اِنجِیل شریف (لُوقا) 8:52 - Mirpuri-Pahari Bible

⁵² اُتھے سارے لوک کُڑی واسطے روݨے پئے سݨ۔ پر حضرت عِیسیٰ اُنہاں کی آخیا، ”روؤ ناں! کُڑی موئی نی! اے تے سُتی وی اَے!“

اِنجِیل شریف (لُوقا) 8:52 ပူးပေါင်းရင်းမြစ်များ

توریت شریف: پَیدایش 23:2

مُلک کَنعان نے شہر قِریَت اربع وِچ فوت ہوئے. (اِس کی حبرون وی آخݨے اݨ.) تے حضرت اِبراہِیم بی بی سارہ نا ماتم کرنے واسطے گئے۔

اِنجِیل شریف (لُوقا) 23:27

حضرت عِیسیٰ نے پِچھے پِچھے لوکاں نی بہُوں بڑی پہِیڑ پئی جاݨی سی۔ اُنہاں وِچ بہُوں ساریاں جناݨیاں وی سݨ جیہڑیاں اُنہاں واسطے پئیاں روݨیاں تے بَیݨ کرنیاں سݨ۔

اِنجِیل شریف (لُوقا) 23:48

جیہڑے لوک اُتھے آئے وے سݨ او سارے اِس واقعے کی تکی کے روݨے، تے پِٹݨے اپݨے اپݨے کَہراں در مُڑی کے گئے۔

اِنجِیل شریف (لُوقا) 8:51

جِس ویلے حضرت عِیسیٰ یائِیر نے کہار پُہنچے، تے اُنہاں پَطرس ، یوحنا، یعقُوب، تے کُڑی نے ماں پِیؤ نے علاوہ کُسے کی وی اپݨے نال اندر جاݨے نی اجازت نی دِتی۔

اِنجِیل شریف (لُوقا) 8:53

حضرت عِیسیٰ نی اے گل سُݨی کے لوک اُنہاں اپر ہسݨ لغی پئے، کِیئانکہ اُنہاں کی پتہ سی کہ کُڑی موئی وی اَے۔