اِنجِیل شریف (لُوقا) 9:44 - Mirpuri-Pahari Bible

⁴⁴ ”مہاڑیاں گلاں غور نال سُݨو! اِبنِ اِنسان کی یعنی کہ مِکی، لوکاں نے حوالے کِیتا جاسی۔“

اِنجِیل شریف (لُوقا) 9:44 ပူးပေါင်းရင်းမြစ်များ

اِنجِیل شریف (لُوقا) 1:66

جِس وی بندے اے گل سُݨی او سوچاں وِچ پئی گیا، ”اے بچّہ بڑا ہوئی کے، کَے بݨسی؟“ کِیئانکہ اے گل تے صاف ظاہر سی کہ اللّٰہ تعالیٰ نی قُدرت اِس بچّے نال اَے۔

اِنجِیل شریف (لُوقا) 18:31

فِر حضرت عِیسیٰ اپݨے باراں صحابیاں کی الگ اِک پاسے بُلائی کے آخیا، ”مہاڑی گل سُݨو! ہُݨ اَساں یرُوشلم شہر در پئے جُلݨے آں، اُتھے او ساریاں گلاں پُوریاں ہوسݨ جیہڑیاں نبیاں، اِبنِ اِنسان نے یعنی مہاڑے بارے وِچ آخیاں سݨ۔

اِنجِیل شریف (لُوقا) 2:19

پر بی بی مَریم اُنہاں نیاں ساریاں گلاں اپر غور کرنی رہی، تے اپݨے دِلے وِچ رخی کِہندا۔

اِنجِیل شریف (لُوقا) 2:51

فِر حضرت عِیسیٰ اپݨے والدَین نال ناصرت شہر در واپس ٹُری گئے، تے اُنہاں نے تابعدار بݨی کے رہے۔ پر اُنہاں نی والدہ صاحبہ اے ساریاں گلاں یاد رخیاں۔

اِنجِیل شریف (لُوقا) 24:44

فِر حضرت عِیسیٰ اُنہاں کی آخیا، ”اے مہاڑیاں او گلاں اݨ جیہڑیاں میں تُساں کی اُس ویلے آخیاں سݨ جیہڑے ویلے میں تُساں نال ساں، کہ جو کُجھ مہاڑے بارے وِچ توراة شرِیف، زبُور شرِیف تے نبیاں نے صحِیفیاں وِچ لِخیا وا اے، او سارا لازمی پُورا ہوݨا سی۔“

اِنجِیل شریف (لُوقا) 9:22

فِر اُنہاں آخیا، ”اے تے لازمی اَے کہ اِبنِ اِنسان یعنی کہ میں دُکھ تے تکلیفاں تکاں، بنی اسرائیلی بڑے بَڈیرے، بڑے مذہبی پیشوا تے عُلمأ لوک مہاڑا اِنکار کرݨ، مِکی مَروائی شوڑݨ تے ترِیئے دیہاڑے اللّٰہ تعالیٰ مِکی زِندہ کری شوڑے۔“