1 Corintios 1:10 - TÄ̧DO Ä̧CUÄ̧ I̧HUȨNȨ

¹⁰ Chö̧jä̧hua̧tö̧, Tu̧ru̧hua̧ Jesucristo i̧mi̧nä̧ pä'ösä ucuturu, yoräteunä amöcuädätucui. I̧mi̧cu̧nä̧ cuamöcuädätucuä'. Ja̧'hua̧ ji̧yä̧cu̧ pä'ösä, adiu ji̧nä̧ yo̧mȩtȩ amöcuädö ka̧cuä̧tu̧cui̧ yoräteunä.

Nuevo Testamento Uwotjüja

¹⁰ Chawaruwä chi̧jä̧wa̧tü̧, Tu̧ru̧wa̧ Jesucrito i̧mi̧nä̧ ukuturu jä'epüsä, o'katoi'ünä̧ ji̧nä̧ ji̧yȩtȩnä̧tä̧ amükuädü jȩ'kuä̧tu̧kua̧ pä'ü, i̧mi̧ku̧nä̧ 'kȩ'i̧pä̧chü̧ amükuädäkuäwä juiyünä̧. Ji̧nä̧ ji̧yȩtȩnä̧tä̧ kka̧ku̧, adiwomȩnä̧ amükuädü jȩpä̧tu̧kui̧.

1 Corintios 1:10 ပူးပေါင်းရင်းမြစ်များ

San Mateo 9:16

“Ja̧'hua̧ta̧nö̧ pö̧jä̧ta̧mä̧ täbo i̧sä̧ta̧nä̧ ja̧rȩä̧ta̧mä̧ becuocö. Ja̧'hua̧nö̧ be'epö serächi'omenä, juhua'a yabocutä serächi'ö.

San Marcos 2:21

“Ja̧'hua̧ta̧nö̧ pö̧jä̧ta̧mä̧ täbo i̧sä̧ta̧nä̧ ja̧rȩä̧ta̧mä̧ becuocö. Ja̧'hua̧nö̧ be'epö serächi'omenä, juhua'a yabocutä serächi'ö.

San Marcos 3:24

Ya̧tȩ ru̧hua̧mä̧ chutä umöhuäyotöcu örohuäuttumä, yoröiso recuo ko̧cö̧.

San Juan 10:19

Judíos ttö̧ja̧ ja̧u̧ huȩnȩ ttä̧ju̧cuo̧mȩnä̧, ji̧nä̧ yo̧mȩtȩnä̧ amöcuädocotö pi̧nä̧tö̧do.

San Juan 17:23

Ucumä ttöcu cu̧ja̧'a̧nä̧, ttömä jahuätöcu kö̧sä̧, adiunä ji̧nä̧ ji̧yȩtȩ pätti'a pä'ö. Ja̧'hua̧nö̧ ja̧'a̧ pi̧jä̧ ttö̧ja̧ jahuätörö topö, iso päi'önä ttörö huecuhuina'a ttu̧huo̧juä̧cua̧'a̧nö̧. Ja̧'hua̧ta̧nö̧ ttörö repecu ta'anö, jahuätörö'inä repecuhua'a ttu̧huo̧juä̧cua̧'a̧nö̧.

San Juan 7:43

Ja̧'hua̧nö̧ pättomenä, yoröiso ji̧nä̧ yo̧mȩtȩnä̧ amöcuädocotö pi̧nä̧tö̧do Jesúsru.

San Juan 9:16

Ja̧'hua̧ ja̧'a̧ttö̧ fariseos huotöttö korotö pö̧nä̧ pä'inätödo: —Ja̧'hua̧nö̧ jȩpä̧ji̧mä̧, Dios huȩ'ä̧hua̧mä̧cö̧. Ja̧u̧mä̧ ttö̧ja̧ 'cuättächi'ö mo̧ro̧ ucuotocö. Korotömä pä'inätödo: —Ya̧tȩ suronä jȩpö̧mä̧, ¿ja̧'hua̧nö̧ ttö̧ja̧ ttieru juäi jȩpö̧ tä̧ji̧? Ja̧'hua̧nö̧ pättomenä, yoröiso ji̧nä̧ yo̧mȩtȩnä̧ amöcuädocotö pi̧nä̧tö̧do.

Hechos 4:32

Jesucristorö esetätömä o'ca toi'önä ji̧nä̧ ji̧yȩtȩ amöcuädinätödo. Ya̧tȩ u̧ju̧nä̧rö̧'i̧nä̧ “Ttötä chöäre” pä'ocö pi̧nö̧do. O'ca toi'önä ttöäre ji̧nä̧ ji̧yȩtȩ jȩpi̧nä̧tö̧do.

Romanos 1:13

Chö̧jä̧hua̧tö̧, ucuturu jidähua pä'ösä. 'Cuäopönä ucuturu topö chicha päda'anä, ji̧nä̧ chichö juiyönä jä̧cu̧sä̧. Chicha pä'ösä ppädäda pä'ö ucuturu, cu̧ja̧cuä̧tu̧cuo̧mȩttö̧ yotöte tteseta pä'ö, koromettö ppädädinö'a̧nö̧.

