اِنجِیل شریف (لُوقا) 9:30 - Mirpuri-Pahari Bible

³⁰ فِر اچانک دو بندے اُتھے آئے، تے حضرت عِیسیٰ نال گلاں کرݨ لغے۔ اے بندے حضرت مُوسیٰ تے حضرت اِلیاس سݨ۔

اِنجِیل شریف (لُوقا) 9:30 ပူးပေါင်းရင်းမြစ်များ

اِنجِیل شریف (لُوقا) 1:17

اے المسِیح تُوں پہلے اچھسی۔ تے اِس کی حضرت اِلیاس نی طرح اللّٰہ تعالیٰ نی طرفوں قوت تے صلاحیّت لبھسی۔ اے والدَین تے اولاد وِچ اِتفاق پَیدا کراسی، غُنہگاراں کی پرہیزگاراں نے رستے اپر آݨسی، تے اِسرح اپݨے ربّ واسطے نیک لوک تیار کرسی۔“

اِنجِیل شریف (لُوقا) 24:27

فِر حضرت عِیسیٰ اُنہاں کی اپݨے متعلق او ساریاں گلاں سمجھایاں جیہڑیاں توراة شرِیف وِچ تے صحائفُ الانبیاء وِچ لِخیاں گئیاں سݨ۔

اِنجِیل شریف (لُوقا) 24:44

فِر حضرت عِیسیٰ اُنہاں کی آخیا، ”اے مہاڑیاں او گلاں اݨ جیہڑیاں میں تُساں کی اُس ویلے آخیاں سݨ جیہڑے ویلے میں تُساں نال ساں، کہ جو کُجھ مہاڑے بارے وِچ توراة شرِیف، زبُور شرِیف تے نبیاں نے صحِیفیاں وِچ لِخیا وا اے، او سارا لازمی پُورا ہوݨا سی۔“

اِنجِیل شریف (لُوقا) 9:19

اُنہاں جواب دِتا، ”کُجھ آخݨے اݨ کہ ‌’اے حضرت یحییٰ اݨ‘، کُجھ آخݨے اݨ کہ ’حضرت اِلیاس اݨ‘، تے کُجھ آخݨے اݨ کہ ’پُراݨے زمانے نے نبیاں وِچوں کوئی دوبارہ زِندہ ہوئی گئے اݨ‘۔“

اِنجِیل شریف (لُوقا) 9:29

جیہڑے ویلے حضرت عِیسیٰ دُعا پئے کرنے سݨ تے اُنہاں نے چہرہ مُبارک نی حالت بدلی گئی، تے اُنہاں نے کپڑے چاندی نی طرح چمکݨ لغی پَے۔

اِنجِیل شریف (لُوقا) 9:31

اے دوئے وی بہُوں شان و شوکت وِچ سݨ، تے حضرت عِیسیٰ نی وفات نے بارے وِچ گلاں پئے کرنے سݨ جیہڑی یرُوشلم شہر وِچ پُوری ہوݨے آلی سی۔