اِنجِیل شریف (لُوقا) 8:41 - Mirpuri-Pahari Bible

⁴¹ اُتھے حضرت عِیسیٰ کول اِک بندہ آیا جِس نا ناں یائِیر سی۔ او بنی اِسرائیلیاں نے عِبادت خانے نا سربراہ سی۔ اُس عاجزی نال حضرت عِیسیٰ نے پَیراں وِچ پئی کے آخیا، ”مہاڑے کہرے در جُلو“،

اِنجِیل شریف (لُوقا) 8:41 ပူးပေါင်းရင်းမြစ်များ

اِنجِیل شریف (لُوقا) 13:14

اے گل تکی کے عِبادت خانے نا سربراہ خفا ہویا کہ ہفتے آلے مُبارک دیہاڑے اُنہاں اے کَم کِیئاں کِیتا۔ او لوکاں کی آخݨ لغے، ”کَم کرنے نے چھے دیہاڑے ہوݨے اݨ، ہفتے آلا مُبارک دیہاڑا نی ہوݨا۔ جِس کُسے کی شِفاء نی لوڑ ہووے، اُنہاں دیہاڑیاں وِچ اچھیا کرو۔“

اِنجِیل شریف (لُوقا) 17:16

اے بندہ، جیہڑا سامریہ قوم وِچوں سی، جیہڑے ویلے مُڑی کے آیا تے حضرت عِیسیٰ نے قَدماں وِچ ٹہی کے اُنہاں نا شُکر ادا کِیتا۔

اِنجِیل شریف (لُوقا) 5:8

جِس ویلے حضرت شمعُون اے گل تکی، تے حضرت عِیسیٰ نے پَیراں وِچ پئی کے آخیا، ”حضُور! تُساں مہاڑے کولوں ہٹی جاؤ، کِیئانکہ میں بہُوں غُنہگار آں!“

اِنجِیل شریف (لُوقا) 8:42

کِیئانکہ یائِیر نی اِک ہی تِہی سی جیہڑی باراں سالاں نی سی تے او مرنے آلی سی۔ جِس ویلے حضرت عِیسیٰ اُس نال جاݨے سݨ تے راہ وِچ بہُوں سارے لوک جمع ہوئی گئے تے حضرت عِیسیٰ اپر ٹہیݨے شرُوع ہوئی گئے۔

اِنجِیل شریف (لُوقا) 8:49

حضرت عِیسیٰ اے گل پئے آخݨے ہی سݨ کہ بنی اِسرائیلیاں نے عِبادت خانے نے سربراہ نے کَہروں کُسے آئی کے سربراہ کی آخیا، ”تُساں نی تِہی مری گئی اَے! ہُݨ بزُرگاں کی زحمت ناں دیو!“