 10:4 ပူးပေါင်းရင်းမြစ်များ

San Juan 4:10

Ja̧'hua̧ ja̧'a̧ Jesús pä'inödo jahuäjuru: —Iso päi'önä Dios iyö'inä, ucuru ajiya jä'epörö'inä cu̧huo̧ju̧ttu̧mä̧, ttörötä jä'epajajujä. Ja̧'hua̧nö̧ jäcuhue'öttömä ucurutä kä̧cuä̧huä̧ ajiya iyajisä.

San Juan 4:14

Ja̧'hua̧nö̧ ja̧'a̧nä̧ ajiya ttötä chiyomettö ahuätömä, yoröiso a̧di̧ rö̧jo̧co̧u̧ ttäcuotö. Ttötä ajiya chiyömä, aje i̧sä̧rä̧ ta'anö juoächäcua'a ami iso'quinä. Ttö chiyömä aumä, kä̧cuä̧huä̧ i'co u̧ju̧nä̧rä̧cua̧.

San Juan 7:37

Ja̧u̧ fiesta jȩtto̧mȩnä̧, röji mo̧ro̧tä̧ ji̧nä̧ isocu adiu amöcuädö jȩpi̧nä̧tö̧do. Ja̧u̧nu̧ mo̧ro̧ Jesús ä̧rä̧mi̧'ö̧, pä̧i̧cu̧nä̧ ucuocu pä'inödo: —Ya̧tȩ a̧di̧ rö̧jä̧cu̧mä̧, ttörö ichö ahui.

Gálatas 4:25

Agarrö pä'ö päömä Arabia rȩjȩ kä'ca möä'ca Sinaí pä'ö micuä'ca pä'ö päa'a. Ja̧'hua̧ta̧nö̧ jitä tu̧huo̧juo̧mȩ Jerusalén ötahuiyä pä'ö päa'a. Ja̧u̧ ötahuiyä'inä ttö̧ja̧tä̧cu̧ korotö ttumöhuäyotö päi'önä ka̧cuä̧tö̧ jitä.

Colosenses 2:17

Ja̧u̧ juäi yodoji 'cuäöpä̧cuȩ a̧'cua̧rö̧nä̧. Ja̧'hua̧nö̧ ja̧'a̧nä̧ Cristotä iso päi'önä mi̧cuä̧hua̧.

Hebreos 10:1

Moisés hueähuä huȩnȩmä̧ koro adihuä juäi ichäcua'a a̧'u̧cuä̧ ji̧na̧'a̧do, iso päi'önä adihuä juäimäcö̧. Ja̧'hua̧ ja̧'a̧ttö̧ ja̧u̧ hueähuä huȩnȩ, koro a̧'ȩ'i̧nä̧, koro a̧'ȩ'i̧nä̧ sacrificios jȩtta̧'a̧ Diosrö ttötö'cöhuächa pä'ö jȩpä̧tö̧rö̧, yoröiso aditö icuocödo.

Apocalipsis 22:17

Espíritu Santo'inä, Cordero irecua'inä pä'ätö: —Ichi. Ja̧'hua̧nö̧ pi̧yȩ huȩnȩ ä̧ju̧cu̧mä̧, ja̧u̧'i̧nä̧ päcua'a̧nö̧: —Ichi. Ya̧tȩ a̧di̧ rö̧jä̧cu̧mä̧, churutä pä̧huä̧ rö̧jö̧ttö̧mä̧ huäinä ichö, kä̧cuä̧huä̧ i'co ajiya micuä juiyönä ahua pä'ö.