1 Corintios 1:21 - TÄ̧DO Ä̧CUÄ̧ I̧HUȨNȨ

²¹ Diosmä huo̧jua̧ chutä jȩö̧. Dios hue'inödo pi̧jä̧ ttö̧ja̧ jitötä ttamönä huo̧juä̧huä̧nä̧ ttu̧huo̧jui̧'i̧yi̧ya̧rö̧ pä'ö. Chutä i̧huȩnȩ, korotö ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ pättö huȩnȩ ttesetomenä, suronä jȩttö̧ jȩpö̧ icua pä'inödo.

Nuevo Testamento Uwotjüja

²¹ Ja̧'wa̧nü̧ ja̧'a̧ttü̧ pi̧jä̧ ttü̧ja̧mä̧, tta̧mü̧nä̧ pa̧ja̧tü̧ ttu̧wo̧juö̧ jäwänä̧mä̧ Dio-rümä̧ wo̧juo̧ko̧tü̧ pinä̧tü̧, Dio-mä̧ jiäkuäwä wȩnȩnä̧, ttü̧ttȩpä̧ro̧ka̧'a̧ 'kua̧rü̧nä̧tä̧ tta̧'kua̧ wȩnä̧rä̧tü̧rü̧mä̧ ra̧wä̧pi̧jü̧ttü̧mä̧ rä'epü ikua pä'ü amükuädinü̧.

1 Corintios 1:21 ပူးပေါင်းရင်းမြစ်များ

San Mateo 11:25

Ja̧u̧nu̧ pä̧nä̧ Jesús ucuocuinödo: —Chä'o, mo̧ro̧jä̧'i̧nä̧, pi̧jä̧'i̧nä̧ Tu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧.

San Lucas 10:21

Ja̧u̧nu̧ pä̧nä̧ Jesús juiyo esehuinödo Espíritu Santonä. Ja̧'hua̧ ja̧'a̧ pä'inödo: —Chä'o mo̧ro̧jä̧'i̧nä̧, pi̧jä̧'i̧nä̧ Chu̧ru̧hua̧, ucuru eseusä. Ucumä pi̧yȩmä̧ adihuä juäimä, dajahuächäji'ca̧mä̧ huo̧juȩto̧cö̧ pi̧nö̧jä̧ rö̧ȩnä̧ huo̧juä̧tö̧rö̧'i̧nä̧, rö̧ȩnä̧ ucuocuätörö'inä. Ppo̧'ä̧tö̧ ttö̧'a̧nö̧ huotörö iyö huo̧juȩti̧nö̧jä̧. Iso päi'önä Chä'o, ja̧'hua̧nö̧ pä̧huä̧ rö̧ji̧nä̧cu̧jä̧ ucutä.

San Lucas 12:32

“Yecuhuecuätucuä' chu̧huo̧juȩtä̧u̧. Ucutumä a̧'u̧cu̧nä̧tä̧jä̧. Ja̧'hua̧nö̧ ja̧'a̧nä̧ Cuä'o chutäcu ruhuotö päcuhui'ätucua pä'ö pä̧huä̧ rö̧jä̧cu̧.

San Juan 12:31

Jitä pä̧nä̧ pi̧jä̧ ttö̧ja̧rö̧ päcua'a̧nö̧. Ja̧'hua̧ta̧nö̧ jitä pi̧jä̧nä̧ hue'örö do'opö icuäcua'a̧nö̧.

Romanos 1:28

Jahuätömä ttu̧huo̧jua̧ pä'ocotö Diosrö. Ja̧'hua̧nö̧ ja̧'a̧ttö̧ Dios jaroi'inä̧u̧, surojö amöcuädö jȩä̧cuä̧huä̧ jȩtta̧ pä'ö.

Romanos 11:33

¡Dios jähuä adihuä juäimä juiyo rö̧a̧'a̧! Ja̧'hua̧ta̧nö̧ u̧huo̧ju̧'i̧nä̧, ä̧ju̧cu̧'i̧nä̧ yoräteunä rö̧a̧'a̧. Chu amöcuädömä, yoröiso ji'ähuocotöjä. Yoröiso huo̧jui̧'o̧co̧tö̧jä̧ jȩö̧mä̧.

1 Corintios 1:18

Cristo dau isodänä 'corupäi'inö huȩnȩ ttu̧'ȩpä̧ro̧co̧tö̧ ttucuocua'a jä̧'i̧nö̧'a̧nö̧, ucuocuätö Diosrö esetocotömä. Pi̧yȩmä̧ ujutumä, Diosrö esetätömä, Dios ujuru huȩnȩ pä'ätöjä.