Romanos 12:1

Ja̧'hua̧nö̧ ja̧'a̧ttö̧ ttö chö̧jä̧hua̧tö̧, Dios ujuturu re rö̧jö̧nä̧ toa'attö, pä'ösä ucuturu: Sacrificios päi'önä ttiya'a jä̧'i̧nö̧'a̧nö̧ iyäcuähuätucui Diosrö ji̧nä̧ cua̧'cua̧rä̧i̧. Churutä pä̧huä̧ rö̧jö̧tä̧ jȩpä̧tu̧cui̧, chutä esehuäcua'a̧nö̧ ucuturu. Adiu amöcuädätömä, ja̧'hua̧nö̧ jȩttö̧'a̧nö̧ ja̧'a̧.

Romanos 12:16

Ji̧nä̧ yo̧mȩtȩ amöcuädö ka̧cuä̧tu̧cui̧ korotö korotöcu. Korotöttö'inä abonänö adihuä i̧sa̧sä̧ pä'ö päcuhuätucuä'. Usurä isotö ttamöcuädö'a̧nö̧ amöcuädätucui. Korotöttö'inä abonänö huo̧jua̧sä̧ pä'ö cuamöcuädätucuä'.

Romanos 15:30

Chö̧jä̧hua̧tö̧, Espíritu Santo ujuturu repeähuä iyä̧u̧ ucuturu pä'ösä Tu̧ru̧hua̧ Jesucristorö esetö ttörö cucuocuätucua pä'ö Diosrö, ttörö ppäda pä'ö.

Romanos 16:17

Chö̧jä̧hua̧tö̧, adiu ttu̧ȩcuä̧nä̧ topö cu̧ja̧cuä̧tu̧cua̧ pä'ösä korotö korotörö 'quȩ'ȩpä̧tö̧rö̧'i̧nä̧, surojöcu ma̧ttä̧cha̧ pä'ö jȩpä̧tö̧rö̧'i̧nä̧. Jahuätö jȩttö̧mä̧ ucutu cu̧huo̧jui̧'i̧nä̧tu̧cu̧ttu̧'i̧nä̧ i̧mi̧cu̧nä̧ jö̧. 'Quȩ'ȩcuä̧chä̧tu̧cui̧ jahuätöttö.

1 Corintios 1:11

Chö̧jä̧hua̧tö̧, ja̧'hua̧ta̧nö̧ Cloé kahuaruhuä ttörö ji'ähuinätö rohuäcuähuä huȩnȩ ka̧cua̧'a̧ ucutu cu̧'quȩtȩtu̧cu̧nä̧ pä'ö.

1 Corintios 11:18

Äcuomenä korotö pä'ätö ttörö ucuturu: “Ppäsähuipö ttucuocuomenä, ka̧ra̧'i̧nä̧ ka̧ra̧'i̧nä̧ i̧mi̧cu̧nä̧ amöcuädä'chö jȩpä̧tö̧ jahuätömä.” “Iso päi'önä pä'ätö a̧'cua̧ra̧'a̧” pä'ösä ttömä.

1 Corintios 12:25

O'ca juiyönä jättäpäyotö jähuä yoräteunä tta̧tä̧rä̧cuä̧hua̧ pä'ö aditinödo. O'ca juiyönä jättäpäyotö jähuä ji̧nä̧ yo̧mȩtȩnä̧ adiu jȩpö̧ ttö̧ja̧cua̧ pä'ö aditinödo.

1 Corintios 3:3

Ucutumä ji̧nä̧ cuamönätucu jähuätä amöcuädätöjä. Ucutumä jȩcu̧'ä̧tu̧cu̧tä̧ jȩcu̧'ä̧tu̧cuo̧mȩnä̧, i̧mi̧cu̧nä̧ amöcuädö, rohuähuä'chö, ji̧nä̧ yo̧mȩtȩ cuamöcuädätucuoca'a, korotö ttö̧ja̧ jȩttö̧'a̧nö̧ jȩpä̧tö̧jä̧.

1 Corintios 4:16

Ja̧'hua̧nö̧ ja̧'a̧ttö̧ ttö pä'ösä ucuturu, ttö cuedächö'a̧nö̧ cue'ächätucui.

2 Corintios 10:1

Ttö Pablo, ucuturu repe'önö Cristo adihuä juäi iyö amöcuädö pä'ösä. Korotö pä'ätö ttörö ucutucu chö̧jo̧mȩnä̧, jä̧rö̧nä̧tä̧ usurä i̧sa̧ ta'anö kö̧sä̧. Ja̧'hua̧ta̧nö̧ ucututtu oto kara'a chö̧jo̧mȩnä̧, pä̧i̧cu̧nä̧ ucuocu jȩpö̧sä̧ pä'ätö korotömä.

