اِنجِیل شریف (لُوقا) 7:34 - Mirpuri-Pahari Bible

³⁴ فِر جیہڑے ویلے اِبنِ اِنسان یعنی کہ میں اچھی کے روزہ ناں رخݨاں تے انگُوراں نی شراب پِیݨاں، تے تُساں آخݨے او، ’تکو! اے کھاُؤ تے شرابی بندہ اَے، محصول کِہننے آلیاں تے دُوئے غُنہگاراں نا سَنگی اَے!‘

اِنجِیل شریف (لُوقا) 7:34 ပူးပေါင်းရင်းမြစ်များ

اِنجِیل شریف (لُوقا) 11:37

جیہڑے ویلے حضرت عِیسیٰ اے گلاں ختم کِیتیاں تے فریسی فِرقے نے اِک بندے اچھی کے اُنہاں کی کھاݨے نی دعوت دِتی۔ حضرت عِیسیٰ اُس نے کہار گئے تے کھاݨے واسطے بیہی گئے۔

اِنجِیل شریف (لُوقا) 14:1

فِر اِسرح ہویا کہ کُسے ہفتے آلے مُبارک دیہاڑے حضرت عِیسیٰ فریسیاں نے کُسے سردار نے کہار کھاݨا کھاݨے واسطے گئے وے سݨ۔ اُتھے لوک اُنہاں کی بہُوں غور نال تکݨے سݨ کہ اَج او کَے کرسݨ۔

اِنجِیل شریف (لُوقا) 15:2

پر فریسی فِرقے نے لوک تے شرِیعت نے علمأ اُنہاں کی تکی کے خفا ہوئی کے آخݨے سݨ، ”اے بندہ تے غُنہگار لوکاں نال دوستی کرنا اے بلکہ اُنہاں نال بہی کے کھاݨا پِیݨا وی اے!“

اِنجِیل شریف (لُوقا) 19:7

سارے لوک اے گل تکی کے بہُوں خفا ہوئے، تے آخݨ لغے، ”اِتھے تکو! اے تے غُنہگار بندے نے مہمان بݨی گئے اݨ!“

اِنجِیل شریف (لُوقا) 5:29

فِر اِسرح ہویا کہ لاوی اپݨے کہار حضرت عِیسیٰ نی دعوت کِیتی۔ اُتھے کافی سارے مُنشی تے ہور وی بہُوں سارے لوک اُس دعوت وِچ شریک ہوئے وے سݨ۔

اِنجِیل شریف (لُوقا) 7:33

کِیئانکہ حضرت یحییٰ ناں تے بہُوں زیادہ کھاݨے سݨ، تے ناں ہی انگُوراں نی شراب پِیݨے سݨ۔ تے تُساں آخݨے او، ’اِس وِچ کوئی جِنّ اَے‘۔

اِنجِیل شریف (لُوقا) 7:35

پر فِر وی اللّٰہ تعالیٰ نی حِکمت اِیمان آلے لوکاں نے ذرِیعے سچی ثابت ہوݨی اَے۔“

اِنجِیل شریف (لُوقا) 7:36

فریسی فِرقے نے اِک شمعُون نامی بندے حضرت عِیسیٰ کی روٹی کھاݨے نی دعوت دِتی، تے او اُس نے کہار گئے۔ او کھاݨا کھاݨے واسطے دَسترخوان اپر بیٹھے وے سݨ،