1 Corintios 1:23

Ja̧'hua̧nö̧ ja̧'a̧nä̧ ujutumä ji'ähuätöjä Cristo i̧huȩnȩ, dau isodänä kä̧nö̧ 'corupäi'inö huȩnȩ. Judíos ttö̧ja̧ pi̧yȩ huȩnȩ dä'äcunu ä̧ju̧cuä̧tö̧. Judíos huocotömä, griegos ttö̧ja̧mä̧, pi̧yȩ huȩnȩmä̧ ttu̧'ȩpä̧ro̧co̧tö̧ ttucuocua'a jä̧'i̧nö̧'a̧nö̧ jö̧ huȩnȩ pä'ö amöcuädätö.

1 Corintios 1:24

Ja̧'hua̧nö̧ ja̧'a̧nä̧ Dios huoinä̧u̧mä̧, judíos ttö̧ja̧'i̧nä̧, griegos ttö̧ja̧'i̧nä̧ pä'ätö: “Cristomä Dios ujuru päi'önä kö̧.” Ja̧'hua̧ta̧nö̧ pä'ätö: “Cristomä Diosttö huo̧juä̧huä̧ päi'önä kö̧.”

1 Corintios 1:25

Dios i̧huȩnȩmä̧, pi̧jä̧ ttö̧ja̧rö̧mä̧ ttu̧'ȩpä̧ro̧co̧tö̧ ttucuocua'a jä̧'i̧nö̧'a̧nö̧ jö̧ huȩnȩ, pi̧jä̧ttö̧ huo̧juä̧huä̧ttö̧'i̧nä̧ abonänö adiu huo̧juä̧huä̧. Ja̧'hua̧ta̧nö̧ Dios ujuru jui̧'a̧ a̧'cua̧ra̧'a̧ jä̧'i̧nö̧'a̧nö̧ jö̧mä̧, pi̧jä̧ ujuruttu'inä abonänö juruhua'a.

1 Corintios 1:27

Pärocua'acu Dios ȩmi̧nö̧do pi̧jä̧ttö̧ rö̧ȩnä̧ huo̧juo̧co̧tö̧rö̧, korotö pi̧jä̧ttö̧ huo̧ju̧nä̧ huo̧juä̧tö̧ ttödäpecua pä'ö. Ja̧'hua̧ta̧nö̧ pi̧jä̧ttö̧ juiyupätörö'inä ȩmi̧nö̧do Dios, pi̧jä̧ttö̧ juruhuätö ttödäpecua pä'ö.

1 Corintios 11:32

Ja̧'hua̧nö̧ ja̧'a̧nä̧ Tu̧ru̧hua̧mä̧ ujuturu ka̧cuä̧mö̧ tomenä, ujuturu adiu ro̧'ȩpö̧, pi̧jä̧ ttö̧ja̧ ro̧ȩcuȩ 'cuätopö juiya pä'ö.

1 Corintios 2:14

Ka̧ra̧mä̧ Espíritu Santorö ku̧nä̧ro̧cö̧mä̧, yoröiso pä̧huä̧ jui̧'a̧ ja̧u̧ huȩnȩ, Espíritu Santo i̧huȩnȩ. Ja̧u̧mä̧ ja̧u̧ huȩnȩ ttu̧'ȩpä̧ro̧co̧tö̧ ttucuocu'a̧nö̧ jö̧ huȩnȩ pä'ö amöcuädö. Ja̧'hua̧ta̧nö̧ ja̧u̧ huȩnȩ Espíritu Santo u̧huo̧juȩta̧'a̧ttö̧, yoröiso ä̧ju̧cu̧'i̧nä̧ ä̧ju̧cuo̧cö̧.

1 Corintios 4:10

Ujutumä Cristorö esetätörö “Yoröiso ttu̧'ȩpä̧ro̧co̧tö̧” pä'ätö. Pärocua'acu ucuturu “Cristo i̧huȩnȩ rö̧ȩnä̧ huo̧juä̧tö̧” pä'ätö. Ja̧'hua̧ta̧nö̧ ujutu tijuiyuhua'anä, ucutumä juruhuätöjä. Ja̧'hua̧ta̧nö̧ pi̧jä̧ ttö̧ja̧ ujuturu ttöjö'coca'anä, ucuturu ucuotätö.

1 Corintios 6:2

¿Ucutumä jerupätöjä tä̧ji̧? Diosrö esetätö pi̧jä̧ ttö̧ja̧rö̧: “Ucu adiu jȩpö̧jä̧”, “Ucu suronä jȩpö̧jä̧” pättäcuotö. Ja̧'hua̧nö̧ ja̧'a̧ttö̧ ucutumä pi̧jä̧ ttö̧ja̧rö̧ päcuhuätucuäcua'a jö̧ttö̧mä̧, ja̧u̧ juäi ji̧'qui̧cha̧nö̧ ra̧huä̧rä̧cuä̧huä̧ huȩnȩ'i̧nä̧ ¿pä'ocotöjä tä̧ji̧ ucutumä?

