اِنجِیل شریف (لُوقا) 7:44 - Mirpuri-Pahari Bible

⁴⁴ فِر او جناݨی دَر مُڑے، تے شمعُون کی آخیا، ”تُوں اِس جناݨی کی تکیا؟ جیہڑے ویلے میں تہاڑے کہار آیا ساں، تے تُوں مہاڑی خاطرداری واسطے پاݨِیئے نال پَیر تہوݨے نی رَسم پُوری نی کِیتی۔ پر اِس جناݨی اپݨے اَتھرواں نال مہاڑے پَیر سیڑی کے اپݨے بالاں نال پُونجہے اݨ۔

اِنجِیل شریف (لُوقا) 7:44 ပူးပေါင်းရင်းမြစ်များ

توریت شریف: پَیدایش 18:4

بلکہ تھوڑا جیا پاݨی آݨݨ دیو، تے فِر پیراں کی تہوئی کے اُس درختے تھلے ارام کرو.

توریت شریف: پَیدایش 19:2

اُنہاں آخیا، ”اے مہاڑے مالک، مہاڑے نال مہاڑے کہار اچھو. اپݨے پیر تہؤ، راتی آرام کرو، تے سویرے اُٹھی کے اپݨا سفر جاری رخیا.“ اُنہاں جواب دِتا، ”ناں، اساں چوکے وِچ ہی رات لنگاساں۔“

توریت شریف: پَیدایش 43:24

فِر اُس پہراواں کی حضرت یُوسف نے کہار کھڑی کے پیر توݨے واسطے پاݨی دِتا، تے کھوتیاں کی پٹھے بائے.

اِنجِیل شریف (لُوقا) 7:38

تے حضرت عِیسیٰ نے پَیراں کول کھلی کے روݨ لغی۔ او اِتنی روئی کہ اُس نے اَتھرُوئاں نال عِیسیٰ نے پَیر مُبارک سِجی گئے۔ اے چِیز تکی کے جناݨی اپݨے بالاں نال اُنہاں نے پَیر پُونجہے، تے پَیراں اپر چُمیاں دِتیاں تے اُنہاں اپر عطر لایا۔

اِنجِیل شریف (لُوقا) 7:43

شمعُون جواب دِتا، ”مہاڑا خیال اَے، جِسی اُس زیادہ مُعاف کِیتا اَے۔“ حضرت عِیسیٰ فرمایا، ”تُوں صحیح آخیا اے!“