اِنجِیل شریف (لُوقا) 8:13 - Mirpuri-Pahari Bible

¹³ جیہڑا بِیں پتھراں آلی زِیمی اپر ٹہیݨا اَے، اے اُنہاں بندیاں نی مِثال اَے جیہڑے اللّٰہ تعالیٰ نا کلام سُݨنے اݨ، تے اِک دم خُوشی نال اُس کی قبُول کری کِہننے اݨ۔ پر او پَیغام اُنہاں نے دِلاں وِچ پَکا نی ہوݨا، تے زیادہ ٹَیم تک او لوک اِیمان وِچ قائم نی رہی سکݨے، کِیئانکہ جِس ویلے اُنہاں اپر کُسے قِسم نی آزمائِش اچھݨی اَے، تے او اِک دم اللّٰہ تعالیٰ اپر بھروسہ کرنا چھوڑی دیݨے اݨ۔

اِنجِیل شریف (لُوقا) 8:13 ပူးပေါင်းရင်းမြစ်များ

اِنجِیل شریف (لُوقا) 8:12

جیہڑا بِیں بَنّے اپر ٹہیݨا اَے، اُس نی مِثال اُنہاں بندیاں نی طرح اَے جیہڑے اللّٰہ تعالیٰ نا کلام سُݨنے اݨ۔ پر شیطان اچھی کے اُنہاں نے دِلاں وِچوں اُس کی کڈی شوڑݨا اَے، تانکہ اِسرح ناں ہوئی جائے کہ او اِیمان رخی کے نجات حاصل کرݨ۔

اِنجِیل شریف (لُوقا) 8:14

جیہڑا بِیں چَہاڑیاں وِچ ٹہیݨا اَے، اے اُنہاں لوکاں نی مِثال اَے جیہڑے پَیغام تے سُݨنے اݨ، پر بعد وِچ دُنیا نی فِکر، دولت نی کَشِش تے عیاشی اُس پَیغام نا اثر ختم کری شوڑنی اَے۔ اِسرح اُنہاں نا اِیمان مضبُوط نی ہوݨا۔