اِنجِیل شریف (لُوقا) 7:50 - Mirpuri-Pahari Bible

⁵⁰ پر حضرت عِیسیٰ اُس جناݨی کی آخیا، ”بے فکر ہوئی کے کہرے در جا! تُوں اپݨے اِیمان نی وجہ تُوں بچی گئی ایں۔“

اِنجِیل شریف (لُوقا) 7:50 ပူးပေါင်းရင်းမြစ်များ

اِنجِیل شریف (لُوقا) 17:19

فِر حضرت عِیسیٰ اُسی آخیا، ”اُٹھی کے جا! تُوں اپݨے اِیمان نی وجہ تُوں ٹھِیک ہویا ایں۔“

اِنجِیل شریف (لُوقا) 18:42

حضرت عِیسیٰ اُسی آخیا، ”ٹھِیک اے، تُہاڑیاں اکھیاں ٹھِیک ہوئی جاݨ! تُکی تہاڑے اِیمان نی وجہ تُوں شِفا لبھی گئی۔“

اِنجِیل شریف (لُوقا) 7:9

حضرت عِیسیٰ اے سُݨی کے بہُوں حیران ہوئی گئَے، تے اپݨے نال آلے لوکاں کی آخیا، ”یقِین کرو کہ میں اِیئے جہیا پَکّا اِیمان کُسے بنی اسرائیلی وِچ وی نی تکیا!“

اِنجِیل شریف (لُوقا) 8:18

اِس واسطے تُساں ہوشیار رہو، کہ کَے پئے سُݨنے او، کِیئانکہ جِس کُسے کی سمجھݨے نی خواہش ہوسی، اللّٰہ پاک اُس نے عِلم وِچ اِضافہ فرماسی۔ پر جِس کُسے کی سمجھݨے نی خواہش ناں ہوسی، اُس کولوں او تھوڑی جئی سمجھ وی جیہڑی کہ اُس کول اَے وے، واپس کِہندی جاسی۔“

اِنجِیل شریف (لُوقا) 8:42

کِیئانکہ یائِیر نی اِک ہی تِہی سی جیہڑی باراں سالاں نی سی تے او مرنے آلی سی۔ جِس ویلے حضرت عِیسیٰ اُس نال جاݨے سݨ تے راہ وِچ بہُوں سارے لوک جمع ہوئی گئے تے حضرت عِیسیٰ اپر ٹہیݨے شرُوع ہوئی گئے۔

اِنجِیل شریف (لُوقا) 8:48

تے فِر حضرت عِیسیٰ اُس کی آخیا، ”بچّہ! تُوں اپݨے پَکّے اِیمان نی وجہ تُوں ٹھِیک ہوئی گئی ایں۔ بے فکر ہوئی کے ٹُری جا!“