اِنجِیل شریف (لُوقا) 7:38 - Mirpuri-Pahari Bible

³⁸ تے حضرت عِیسیٰ نے پَیراں کول کھلی کے روݨ لغی۔ او اِتنی روئی کہ اُس نے اَتھرُوئاں نال عِیسیٰ نے پَیر مُبارک سِجی گئے۔ اے چِیز تکی کے جناݨی اپݨے بالاں نال اُنہاں نے پَیر پُونجہے، تے پَیراں اپر چُمیاں دِتیاں تے اُنہاں اپر عطر لایا۔

اِنجِیل شریف (لُوقا) 7:38 ပူးပေါင်းရင်းမြစ်များ

توریت شریف: پَیدایش 18:4

بلکہ تھوڑا جیا پاݨی آݨݨ دیو، تے فِر پیراں کی تہوئی کے اُس درختے تھلے ارام کرو.

اِنجِیل شریف (لُوقا) 22:62

فِر حضرت پَطرس باہر جائی کے پھُوٹی پھُوٹی روئے۔

اِنجِیل شریف (لُوقا) 6:21

خُوش نصیب او تُساں جِنہاں کی پُہکھ لغی وی اَے، کِیئانکہ اللّٰہ تعالیٰ تُساں کی رَجاسی! خُوش نصیب او تُساں جیہڑے ہُݨ روݨے پئے او، کِیئانکہ اللّٰہ تعالیٰ تُساں کی خُوش کری کے ہَنساسی!

اِنجِیل شریف (لُوقا) 7:37

تے شہر نی اِک بدنام قِسم نی جناݨی آئی۔ اُس کی پتہ سی کہ حضرت عِیسیٰ اُس فریسی بندے نے کہار دعوت اپر آئے وے اݨ۔ او جناݨی سنگِ مَرمَر نی بوتلاں وِچ بہُوں ہی قیمتی عطر بائی کے ہِݨی آئی،

اِنجِیل شریف (لُوقا) 7:39

جیہڑے ویلے اُس فریسی جِس حضرت عِیسیٰ کی کھاݨے نی دعوت دِتی وی سی، اے گل تکی، تے اپݨے دِلے وِچ آخیا، ”اگر اے بندہ سچا نبی ہوݨا، تے اِس کی پتہ لغی جاݨا چاہی نا سی کہ اے جناݨی جیہڑی اُس کی ہتھ لاݨی پئی کِتنی بدکار تے غُنہگار اَے!“