اِنجِیل شریف (لُوقا) 7:40 - Mirpuri-Pahari Bible

⁴⁰ حضرت عِیسیٰ اُس فریسی بندے کی آخیا، ”شمعُون، مِکی تہاڑے نال کُجھ گل کرنی اَے۔“ اُس آخیا، ”ٹھِیک اے حضُور، فرماؤ!“

اِنجِیل شریف (لُوقا) 7:40 ပူးပေါင်းရင်းမြစ်များ

اِنجِیل شریف (لُوقا) 18:18

اِک دفعہ اِسرح ہویا کہ بنی اِسرائیلیاں نے اِک سردار حضرت عِیسیٰ کولوں پُچھیا، ”اے نیک اُستاد جی! میں کیہڑا چنگا کم کراں تانکہ مِکی ہمیشہ نی زِندگی لبھی جائے؟“

اِنجِیل شریف (لُوقا) 5:22

جِس ویلے حضرت عِیسیٰ کی اُنہاں نے بارے وِچ پتہ چَلیا کہ او کَے آخݨے پئے اݨ، تے اُنہاں آخیا، ”تُساں لوک اپݨے دِلاں وِچ کِیئاں اِیئے جیاں گلاں کرنے او؟

اِنجِیل شریف (لُوقا) 5:31

حضرت عِیسیٰ اُنہاں نی گل سُݨی کے آخیا، ”صحت مند لوکاں کی ڈاکٹر نی لوڑ نی ہوݨی، بلکہ بِیماراں ہی کی اُس نی لوڑ ہوݨی اَے۔

اِنجِیل شریف (لُوقا) 6:8

پر حضرت عِیسیٰ کی اُنہاں نی گندی سوچ نا پتہ سی۔ اُنہاں سُکے وے ہتھے آلے بندے کی آخیا، ”اُٹھ، تے اِتھے ساریاں نے سامݨے آ !“ او اُٹھیا، تے اُتھے جائی کھلتا۔

اِنجِیل شریف (لُوقا) 7:39

جیہڑے ویلے اُس فریسی جِس حضرت عِیسیٰ کی کھاݨے نی دعوت دِتی وی سی، اے گل تکی، تے اپݨے دِلے وِچ آخیا، ”اگر اے بندہ سچا نبی ہوݨا، تے اِس کی پتہ لغی جاݨا چاہی نا سی کہ اے جناݨی جیہڑی اُس کی ہتھ لاݨی پئی کِتنی بدکار تے غُنہگار اَے!“

اِنجِیل شریف (لُوقا) 7:41

حضرت عِیسیٰ اُس کی اِک کہاݨی نے ذرِیعے مِثال دیئی کے آخیا، ”کُسے امِیر بندے دوآں بندیاں کی قرضہ دِتا سی، اِک کی پَنج سو دِینار تے دُوئے کی پَنجاہ دِینار۔