2 Corintios 13:11

Jitämä chö̧jä̧hua̧tö̧, Diosrö pä̧huä̧ rö̧jo̧mȩnä̧, adiu cu̧ja̧cuä̧tu̧cua̧ja̧. Esehuätucui. Ji̧nä̧ ji̧yȩtȩ amöcuädö ka̧cuä̧tu̧cui̧. Ja̧'hua̧nö̧ jȩpö̧ Dios, eseäcuähuä'inä, repeähuä'inä iyömä, ucutucu ö̧jä̧cua̧.

2 Corintios 13:9

Ja̧'hua̧nö̧ ja̧'a̧ttö̧ ujutu tijuiyuhuomenä, topö esehuätöjä ucuturu cujuruhuiyätucuä̧u̧. Ja̧'hua̧ta̧nö̧ 'cuäopönä Diosrö tucuocuäcuotöjä adihuä juäitä jȩpö̧ Diosrö pä̧huä̧ rö̧jo̧mȩnä̧ cu̧ja̧cuä̧tu̧cua̧ pä'ö.

2 Corintios 5:20

Ja̧'hua̧nö̧ ja̧'a̧nä̧ Cristo hueä̧u̧ ji'äu ichinätöjä. Ja̧'hua̧ta̧nö̧ ujutu jitähuomenä, Dios ucuturu ucuocua'a jä̧'i̧nö̧'a̧nö̧ ja̧'a̧. Ja̧'hua̧nö̧ ja̧'a̧nä̧ Cristonä pä'ätöjä ucuturu, Diosrö esehuätucui ucutu'inä.

2 Corintios 6:1

Jitämä Dios aditähuä ji̧nä̧ yo̧mȩtȩ tadita'attö, pä'ätöjä ucuturu, “Dios adihuä juäi iyinömä, jarocuhui'ätucuä'”.

Gálatas 4:12

Chö̧jä̧hua̧tö̧, ttö pä'ösä ucuturu, ttö jö̧ ta'anö cu'ätucua pä'ösä. Ttömä ucutu jö̧ ta'anö hua̧sä̧. Ucutumä ttörö suronä jȩpi̧nä̧tö̧jä̧ pä'ömä pä'ocösä.

Filipenses 1:27

Ucutumä adiu ka̧cuä̧tu̧cui̧ 'cuäopönä, Cristo i̧huȩnȩ päö ta'anö. Ja̧'hua̧nö̧ cu̧ja̧cuä̧tu̧cuo̧mȩnä̧, ucuturu pä'äji ta'anö tochöttö'inä, tochö juiyöttö'inä, jittähua'a chä̧ju̧cua̧ pä'ösä ucuturu, adiu ji̧nä̧ yo̧mȩtȩ ttami 'qui'ächi'ö Dios i̧huȩnȩ esetö, adiu surojöcu rohuäu, ji'ähuätö pä'ö.

Filipenses 3:16

Ja̧'hua̧nö̧ ja̧'a̧nä̧ jitämä ji̧nä̧ ji̧yȩtȩ tesetinö amöcuädö juhua'a yabonö jȩtä̧tu̧cua̧ja̧.

1 Tesalonicenses 5:13

Jahuätö ttaditähuä topö, ucuotönö repe'ätucui jahuätörö. Cua̧'cua̧ adiunä ka̧cuä̧tu̧cui̧ korotöcu.

2 Tesalonicenses 2:1

Jitä tö̧jä̧hua̧tö̧, Tu̧ru̧hua̧ Jesucristo ichomenä, chutäcu tö̧jä̧cuȩ huȩnȩ amöcuädö pä'ätöjä ucuturu.

1 Timoteo 5:21

Dios ä'ca jo̧mȩttö̧, Tu̧ru̧hua̧ Jesucristo ä'ca jo̧mȩttö̧, chutä ȩmi̧nä̧u̧ ángeles ttä'ca jo̧mȩttö̧ pi̧yȩ huȩnȩ cu̧huo̧juȩta̧ pä'ö hue'ösä ucuru. Ka̧ra̧rö̧ ka̧ra̧ttö̧'i̧nä̧ abonänö adihuä i̧sa̧ pä'ö cuamöcuädä'.

2 Timoteo 4:1

Dios ä'ca jo̧mȩttö̧'i̧nä̧, Tu̧ru̧hua̧ Jesucristo ä'ca jo̧mȩttö̧'i̧nä̧ pi̧yȩ huȩnȩ jicuhuähua pä'ö hue'ösä ucuru. Chutä Tu̧ru̧hua̧ Jesucristo ji̧nä̧ ka̧cuä̧tö̧rö̧'i̧nä̧, 'corupä'i'inätörö'inä: “Ucumä adiu jȩpi̧nö̧jä̧”, “Ucumä suronä jȩpi̧nö̧jä̧” päa pä'ö ru̧hua̧ päi'önä i̧chä̧cua̧.

1 Pedro 2:11

Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.