اِنجِیل شریف (لُوقا) 9:42 - Mirpuri-Pahari Bible

⁴² جِس ویلے اُنہاں مُنڈے کی آندا، تے اُس اپر دورہ پئی گیا۔ جِنّے اُس کی پَرَتی کے زِیمی اپر سَٹیا۔ حضرت عِیسیٰ جِنّے کی جھِڑکی کے مُنڈے وِچوں کڈی شوڑیا، تے اُس کی اُسے ویلے ٹھِیک ٹھاک کری کے پِیؤ نے حوالے کِیتا۔

اِنجِیل شریف (لُوقا) 9:42 ပူးပေါင်းရင်းမြစ်များ

اِنجِیل شریف (لُوقا) 7:15

او بندہ اُٹھی کے بہی گیا، تے گلاں کرݨ لغا۔ حضرت عِیسیٰ اُس کی اُس نی ماں نے حوالے کری شوڑیا۔

اِنجِیل شریف (لُوقا) 9:39

کوئی جِنّ اُس کی پغڑی کِہننا اَے، تے مُنڈا چیخاں مارنا اَے۔ جِنّ اُس کی مروڑی کے سَٹݨا اَے، تے اُس نے مونہے وِچوں چَہگ نِکلݨی شرُوع ہوئی جاݨی اَے۔ او جِنّ اُس کی سخت تکلِیف دیݨا اَے، تے بہُوں مُشکِل نال اُس کی چھوڑنا اَے۔

اِنجِیل شریف (لُوقا) 9:41

اے گل سُݨی کے حضرت عِیسیٰ آخیا، ”تُساں لوک کِتنے ہی بھٹکے وے او، تے اِیمان تُوں خالی او! میں کدُوں تک تُساں کول ہوساں؟ تے کدُوں تک تُساں نیاں گلاں برداشت کَرساں؟ مُنڈے کی مہاڑے کول آݨو!“

اِنجِیل شریف (لُوقا) 9:43

سارے لوک اللّٰہ تعالیٰ نی قُدرت تکی کے حَیران ہوئے۔ لوک حضرت عِیسیٰ نے مُعجزات کی تکی کے حَیرانگی نا اِظہار ہی پئے کرنے سݨ، کہ حضرت عِیسیٰ صحابیاں کی اپݨے بارے وِچ فرمایا،