1 Corintios 1:20 - TÄ̧DO Ä̧CUÄ̧ I̧HUȨNȨ

²⁰ ¿Tȩnȩjä̧ttö̧ pi̧jä̧ttö̧ huo̧juä̧huä̧ i̧sa̧mä̧? ¿Tȩnȩjä̧ttö̧ pi̧jä̧ttö̧ huo̧juȩcuä̧ i̧sa̧mä̧? ¿Tȩnȩjä̧ttö̧ pi̧jä̧ttö̧ ucuocuäcuähuä i̧sa̧mä̧? Pi̧jä̧ttö̧ huo̧juä̧huä̧ ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ jȩpi̧nö̧do Dios.

Nuevo Testamento Uwotjüja

²⁰ ¿Tó tti̧rȩbȩä̧kuä̧wi̧nä̧ttü̧ wo̧juä̧wä̧ kku̧nä̧ri̧nä̧tü̧mä̧, wo̧juȩkuä̧ isotü pinä̧tü̧mä̧, pi̧jä̧ jäwä ukuokui'enä̧tü̧mä̧? ¡Dio-mä̧, pi̧jä̧ ttü̧ja̧ ttu̧wo̧juö̧ jerutu ikuinä̧u̧ ja̧'a̧!

1 Corintios 1:20 ပူးပေါင်းရင်းမြစ်များ

San Mateo 13:22

Koro so̧ä̧'cua̧nä̧ ma̧ä̧chi̧nö̧mä̧, korotö Dios i̧huȩnȩ ttä̧ju̧cuo̧mȩnä̧, pi̧jä̧ jähuä rö̧ȩnä̧ amöcuädätö jä̧'i̧nö̧'a̧nö̧ huotö. Ja̧u̧ juäi o'ca juiyönä rȩä̧cha̧'a̧ Dios i̧huȩnȩ ttesetomenä. U̧huä̧ju̧ jui'ätö.

San Juan 12:31

Jitä pä̧nä̧ pi̧jä̧ ttö̧ja̧rö̧ päcua'a̧nö̧. Ja̧'hua̧ta̧nö̧ jitä pi̧jä̧nä̧ hue'örö do'opö icuäcua'a̧nö̧.

Hechos 17:18

Korotö epicúreos huotö ttu̧huo̧juȩti̧nö̧ huo̧jui̧pä̧tö̧mä̧, korotö estoicos huotö ttu̧huo̧juȩti̧nö̧ huo̧jui̧pä̧tö̧mä̧ Pablorö ucuocuinätödo. Korotö pä'inätödo: —¿Däje jiähua'ajä̧ttö̧, pide ujuturu rö̧ȩnä̧ ucuocumä? Korotö pä'inätödo: —Korotö ttä̧do̧ ä̧cua̧tö̧ hueähuä huȩnȩ ucuocu a̧'cua̧ra̧'a̧. Ja̧'hua̧nö̧ pä'inätö Jesús i̧huȩnȩ'i̧nä̧, ttoächäcuähuä huȩnȩ'i̧nä̧ Pablo ucuocua'attö.

Romanos 1:20

Dios pi̧jä̧ aditinö o'ca'a, pi̧jä̧ ttö̧ja̧ topö huö̧juä̧tö̧ Dios ujuru yoröiso beipächocö pä'ö. Ja̧'hua̧ta̧nö̧ huo̧juä̧tö̧ Dios iso päi'önä kö̧ pä'ö. Dios ujuru'inä, ö̧ja̧'a̧'i̧nä̧ tottoca'anä, iso päi'önä kö̧ pä'ö huo̧juä̧tö̧. O'ca juiyönä Dios aditinö topö, ja̧'hua̧nö̧ huo̧juä̧tö̧ pi̧jä̧ ttö̧ja̧. Ja̧'hua̧nö̧ ja̧'a̧nä̧ jitötä tta̧'cua̧ ko̧mȩnä̧ jȩpä̧tö̧.

Romanos 1:22

Ja̧'hua̧ta̧nö̧ huo̧juä̧tö̧jä̧ pätta'anä, yoröiso ttu̧'ȩpä̧ro̧co̧tö̧.

1 Corintios 1:19

Ja̧'hua̧ta̧nö̧ Huȩyu̧cuä̧ Huȩnȩ päa'a: Pi̧jä̧ttö̧ huo̧juä̧huä̧ be'epäjipö chi̧cuä̧cua̧sä̧. Pi̧jä̧ttö̧ rö̧ȩnä̧ amöcuädäcuähuä pporädö chi̧cuä̧cua̧sä̧.

1 Corintios 1:26

Chö̧jä̧hua̧tö̧, amöcuädätucui, Dios huoinä̧u̧jä̧ ucutu. Ucututtu a̧'u̧cu̧nä̧tä̧ huo̧ju̧nä̧ huo̧juä̧tö̧jä̧ pi̧jä̧ttö̧ huo̧juä̧huä̧. Ja̧'hua̧ta̧nö̧ ucututtu a̧'u̧cu̧nä̧tä̧ hue'ähuotöjä. Ja̧'hua̧ta̧nö̧ ucututtu a̧'u̧cu̧nä̧tä̧ pi̧jä̧ttö̧ ucuotäcuähuä ttö̧ja̧jä̧.

