اِنجِیل شریف (لُوقا) 8:29 - Mirpuri-Pahari Bible

²⁹ اُس اے گل اِس واسطے کِیتی سی کِیئانکہ حضرت عِیسیٰ جِنّے کی اُس بندے وِچوں نِکلݨے نا حُکم دِتا سی۔ جِنّے اُس بندے کی کئی واری پغڑیا سی۔ لوک اُس کی قابُو وِچ کرنے واسطے زنجیراں تے بیڑیاں نال بنی کے رخݨے سݨ۔ پر فِر وی او زنجیراں تے بیڑیاں تروڑی تروڑی شوڑنا سی تے جِنّ اُسی بیابان لُگی جغہ وِچ نسائی کھڑنا سی۔

اِنجِیل شریف (لُوقا) 8:29 ပူးပေါင်းရင်းမြစ်များ

اِنجِیل شریف (لُوقا) 8:28

او حضرت عِیسیٰ کی تکی کے اُنہاں نے پَیراں وِچ پئی گیا تے چِیخی چِیخی کے آخݨ لغا، ”عِیسیٰ، اللّٰہ تعالیٰ نے پُتر، تُساں مِکی کَے آخݨا چاہݨے او؟ خُدا ناں واسطہ اَے مِکی کُجھ ناں آخو!“

اِنجِیل شریف (لُوقا) 8:30

حضرت عِیسیٰ اُس کولوں پُچھیا، ”تُہاڑا ناں کَے اَے؟“ اُس جواب دِتا، ”لشکر!“ در اصل اُس بندے وِچ بہُوں سارے جِنّات سݨ۔

اِنجِیل شریف (لُوقا) 9:39

کوئی جِنّ اُس کی پغڑی کِہننا اَے، تے مُنڈا چیخاں مارنا اَے۔ جِنّ اُس کی مروڑی کے سَٹݨا اَے، تے اُس نے مونہے وِچوں چَہگ نِکلݨی شرُوع ہوئی جاݨی اَے۔ او جِنّ اُس کی سخت تکلِیف دیݨا اَے، تے بہُوں مُشکِل نال اُس کی چھوڑنا اَے۔

اِنجِیل شریف (لُوقا) 9:42

جِس ویلے اُنہاں مُنڈے کی آندا، تے اُس اپر دورہ پئی گیا۔ جِنّے اُس کی پَرَتی کے زِیمی اپر سَٹیا۔ حضرت عِیسیٰ جِنّے کی جھِڑکی کے مُنڈے وِچوں کڈی شوڑیا، تے اُس کی اُسے ویلے ٹھِیک ٹھاک کری کے پِیؤ نے حوالے کِیتا۔