اِنجِیل شریف (لُوقا) 9:48 - Mirpuri-Pahari Bible

⁴⁸ تے آخیا، ”یاد رَخو، جیہڑا بندہ مہاڑے ناں اپر اِیئے جہے بچّے کی قبُول کرنا اَے، اِس نا مطلب اے اَے کہ او مِکی قبُول کرنا اَے۔ تے جیہڑا مِکی قبُول کرنا اَے، حقیقت وِچ او بندہ اُس کی قبُول کرنا اَے جِس مِکی پیہجیا اَے۔ اِس واسطے تُساں وِچ جیہڑا کوئی ناچیز بݨسی، اُس نا مرتبہ بلند اَے۔“

اِنجِیل شریف (لُوقا) 9:48 ပူးပေါင်းရင်းမြစ်များ

اِنجِیل شریف (لُوقا) 10:16

فِر حضرت عِیسیٰ اپݨے صحابیاں کی آخیا، ”جیہڑا کوئی تُساں نی گل سُݨنا اے، او مہاڑی گل سُݨنا اے۔ جیہڑا تُساں کی رد کَرنا، او مِکی رد کَرنا۔ تے جیہڑا مِکی رد کَرنا، او مہاڑے پہیجݨے آلے کی رد کَرنا۔“

اِنجِیل شریف (لُوقا) 14:11

کِیئانکہ جیہڑا کوئی اپݨے آپ کی بڑا سمجھݨا اے، اُس نی تَذلیل ہوݨی اَے۔ تے جیہڑا کوئی عاجِز بَݨنا اے، اُسی عِزّت لبھݨی اَے۔“

اِنجِیل شریف (لُوقا) 22:26

پر تُساں وِچ اِسرح نی ہوݨا چاہی نا، بلکہ جیہڑا تُساں وِچ بڑا ہووے اُسی اِیئے جہیا ہوݨا چاہی نا اے کہ او ساریاں کولوں نِکا اَے۔ تے جیہڑا حاکم بݨنا اَے، اُسی خادم نی طرح ہوݨا چاہی نا اے۔

اِنجِیل شریف (لُوقا) 22:30

تانکہ مہاڑی بادشاہی وِچ تُساں وی مہاڑے نال کھاؤ پِیؤ بلکہ تُساں شاہی تختاں اپر بیہی کے بنی اِسرائیل نے باراں قبیلیاں نا اِنصاف کرو۔“

اِنجِیل شریف (لُوقا) 7:28

یاد رخو کہ دُنیا وِچ اَج تک جِتنے اِنسان وی پیدا ہوئِݨ، اُنہاں وِچوں حضرت یحییٰ تُوں بڑا درجہ کُسے نا وی نی۔ پر اُنہاں لوکاں نا درجہ جیہڑے مہاڑے اپر اِیمان آݨنے اݨ، حضرت یحییٰ کولوں وی بڑا ہوسی۔“