2 Korintyone 3:12 - Yine: Gerotu Tokanchi Gipiratkaluru

¹² Giyagni tye pixkalutu wkagwakini, pgujetanuwaka wchina yanumsaleta.

2 Korintyone 3:12 ပူးပေါင်းရင်းမြစ်များ

Kiglerpotunanu Tokanchi Kpashiri Gwa Yonatanru 10:24

Giyagni sajrukluna Goteyone. Wane chinruna, “¿Giklunanu pali kojwakanshinikanretanwu? Wa Kristo pixinipa, punkakanwu pgujetanwaka.”

Kiglerpotunanu Tokanchi Kpashiri Gwa Yonatanru 16:25

“Tyekaka yapkaklu tokanchiya nunkakgi. Wa gipapko ginanu, gi wa yapkaklu tokanchiya nunkakangi. Seyni pgujetanwaka nunkakangi Girchipirana.

Kiglerpotunanu Tokanchi Kpashiri Gwa Yonatanru 16:29

Wane chinruna yimaklene, “Petanu. Xani pgujetanuwaka pchina yanumsaleta. Gi satuna yapkaklu pchina.

Yokanatkalune Kamrure 14:3

Giyagni gi gepikgogne wane rawna. Pgujetanuwaka china ginkakletna Gitsrukaachi chinanu. Wale gipgujtajetlu tokanchi Gitsrukaachi gimutlewleyapirana. Renekna getkalurkaka, koglajrukaka. Wannamyoya wane rixika.

Yokanatkalune Kamrure 4:13

Retkana pgujetanuwaka china ginkakletna Petro ga wa Gwa. Rumatkana jejine kiruka myimaakone, mumatkanni. Giyagni rumatkana wa Gesoyma rawanatinrina. Tsrukakalune giglajita.

Yokanatkalune Kamrure 9:27

Giyagni Wirnawisi gwaplu. Raniklu yokanatkalune yegi. Runkakna gi rixpoko Sawolo getletlu Gitsrukaachi gatnugapoya, ga wa Gitsrukaachi giynumatyawaklu. Runkaakoxna wa Tamasko Sawolo ginkaklewatya pgujetanuwaka Geso giwakaya.

Yokanatkalune Kamrure 9:29

Wale gigjetna Kriykone tokanu yanumatyachine. Ruylatmakluna.

1 Korintyone 14:19

Seyni wa gapatjetikowakaya nalukmaklu pamyo tokanchi nchininripa nonshinikannuya wa pimrine nunkaklewyegitinripmaka, pamole waragka tokanchi pnute paneru tokanuya nchininripmaka.

2 Korintyone 10:1

Gitakni Pawlo gagjitgi, Kristo mayognuteya ga wa shinikannuya. Wa gixastsi galikakni giyagolutno. Seyni pnu nwini ntseruwanshinikanyegitgi.

2 Korintyone 3:11

Gi rixanu wa kpogirewle rixini wa nikawnananumtachri kapokotkaka, pnute kpogirewle potu rixa wa gwagognenatachripatka.

2 Korintyone 4:13

Wane chinyongatyawaka: Nalixa. Giyagni nyanumsata. Waneko pixka wixanshinikanuta. Wixa koxa galixa. Giyagni koxa wyanumsata.

2 Korintyone 7:4

Pgujetanwaka potu nchina yanumsayegletgi. Ntserpiranawyempotutgi. Numnanukpotutka. Tsru potu gimuwlu wixa psoluyako wsalewninri.

Wilipone 1:14

Ga wa gixo potu moletkakachine Gitsrukaachinune gaponshinikanutlu Goyakalu gita gostutikolu chinanu. Tseruwanshinikanutna runkakletyapatkaluna Goyakalu tokanu mpiikane.

Wilipone 1:20

Nalukyawakpotuko ga wa nkagwakanshinikanutyawakpotuko, wa gikena nupatewatanu, gi wa popiklerukno wa psolgogneko pixka ga wa xani koxa. Wane nixa wa Kristo tsru potu rixinripa nomaneya, ga wa nuwekinriyapa ga wa nupninriyapa.

Kolosane 4:4

Gagjitanru Goyakalu pgujetanuwaka nixa ginkakletyaplu tokanchi.

1 Tesalonikane 2:2

Seyni muchikawa wsalewnanatini Wilipoya ga wa wyenetka, wa gixa gimatyawaka. Gi wa popiklerunetkawu Goyakalu chinanu wa gixa yegi wunkakletyaplu Kiglerpotunanu Tokanchi Goyakalunu, tsru yagotluya.

1 Timotiyo 3:13

Gi rixanu kigle kamrurewlerune kiglerupiranyegirunni. Ga wa gi wa popikleruneko rixna wa Kristo Geso galixikoluya.

Wilimo 1:8

Giyagni Kristo chinanu ntseruwanshinikanuta ntowutyapmakyi wa pumkata wane gixleta.