Yokanatkalune Kamrure 10:41 - Yine: Gerotu Tokanchi Gipiratkaluru

⁴¹ Gi wa pejnuruneko yine yegi rapoka, seyni gipgujtatachinyegipje, wa Goyakalu muchikawa tsomitanune, wa wixa Waleyma nikachinwu ga wa girachinwu rapyegita, rali yotunremtinitka gipnachinetskalaya.

Yokanatkalune Kamrure 10:41 ပူးပေါင်းရင်းမြစ်များ

Lokasu 24:30

Wane rixatka. Wannayma tuplanatini nikjetikowakaya, rawlo jimapro. Ruglenshinikanyegitlu. Jiknaglu. Reneksatna.

Lokasu 24:48

Gixni wa gipgujtatachinepgi tyepirana.

Kiglerpotunanu Tokanchi Kpashiri Gwa Yonatanru 14:17

Walenwa Giwekikaluru galikakpotunanu. Wale tyechijne gajene gi gimkata yoptoletanru, gi rixanu gi retluna. Gi koxa rumatluna. Gixa gimatlu gi rixanu gixa yegi rawa, ga wa gixa gitokote rawanu.

Kiglerpotunanu Tokanchi Kpashiri Gwa Yonatanru 14:19

Pshinitsonu tyechijne gajene gi getanutkano, ga wa gixa getanno, gi rixanu Gita giweka, ga wa gixa koxa giwekanu.

Kiglerpotunanu Tokanchi Kpashiri Gwa Yonatanru 14:22

Gota gi wa Giskaryotni wale, wane chinru, “Gitsrukaachi, ¿klunerni wa tye wa wixa yegi pupgujetinwa, gi wa tye psolchijne gajeneko yegi?”

Kiglerpotunanu Tokanchi Kpashiri Gwa Yonatanru 15:16

Gi wa gixa tsomitno Gita, seyni Gita tsomitgi gixa. Nutakgi gyinripa, kiglerkaka gkamrutinripa, ga wa gkamrutanrupa gwagognenatinripa, wa klunerukokta gagjityaplu Girchi ngiwakaya Wale genekangi.

Kiglerpotunanu Tokanchi Kpashiri Gwa Yonatanru 15:27

Wa gixa koxa gipgujtalewatanu gi rixanu nyinuwakinyakawa gimwano.

Kiglerpotunanu Tokanchi Kpashiri Gwa Yonatanru 21:13

Runa Geso. Koscheklu jimapro. Renekna. Waneko pixka rixlo shima.

Yokanatkalune Kamrure 1:22

Gwa katlewatiniyakawa wa wixyegiya tengogne yoptotikolgognepotunanuko. Satu nyi jejine rumkata gitakletikolupa Geso yotunotinri gipgujtatachripa.”

Yokanatkalune Kamrure 1:4

Waleyma rapatanatinna, Wale yokanatna Gerosale ma mushpakinitipnachi, seyni wane kagwakinrina Girchi gipiratanru “wa gixa yijnakotyano,” china,

Yokanatkalune Kamrure 10:39

“Wa wixni wa gipgujtatachinwu pejnurupirankakayako wa Gotechijne kamrutinri ga wa Gerosale. Wa Wale ruylatna. Ruxripkakluna gagmunashkitaya.

Yokanatkalune Kamrure 13:31

Gixgogne retkatnaka rukanikanuneya wa Kalileya kanikini Gerosale. Wannanwa yine yegi rupgujtatjene.