1 Corintios 1:27

Pärocua'acu Dios ȩmi̧nö̧do pi̧jä̧ttö̧ rö̧ȩnä̧ huo̧juo̧co̧tö̧rö̧, korotö pi̧jä̧ttö̧ huo̧ju̧nä̧ huo̧juä̧tö̧ ttödäpecua pä'ö. Ja̧'hua̧ta̧nö̧ pi̧jä̧ttö̧ juiyupätörö'inä ȩmi̧nö̧do Dios, pi̧jä̧ttö̧ juruhuätö ttödäpecua pä'ö.

1 Corintios 1:28

Ja̧'hua̧ta̧nö̧ Dios ȩmi̧nö̧do pi̧jä̧ ttö̧ja̧ ttöjö'coco̧u̧ru̧, usurä isotörö, pi̧jä̧ ttö̧ja̧ adiu a̧'cua̧rö̧nä̧ jȩttö̧ be'epäjipö tticua pä'ö.

1 Corintios 11:32

Ja̧'hua̧nö̧ ja̧'a̧nä̧ Tu̧ru̧hua̧mä̧ ujuturu ka̧cuä̧mö̧ tomenä, ujuturu adiu ro̧'ȩpö̧, pi̧jä̧ ttö̧ja̧ ro̧ȩcuȩ 'cuätopö juiya pä'ö.

1 Corintios 2:6

Ja̧'hua̧ta̧nö̧ ujutumä huo̧ju̧nä̧ ucuocuätöjä korotöcu, Diosrö rö̧ȩnä̧ esetätöcu. Juhuorö'inä ujutumä pi̧jä̧ ttö̧ja̧ ttucuocu'inä, pi̧jä̧ ruhuotö ttucuocu'inä ucuocuocotöjä. Jahuätömä bettipächäcuotö.

1 Corintios 2:8

Pi̧jä̧ ruhuotömä yoröiso jerupinätödo pi̧yȩ huȩnȩ. Iso päi'önä ttu̧huo̧jui̧nö̧ttö̧mä̧, adihuä Tu̧ru̧hua̧rö̧ cuä'ö icuocotö pi̧na̧ja̧tö̧.

1 Corintios 3:18

Ja̧'hua̧ ji̧yä̧cu̧ yapareu cuamöcuädätucuä' cuamönätucunä. Ucututtu ya̧tȩ pi̧jä̧ttö̧ rö̧ȩnä̧ huo̧jua̧sä̧ pä'ö amöcuädöttömä, ja̧u̧ juäi jaroi'a pä'ö ya̧tȩ jȩru̧pa̧ ta'anö juo'ächö, adihua'a. Ja̧'hua̧nö̧ jȩpö̧ iso päi'önä adihuä juäi huo̧juä̧huä̧ u̧huo̧jui̧'ä̧cua̧'a̧nö̧.

1 Corintios 3:19

Dios ä'ca jo̧mȩttö̧ pi̧jä̧ttö̧ huo̧juä̧huä̧ yoröiso ttu̧'ȩpä̧ro̧co̧tö̧ ttucuocu'a̧nö̧ jö̧. Huȩyu̧cuä̧ Huȩnȩ päa'a: “Pi̧jä̧ ttö̧ja̧ pi̧jä̧ttö̧ rö̧ȩnä̧ ttu̧huo̧jua̧'a̧nä̧ jȩpö̧, Dios jȩä̧u̧ jitötä tta̧mö̧nä̧ jȩpö̧ tottei'a pä'ö.”

1 Corintios 6:2

¿Ucutumä jerupätöjä tä̧ji̧? Diosrö esetätö pi̧jä̧ ttö̧ja̧rö̧: “Ucu adiu jȩpö̧jä̧”, “Ucu suronä jȩpö̧jä̧” pättäcuotö. Ja̧'hua̧nö̧ ja̧'a̧ttö̧ ucutumä pi̧jä̧ ttö̧ja̧rö̧ päcuhuätucuäcua'a jö̧ttö̧mä̧, ja̧u̧ juäi ji̧'qui̧cha̧nö̧ ra̧huä̧rä̧cuä̧huä̧ huȩnȩ'i̧nä̧ ¿pä'ocotöjä tä̧ji̧ ucutumä?

Santiago 4:4

Ucutu ttö̧ja̧ suropätö, ucutu unichi'ätöjä Diosrö, pi̧jä̧ jähuä amöcuädö. ¿Jerupätöjä tä̧ji̧? Pi̧jä̧ ahuaruhuä päi'önä ka̧cuä̧tö̧mä̧ Dios aboiyotö. O'ca toi'önä pi̧jä̧ ahuaruhuä päi'önä amöcuädätömä Dios aboiyotö pä'i'ätö.