اِنجِیل شریف (لُوقا) 9:43 - Mirpuri-Pahari Bible

⁴³ سارے لوک اللّٰہ تعالیٰ نی قُدرت تکی کے حَیران ہوئے۔ لوک حضرت عِیسیٰ نے مُعجزات کی تکی کے حَیرانگی نا اِظہار ہی پئے کرنے سݨ، کہ حضرت عِیسیٰ صحابیاں کی اپݨے بارے وِچ فرمایا،

اِنجِیل شریف (لُوقا) 9:43 ပူးပေါင်းရင်းမြစ်များ

اِنجِیل شریف (لُوقا) 18:43

اُسے ویلے اَنّہے نیاں اکھیاں ٹھِیک ہوئی گئیاں۔ او اللّٰہ تعالیٰ نا شُکر ادا کرنیاں کرنیاں حضرت عِیسیٰ نے پِچھے ہوئی گیا۔ اے گل تکی کے سارا ہجُوم اللّٰہ تعالیٰ نی حمد بیان کرن لغی گیا۔

اِنجِیل شریف (لُوقا) 4:36

اے گل تکی کے سارے لوک حَیران ہوئے، تے اِک دُوئے کی آخݨ لغے، ”اے بہُوں پُہنچی وی ہستی اَے! اے جِنّات کی حُکم کرݨا اَے، تے او اِس نا حُکم مننے اݨ!“

اِنجِیل شریف (لُوقا) 5:26

سارے لوک اے گل تکی کے حَیران ہوئی گئے، تے اللّٰہ تعالیٰ نی تعرِیف بیان کری کے آخݨ لغے، ”اَج اَساں بہُوں ہی عجیب مُعجزے تکے اݨ!“

اِنجِیل شریف (لُوقا) 5:9

اصل وِچ او تے اُنہاں نے سارے سَنگی اِتنیاں ساریاں مَچھیاں تکی کے بہُوں ہی حَیران ہوئی گئے سݨ۔

اِنجِیل شریف (لُوقا) 8:25

فِر حضرت عِیسیٰ اُنہاں کی آخیا، ”تُساں نے اِیمان کی کَے ہوئی گیا؟“ صحابی ڈری گئے تے حَیران ہوئی کے اِک دُوئے نال گلاں کرݨ لغے، ”اے کِیئَے جہیا بندہ اَے؟ ہوا تے پاݨی وی اِس نا حُکم مننے اݨ!“

اِنجِیل شریف (لُوقا) 9:42

جِس ویلے اُنہاں مُنڈے کی آندا، تے اُس اپر دورہ پئی گیا۔ جِنّے اُس کی پَرَتی کے زِیمی اپر سَٹیا۔ حضرت عِیسیٰ جِنّے کی جھِڑکی کے مُنڈے وِچوں کڈی شوڑیا، تے اُس کی اُسے ویلے ٹھِیک ٹھاک کری کے پِیؤ نے حوالے کِیتا۔