اِنجِیل شریف (لُوقا) 9:16 - Mirpuri-Pahari Bible

¹⁶ فِر حضرت عِیسیٰ پنج روٹیاں تے دو مچھیاں کِہندیاں، تے آسمان در تکی کے اللّٰہ تعالیٰ نا شُکر ادا کِیتا۔ تے روٹیاں پہنی کے اپݨے صحابیاں کی دیݨے گئے، تانکہ لوکاں کی بنڈݨ۔

اِنجِیل شریف (لُوقا) 9:16 ပူးပေါင်းရင်းမြစ်များ

اِنجِیل شریف (لُوقا) 22:19

اِس تُوں بعد حضرت عِیسیٰ روٹی کہِندی، تے اللّٰہ تعالیٰ نا شُکر ادا کری کے اُس نے ٹوٹے کِیتے۔ فِر اُنہاں اپݨے صحابیاں کی دیݨے ویلے آخیا، ”اے مہاڑا بدن اَے، جیہڑا تُساں نی خاطر میں دیݨا آں۔ مہاڑی یادگار نے طور اپر تُساں اِسے طرح کریا کرو۔“

اِنجِیل شریف (لُوقا) 24:30

جیہڑے ویلے حضرت عِیسیٰ اُنہاں نال روٹی کھاݨے واسطے بَیٹھے، تے روٹی کِہنی کے اللّٰہ تعالیٰ نا شُکر ادا کِیتا، فِر روٹی پہنی کے اُنہاں کی دِتی۔

اِنجِیل شریف (لُوقا) 9:15

صحابیاں حُکم نی تعمیل کِیتی، تے ساریاں کی بہالی شوڑیا۔

اِنجِیل شریف (لُوقا) 9:17

اُنہاں ساریاں رجی کے روٹی کھادی، تے بچے وے پہوریاں نال باراں ٹوکرے وی پہرݨ گئے۔