اِنجِیل شریف (لُوقا) 9:52 - Mirpuri-Pahari Bible

⁵² اُنہاں کُجھ بندے آپے کولوں اَگے پہیجے۔ او جائی کے ریاست سماریہ نے اِک گرآں وِچ پُہنچے، تانکہ حضرت عِیسیٰ نے اچھݨے کولوں پہلے کُجھ تیاری کری کِہنݨ۔

اِنجِیل شریف (لُوقا) 9:52 ပူးပေါင်းရင်းမြစ်များ

اِنجِیل شریف (لُوقا) 10:1

فِر اِس تُوں بعد حضرت عِیسیٰ اپݨے صحابیاں وِچوں بَہَتّر (72) بندیاں کی دو دو نیاں جوڑیاں بݨائی کے آپے کولوں اگے اُنہاں گَرانواں وِچ پہیجیا جِتھے اُنہاں آپوں جاݨا سی۔

اِنجِیل شریف (لُوقا) 10:33

فِر اِسرح ہویا کہ ریاست سامریہ نا اِک بندہ وی اُتھوں گُزریا، جِنہاں نال بنی اسرائیلی لوک نفرت کرنے سݨ۔ جیہڑے ویلے اُس زخمی بندے کی تکیا تے اُس کی تَرَس آیا۔

اِنجِیل شریف (لُوقا) 17:11

فِر اِسرح ہویا کہ حضرت عِیسیٰ یرُوشلم شہر در جاݨے ویلے سامریہ تے گلِیل نے علاقیاں نی سرحد اپروں پئے جاݨے سݨ۔

اِنجِیل شریف (لُوقا) 17:16

اے بندہ، جیہڑا سامریہ قوم وِچوں سی، جیہڑے ویلے مُڑی کے آیا تے حضرت عِیسیٰ نے قَدماں وِچ ٹہی کے اُنہاں نا شُکر ادا کِیتا۔

اِنجِیل شریف (لُوقا) 7:27

حضرت یحییٰ او بندے اݨ جِنہاں نے بارے وِچ کلامِ پاک وِچ لِخیا وا، ’اے مہاڑا او پَیغمبر اَے جِسی میں تہاڑے اگے پہیجساں۔ او تہاڑے اچھݨے تُوں پہلے تہاڑے واسطے راہ تیار کرسی۔‘