Gálatas 1:15

Ja̧'hua̧nö̧ ja̧'a̧nä̧ chuhuäpächö juiyäi Dios ȩmi̧nä̧cu̧sä̧. Ja̧'hua̧ta̧nö̧ ttörö rö̧ȩnä̧ pä̧huä̧ rö̧jä̧cu̧ huoinäcusä. Juhuorö'inä churutä pä̧huä̧ rö̧jo̧mȩnä̧, I̧tti̧rö̧ chu̧huo̧jua̧ pä'ö hueinäcusä, judíos huocotö ttö̧'quȩtȩ suronä jȩttö̧ jȩpö̧ icu huȩnȩ jidähuiyatö pä'ö. Dios ttörö ja̧'hua̧nö̧ hueomenä, korotöcu ucuocuäcuähuocö pi̧nö̧sä̧.

Gálatas 4:8

Pä'äjimä Diosrö cu̧huo̧juä̧tu̧cu̧ juiyäimä, ttu̧mö̧nä̧ adicuä, ttö̧ja̧ i̧sa̧ a̧'u̧cuä̧ adicuä, esetäcuähuä ttö̧ja̧ pi̧nä̧tö̧jä̧. Ja̧u̧ ä'coji cuesetinätucumä yoröiso Diosmäcö̧.

Efesios 1:9

Ja̧'hua̧ta̧nö̧ churutä pä̧huä̧ rö̧jo̧mȩnä̧ chutä jȩa̧ pä'ö amöcuädinö huȩnȩ, tu̧huo̧jua̧ pä'ö iyinä̧u̧jä̧.

Efesios 3:10

Ja̧'hua̧nö̧ 'cuäopina'ado jitä o'ca toi'önä pi̧jä̧ isoppanä ka̧cuä̧tö̧ hue'ähuotömä Diosrö esetätörö topö, ttu̧huo̧jua̧ pä'ö o'ca juiyönä Dios u̧huo̧ju̧mä̧.

Colosenses 1:19

Diosmä ja̧'hua̧nö̧ hue'inö I̧tti̧rö̧, chutä jö̧ ta'anö ö̧ja̧ pä'ö.

Hebreos 1:14

O'ca toi'önä ángelesmä, espíritus tta'attö, Dios hueötä jȩpä̧tö̧do. Dios ȩmi̧nä̧u̧ru̧ ttesetarö pä'ö ppättäda pä'ö hue'ähuotödo.

Hebreos 2:3

Ttö̧ja̧ suronä jȩttö̧ jȩpö̧ icu huȩnȩ, adihuä huȩnȩ töarodöttömä, ¿tta̧'a̧nö̧ jȩpö̧ tö̧ja̧cui̧'ä̧tu̧cuä̧cua̧'a̧jä̧ttö̧? Ja̧u̧tä̧ Tu̧ru̧hua̧, pi̧yȩ ttö̧ja̧ suronä jȩttö̧ jȩpö̧ icu huȩnȩtä̧ äcuomenä ji'ähuinödo. Ä̧ju̧cui̧nä̧tö̧mä̧, Tu̧ru̧hua̧ päinö ta'anö 'cuäopa'a topö, ji'ähuinätö ujuturu ja̧u̧ huȩnȩ.

Hebreos 7:25

Ja̧'hua̧nö̧ ja̧'a̧ttö̧ ja̧u̧ru̧ esetö, Diosrö tö'cöpächätörö suronä jȩttö̧mä̧ jȩpö̧ icu. Ja̧u̧ 'cuäopönä kö̧, Diosrö ucuocua pä'ö jahuätörö.

Santiago 4:4

Ucutu ttö̧ja̧ suropätö, ucutu unichi'ätöjä Diosrö, pi̧jä̧ jähuä amöcuädö. ¿Jerupätöjä tä̧ji̧? Pi̧jä̧ ahuaruhuä päi'önä ka̧cuä̧tö̧mä̧ Dios aboiyotö. O'ca toi'önä pi̧jä̧ ahuaruhuä päi'önä amöcuädätömä Dios aboiyotö pä'i'ätö.

Santiago 5:15

Diosrö esetö ttucuocuomenä, na̧'ä̧chö̧mä̧ ö̧'i̧pä̧cua̧. Dios ja̧u̧ na̧'ä̧chö̧rö̧ aditö i̧cuä̧cua̧. Suronä jȩi̧nö̧ttö̧mä̧, jȩpö̧ icu Diosmä.

Santiago 5:20

Amöcuädätucui. A̧hua̧ru̧hua̧ o'ipö ucuocuäji o'ca'a ppa̧huä̧chö̧ttö̧mä̧, a̧'cua̧rö̧ 'corupäi'äcuähuättö ö̧ji̧pa̧ pä'ö ppä'ädö. Ja̧'hua̧ta̧nö̧ ja̧u̧ re'tehuächäjirö o'ipäjimä, recuätörö ppä'ädö Dios suronä jȩttö̧ töcö icua pä'ö.