اِنجِیل شریف (لُوقا) 9:18 - Mirpuri-Pahari Bible

¹⁸ اِک دیہاڑے اِسرح ہویا کہ حضرت عِیسیٰ کہلے دُعا کرنے سݨ تے اُنہاں نے صحابی اُنہاں نے نیہڑے سݨ - فِر حضرت عِیسیٰ اُنہاں کولوں پُچھیا، ”لوک مہاڑے بارے وِچ کَے آخݨے اݨ کہ میں کُݨ آں؟“

اِنجِیل شریف (لُوقا) 9:18 ပူးပေါင်းရင်းမြစ်များ

اِنجِیل شریف (لُوقا) 11:1

اِک واری اِسرح ہویا کہ حضرت عِیسیٰ کُسے جغہ دُعا پئے کرنے سݨ۔ جِس ویلے اُنہاں دُعا ختم کِیتی، تے اُنہاں نے صحابیاں وِچوں اِک صحابی اُنہاں کی آخیا، ”حضُور! جِس طرح حضرت یحییٰ اپݨے پَیروکاراں کی دُعا کرنا سِخایا اَے، تُساں وی اَساں کی سِخاؤ!“

اِنجِیل شریف (لُوقا) 3:21

اِس تُوں پہلے اِک دیہاڑے اِسرح ہویا سی کہ حضرت یحییٰ بہُوں ساریاں لوکاں کی پاک غُسل کروایا، تے حضرت عِیسیٰ کی وی پاک غُسل کروایا۔ جیہڑے ویلے حضرت عِیسیٰ دُعا کرنے پئے سݨ تے اُنہاں اپر آسمان نے پردے کُھلی گئے۔

اِنجِیل شریف (لُوقا) 6:12

اُنہاں دیہاڑیاں وِچ اِک واری حضرت عِیسیٰ اِک پہاڑ اپر دُعا کرنے واسطے گئے، تے پُوری رات دُعا کرنے رہے۔

اِنجِیل شریف (لُوقا) 9:19

اُنہاں جواب دِتا، ”کُجھ آخݨے اݨ کہ ‌’اے حضرت یحییٰ اݨ‘، کُجھ آخݨے اݨ کہ ’حضرت اِلیاس اݨ‘، تے کُجھ آخݨے اݨ کہ ’پُراݨے زمانے نے نبیاں وِچوں کوئی دوبارہ زِندہ ہوئی گئے اݨ‘۔“

اِنجِیل شریف (لُوقا) 9:28

اِنہاں گلاں تُوں تقریباً اَٹّھاں دیہاڑیاں بعد اِسرح ہویا کہ حضرت عِیسیٰ اپݨے نال حضرت پَطرس، حضرت یُوحنّا تے حضرت یعقُوب کی ہِݨی کے اِک پہاڑ اپر دُعا کرنے واسطے گئے۔

اِنجِیل شریف (لُوقا) 9:29

جیہڑے ویلے حضرت عِیسیٰ دُعا پئے کرنے سݨ تے اُنہاں نے چہرہ مُبارک نی حالت بدلی گئی، تے اُنہاں نے کپڑے چاندی نی طرح چمکݨ لغی پَے۔