Gigwisone 5:19 - Yine: Gerotu Tokanchi Gipiratkaluru

¹⁹ Giynumsakakanu Goyakalu tokanu shikaleya, ga wa gimalwuru shikaleya, ga wa pimrikaka shikalchiya Giwekikaluruya. Nshikaletanru Gitsrukaachi ga wa gimalwujetanru gajiya.

Gigwisone 5:19 ပူးပေါင်းရင်းမြစ်များ

Matiyo 15:8

Nyi yine gispuyna kagwakpiratnona seyni rajiyna wajra yanna Gitaya.

Matiyo 26:30

Wa wanna shikaletinitkalu gimalwuru, rushpakamtatkana. Goliwa Magkate yana.

Yokanatkalune Kamrure 16:25

Ganikajyechno ragjigognetna Pawlo ga wa Sura. Goyakalu gimalwutikolu shikaletna. Wa gostutkalune yijnakotna.

1 Korintyone 14:15

Giyagni ¿klunerni? Giwekikaluru gitanu nagjigognetini, ga wa nonshinikanu koxa nagjigognetini. Giwekikaluru gitanu nshikalewatini, ga wa nonshinikanu koxa nshikalewatini.

1 Korintyone 14:26

Giyagni, nomolene, ¿klunerni? Wa gapatjetini gixa, satkaka waneya shikalchi. Ga wa satu waneya ginkaklewlu. Ga wa satu waneya gipgujetkaluru. Ga wa satu waneya patokanu. Ga wa satu waneya yokaklu. Pejnuruko kamrutikolupa ntseruwakanshinikanutikolupa.

Kolosane 3:16

Kristo tokanu gixa rawanu. Wane ponikowatinripa psoluko gimatkalewluya. Ginkakakanu ga wa giykokakanu Goyakalu tokanu shikaleya, ga wa gimalwuru shikaleya, ga wa pimrikaka shikalchiya Giwekikaluruya. Mpoyagnutinri nshikaletanru Goyakalu gixa gajiya.

Santiyako 5:13

¿Salewnege gixa yegi satu? Rumkata gagjigognereta. ¿Satu wane kiglenshinikanuru? Rumkata gimalwuru shikaletleta.

Gipgujetkaluru 5:9

Ga wa shikaletluna gerotu shikalchi. Wane chinna: Pumuknuni kiruka pyoptotinri ga wa pkotpukyaplu tupre kgimaxikolero. Gi rixanu giylatkaluryi ga wa pugragaya pupekotanna yine Goyakalu chinanu, panerumnunanukaya, ga wa patokanumnunanuka yanumatyachineyegiya, ga wa payinerumnunanukaya, ga wa pachijne gajenemnunanukaya.