اِنجِیل شریف (لُوقا) 9:11 - Mirpuri-Pahari Bible

¹¹ بہُوں سارے لوک اے گل سُݨی کے حضرت عِیسیٰ نے پِچھے ٹُری گئے۔ حضرت عِیسیٰ اُنہاں کی بڑی خُوشی نال مِلے، تے اُنہاں کی اللّٰہ تعالیٰ نی بادشاہی نے بارے وِچ پَیغام دِتا، تے بیماراں کی شِفأ وی دِتی۔

اِنجِیل شریف (لُوقا) 9:11 ပူးပေါင်းရင်းမြစ်များ

اِنجِیل شریف (لُوقا) 1:53

جیہڑے پھُکھے اݨ، اُنہاں کی اللّٰہ رجائی شوڑیا اَے۔ پر جیہڑے دولتمند اݨ، اُنہاں کی خالی ہتھ پہیجی شوڑیا اَے۔

اِنجِیل شریف (لُوقا) 5:31

حضرت عِیسیٰ اُنہاں نی گل سُݨی کے آخیا، ”صحت مند لوکاں کی ڈاکٹر نی لوڑ نی ہوݨی، بلکہ بِیماراں ہی کی اُس نی لوڑ ہوݨی اَے۔

اِنجِیل شریف (لُوقا) 8:1

فِر اِس تُوں بعد حضرت عِیسیٰ مُختلِف شہراں تے گرانواں وِچ جائی کے اللّٰہ تعالیٰ نی بادشاہی نے بارے وِچ خُوشخبری لوکاں کی سُݨاݨے رہے۔ اُنہاں نے باراں صحابہ کرام اُنہاں نے نال سݨ،

اِنجِیل شریف (لُوقا) 8:10

حضرت عِیسیٰ جواب دِتا، ”اللّٰہ تعالیٰ صِرف تُساں کی اپݨی بادشاہی نے راز سمجھݨے نی صلاحیت دِتی وی اَے، پر باقی لوکاں کی میں صِرف مِثالاں نے ذرِیعے ہی تعلِیم دیݨا آں، تانکہ او اکھیاں ہوݨے نے باوجُود حقائق ناں تکی سکݨ، تے سُݨنے نے باوجُود ناں سمجھی سکݨ۔

اِنجِیل شریف (لُوقا) 9:10

حضرت عِیسیٰ نے صحابی اپݨے سفر تُوں مُڑی کے آئے، تے او ساریاں گلاں سُݨایاں جیہڑیاں اُنہاں نال ہویاں سݨ۔ فِر حضرت عِیسیٰ اُنہاں کی اپݨے نال ہِݨی کے الگ اِک شہر وِچ ٹُری گئے جِس نا ناں بَیتِ صَیدا سی۔

اِنجِیل شریف (لُوقا) 9:12

جِس ویلے نماشاں نا ٹَیم ہوݨ لغا، تے حضرت عِیسیٰ نے باراں صحابی اُنہاں کول اچھی کے آخݨ لغے، ”اِتھے کوئی بَستی نی۔ لوکاں کی جاݨ دیو، تانکہ اے آسے پاسے نے گرانواں تے بستیاں وِچ جائی کے اپݨے واسطے کھاݨے پِیݨے تے رہݨے نا بندوبست کرݨ۔“

اِنجِیل شریف (لُوقا) 9:2

تے اُنہاں کی اے آخی کے پہیجیا، ”لوکاں کی اللّٰہ تعالیٰ نی بادشاہی نے بارے وِچ پَیغام سُݨاؤ، تے بیماراں کی شِفأ دیو۔