1 Gwa 2:20 - Yine: Gerotu Tokanchi Gipiratkaluru

²⁰ Seyni gixa waneygi giyokyegitikolu Kpashiriya. Ga wa psoluko gimata. Gi wa gma mumatkalchinanru galikakpotunanu tokanchi nyonyegitgi,

1 Gwa 2:20 ပူးပေါင်းရင်းမြစ်များ

Matiyo 13:11

Rugita Geso. Wane chinna, “Gi rixanu wa gixa geneeka gimatyaplu giyogimanatkaluru tokanchi tengogne pogirewatyawakapirana, seyni wanna gi wa geneeka.

Marko 1:24

Wane china, “¡Ya! ¿Gi pixannatkawu Geso Nasare gajeru? ¿Puna pumtukpotutapyapwu? Numatyi Kpashiryi Goyakalunu.”

Lokasu 4:18

Gita rawa Gitsrukaachinu Giwekikaluru. Gi rixanu Wale tsomitno Kiglerpotunanu Tokanchi nenekyapna kwamonurune. Wale yokanatno kashikanotkalune yegi nunkakletyaplu gishpakikolupirana. Ga wa maygalene yegi, gimrekgalupirana. Nkoshpakyapna kapsakletkalune.

Lokasu 4:34

Wane china, “¡Ya! ¿Gi pixannatkawu Geso Nasare gajeru? ¿Puna pumtukpotutapyapwu? Numatyi katyi Pixa Kpashiryi Goyakalunu.”

Kiglerpotunanu Tokanchi Kpashiri Gwa Yonatanru 14:26

Wa Kgimnanukakleru, Giwekikaluru Kpashiri, wa Girchi yokanatanru Gita giwakaya, Wale gimatkakangi pejnurukopirana. Rushiniikakangi pejnurupiranako nunkakyagi.

Kiglerpotunanu Tokanchi Kpashiri Gwa Yonatanru 16:13

Wa runinipa galikaka potu Giwekikaluru Wale kosekangi pejnuruko Galikakpotunanu Tokanchi yegi. Gi rixanu gi Waleko rushinikanu runkakletanu, seyni wa yijnakotyalu pejnunanuka runkakletanu. Runkakangi ginachrikakapapirana.

Yokanatkalune Kamrure 10:38

Wa Geso, Nasare gajeru, wa Goyakalu Giwekikaluru Kpashiri gipkakyegitanru, ga wa giyaklu koxa. Wa Wale pnumnu yapananumta. Kigleru kamrunanumta: rutuukakna pejnuruneko tsru kamchi kapsakletanune, gi rixanu Waleymalu Goyakalu.

Yokanatkalune Kamrure 3:14

Gixa ginutatlu wa Kpashiri ga wa Poyagkakachri. Gixa gagjitlu genekikolupa kgiylalewakleru.

1 Korintyone 2:15

Wa Giwekikaluru waneyalutu psoluko rumata geta. Seyni gike gimata getlu wale.

Gewreyone 1:9

Pushiniklu poyagkaklewlu, ga wa payegixlu mukochri. Giyagni Goyakalu, Poyakalute, giyokgogotyi tsru gimjiklungi pupxalune pnute.

Gewreyone 8:11

“Gi wa satkaka yimakanru gipokchi gajeru, Gi wa satkaka gimoleneko, wane chinachrimka, ‘Pumatanru Gitsrukaachi’. Gi rixanu pejnuruneko gimatanutkano, mturu potu ga wa tsrupotuymananuko.

1 Gwa 2:27

Ga wa Geso Giwekikaluru Kpashiri giyokyegityagi gixa yegi rawa. Gi wa gmagatya satumka ginkakpokowakyegityapgi. Seyni giyokyegitikoluko wane rixa ginkakpokowakyegityapgi pejnurukopirana, ga wa Walenwa galikaka. Gi wa gayrokluni. Wa Wale ginkakpokowakako pixkagi, wane gixa gwaletanru Wale.

1 Gwa 4:13

Tye chinanu wumata Wale gawinri, ga wa wixa rawinri Wale, gi rixanu renekwu Giwekikaluru Walenu.

Gota 1:5

Muchinanu psoluyako gimatmakatkalu, seyni naluka gishinkapkakletgi, wa Gitsrukaachi Gigiptoya rognetkakinitkana rayinerutene, wanepnute malixkanni ruylata.

Gipgujetkaluru 3:7

“Wane pixa yonyegletanru Goyakalutowreru Wilatelgi gapatjetyachine chinanu: Tyepirankaka china wa kpashiri, wa galikakpotu, wa Tawi yoskekapre waneyalutu, wa kotpukachri ga wa gi satuna gishyatlu, ga wa gishyatachri ga wa gi satuna kotpuklu.

Gipgujetkaluru 4:8

Ga wa gepkoxamkoje giwekachri satkaka waneya patsrujiremeji. Gixo potu ygalchi waneyna psolumtako ga wa gimejimpuko. Ga wa psolgogneko psolyechnoko gi rapnanu wane chinretna: Kpashiri, kpashiri, kpashiri Gitsrukaachi Goyakalu, pejnuruko Girukotachri, wa muchikawluru ga wa wanerutu ga wa ginachripa.